وبلىستىق پوليتسيا دەپارتامەنتىنىڭ مالىمەتىنشە, اقمولا پوليتسەيلەرى ستەپنوگورسك قالاسىندا باعالى مەتالداردىڭ زاڭسىز اينالىمى فاكتىلەرىنىڭ جولىن كەستى
وسى جىلدىڭ 26 قاراشاسىندا ستەپنوگورسك قالاسىندا پوليتسيا قىزمەتكەرلەرىنىڭ جەدەل-ىزدەستىرۋ جانە تەرگەۋ ءىس-شارالارىنىڭ كەشەنىن جۇرگىزۋ ناتيجەسىندە, قۇرامىندا التىن بار شيكىزاتتى زاڭسىز وڭدەۋدى جۇزەگە اسىرعان ءبىر توپ ادام ۇستالدى.
«زاۆودسكوي كەنتىنىڭ اۋماعىندا پوليتسەيلەر ەكى جاسىرىن تسەحتى انىقتاپ, جويدى, وندا ۇستاۋ كەزىندە زاڭسىز ىزدەۋشىلەردىڭ ەكى بريگاداسى بولدى. قاتىسۋشىلاردىڭ قۇرامىندا التىنى بار ماتەريالدان ارنايى جابدىقتى پايدالانا وتىرىپ, التىن الۋ پروتسەسىن ۇيىمداستىرعانى انىقتالدى. وقيعا ورىندارىن تەكسەرۋ جانە ءتىنتۋ ءىس-شارالارىن جۇرگىزۋ بارىسىندا قۇرامىندا 800 كەلىگە جۋىق التىن بار ماتەريال, ەكى قايتا وڭدەۋ كەشەنى, سونداي-اق 30 گرامم التىن تاركىلەندى», – دەلىنگەن وبلىستىق پد حابارلاماسىندا.
اتالعان فاكتىلەر بويىنشا قىلمىستىق ىستەر قوزعالدى. قۇقىققا قايشى قىزمەتتىڭ جانە وزگە دە قاتىسى بار ادامداردىڭ بارلىق ءمان-جايلارىن انىقتاۋعا باعىتتالعان ودان ءارى تەرگەۋ ارەكەتتەرى جۇرگىزىلەدى.
