فوتو: داۋد ابۋ الكاس, Reuters
ونىڭ ايتۋىنشا, كوپ جىلدىق قوزعالىس شەكتەۋلەرى مەن سوعىس سالدارى ونداعان جىلدىق پروگرەستى كۇيرەتىپ, گازانى دا, باتىس جاعالاۋدى دا قۇلدىراتتى.
«جاعداي اسا الاڭداتارلىق. گازا تاريحتا بولماعان ەكونوميكالىق داعدارىستى باستان وتكەرىپ جاتىر», دەدى ول.
گازاداعى ءجىو 83 پايىزعا تومەندەدى
UNCTAD دەرەكتەرىنە سايكەس, 2024 جىلى گازانىڭ ءجىو الدىڭعى جىلمەن سالىستىرعاندا 83%-عا قۇلدىراعان. جان باسىنا شاققانداعى ءجىو جىلىنا 161 دوللارعا دەيىن تومەندەگەن – بۇل تاۋلىگىنە 50 تسەنتتەن دە از, الەمدەگى ەڭ تومەن كورسەتكىشتەردىڭ ءبىرى. سەكتور ەكونوميكاسىنىڭ كولەمى 2022 جىلعى دەڭگەيدىڭ نەبارى 13%-ىن قۇرايدى.
UNCTAD-تىڭ پالەستينالىق حالىقتى قولداۋ باعدارلاماسىنىڭ جەتەكشىسى, اعا ەكونوميست مۋتاسيم ەلاگراانىڭ ايتۋىنشا, داعدارىس گازانى 70 جىلعا ارتتا قالدىردى.
«2022 جىلدان بەرى گازانىڭ ەكونوميكاسى ءوز قۇنىنىڭ 87 پايىزىن جوعالتتى. جان باسىنا شاققان ءجىو 22 جىل بۇرىنعى دەڭگەيگە ءتۇستى. بۇل سوڭعى ونداعان جىلداعى ەڭ اۋىر ەكونوميكالىق داعدارىس», دەدى ول.
ونىڭ ايتۋىنشا, جۇمىسسىزدىق دەڭگەيى جالپى ەسەپپەن 50%-عا جەتكەن, ال گازادا 80%-دان اسىپ كەتكەن.
باتىس جاعالاۋ دا قۇلدىراپ بارادى
باتىس جاعالاۋ دا تاريحتاعى ەڭ كۇردەلى ەكونوميكالىق تومەندەۋدى باستان وتكەردى. 2024 جىلى ءجىو 17%-عا, جان باسىنا شاققان كىرىس شامامەن 19%-عا ازايدى.
UNCTAD باعالاۋىنشا, تۇراقسىزدىقتىڭ كۇشەيۋى, قوزعالىسقا قويىلعان قاتاڭ شەكتەۋلەر, قونىستاردىڭ كەڭەيۋى جانە باتىس جاعالاۋداعى اۋىلشارۋاشىلىق جەرلەرىنىڭ 60%-ىنا قولجەتىمدىلىكتىڭ جوعالۋى «ەكونوميكالىق ءوسىمدى ونداعان جىل بويى تۇنشىقتىرىپ», قالپىنا كەلۋ مۇمكىندىكتەرىن ايتارلىقتاي تەجەپ وتىر.
مورەنونىڭ ايتۋىنشا, پالەستينانىڭ قارجىلىق جاعدايى «تاريحتاعى ەڭ ناشار دەڭگەيدە».
ءبىلىم بەرۋ جۇيەسى كۇيرەدى
باياندامادا گازاداعى بارلىق مەكتەپ پەن جوو-نىڭ قيراۋى بالالاردى ءبىلىم الۋ مۇمكىندىگىنەن ايىرعانى ايتىلدى. ساراپشىلاردىڭ ايتۋىنشا, مۇنىڭ زاردابىن بىرنەشە ۇرپاق كورەدى.
ء«بىلىم بەرۋ, داعدى قالىپتاستىرۋ جۇيەسى جانە ادامي كاپيتالدىڭ بۇكىل ىرگەتاسى تالقاندالدى. گازا 70 جىلدىق دامۋىن جوعالتتى», دەدى مۋتاسيم ەلاگراان
بۇۇ, ەو جانە دۇنيەجۇزىلىك بانكتىڭ بىرلەسكەن باعالاۋى بويىنشا گازانى قالپىنا كەلتىرۋ ءۇشىن 70 ملرد دوللاردان استام قاراجات قاجەت.
قيراعان نىسانداردى تولىق تازارتۋ 22 جىلعا سوزىلۋى مۇمكىن, ال جارىلماعان وق-دارىلەردى جويۋ 10 جىلعا دەيىن ۇزايدى.
