“حان شاتىر” اشىلدى
استانا كۇنى مەرەكەسىنىڭ ءىس-شارالارى اياسىندا “حان شاتىر” ساۋدا-ويىن-ساۋىق ورتالىعى سالتاناتتى جاعدايدا اشىلدى. اشىلۋ راسىمىنە قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ, رەسەي فەدەراتسياسىنىڭ پرەزيدەنتى دميتري مەدۆەدەۆ, تۇرىك رەسپۋبليكاسىنىڭ پرەزيدەنتى ابدۋللا گۇل, ۋكراينا پرەزيدەنتى ۆيكتور يانۋكوۆيچ, تاجىكستان رەسپۋبليكاسىنىڭ پرەزيدەنتى ەمومالي راحمون, ارمەنيا پرەزيدەنتى سەرج سارگسيان قاتىسىپ, قازاقستاندىق جانە شەتەلدىك ونەر شەبەرلەرىنىڭ كونتسەرتىن تاماشالادى.
سالتاناتتى ءراسىم شالقىعان “سارىارقا” كۇيىنىڭ ورىندالۋىمەن اشىلدى. ودان سوڭ مارتەبەلى مەيماندار مەن كوپشىلىك كورەرمەندەرگە تەاترلاندىرىلعان “كوشپەلىلەر” قويىلىمى ۇسىنىلدى. قازاق ۇيلەر جىلجىپ بارادى, تۇيە جەتەكتەگەن, سايگ ۇلىكتەر ءمىنگەن ارۋلار كەلەدى. قازاق ۇيلەردى ەكى جاقتان باتىرلار كۇزەتىپ بارادى. ەندى ات ءمىنىپ, ساۋىق قۇرعان قىز-جىگىتتەر كورىندى. ولار “مولداباي” ءانىن شىرقاپ جاتسا, باسقالارى انگە قوسىلىپ, بي بيلەۋدە. سالدەن كەيىن ات قۇلاعىندا ويناعان تسيرك ونەرپازدارى بىرىنەن سوڭ ءبىرى ونەرلەرىن كورسەتىپ ءوتتى.
“كوشپەلىلەر” – وتكەن كۇننىڭ ەلەسىن كوز الدىڭا اكەلىپ, اتا-بابالارىمىزدىڭ تۇرمىس-سالتىنان حاباردار ەتەدى. جاز جايلاۋعا, قىس قىستاۋعا كوشۋ كوشپەلىلەردىڭ تىنىس-تىرشىلىگى مەن ءداستۇرى عانا ەمەس, مەزگىل مەرەكەسى ءارى ءسان-سالتاناتى جاراسقان تابيعي ءۇردىسى ەكەنى تاريحتان بەلگىلى. سالتاناتتى ءراسىم بارىسىندا, سونداي-اق كوشپەلىلەردىڭ جىلدار بويى قالىپتاسقان ماقسات-مۇراتتارىن جەتكىزەتىن, تاريحي مۇرالار مەن اۋىز ادەبيەتىندە ساقتالعان جازبا دەرەكتەردەن الىنعان قويىلىم دا كورسەتىلدى. كورسەتىلىمدە ۇلتتىق ويىنداردىڭ كەيبىر ەلەمەنتتەرى كىرىكتىرىلگەن, ول وتكەن كۇنگە ءبىر ءسات ساياحات جاساۋعا مۇمكىندىك بەرەدى.
ارتىنشا ماحامبەت باتىردىڭ اتاقتى “ەگەۋلى نايزا قولعا الماي” ولەڭىنەن ءۇزىندى وقىلىپ, قۇرمانعازى اتىنداعى وركەستر ماحامبەتتىڭ “جورىق” كۇيىن ناقىشىنا كەلتىرە ورىنداپ, جينالعان قاۋىمدى ءتانتى ەتتى. سالتاناتتى ءراسىم ءارى قاراي قازاقستان ونەر شەبەرلەرىنىڭ ءان شاشۋىمەن جالعاستى.
پرەزيدەنت سارايى – اقوردادان باستاۋ العان باس قالانىڭ عاجايىپ عيماراتى استانا قالاسى جاڭا ورتالىعىنىڭ ءدال كىندىگىندە ورنالاسقان. ورتالىق قالاداعى ەرەكشە ماڭىزدى نىسانداردىڭ ءبىرى بولىپ تابىلادى. بىرەگەي كەشەن جوباسىنىڭ اۆتورى – الەمگە تانىمال اعىلشىن ساۋلەتشىسى لورد نورمان فوستەر. اتاۋىنىڭ ءوزى ايتىپ تۇرعانداي, بيىكتىگى 150 مەترلىك اسەم عيمارات كوشپەلى حالىقتىڭ قولىمەن تۇرعىزىلعان حان شاتىرلارىنىڭ جيىنتىعى ىسپەتتەس. كوز الدىڭا ەسىكتەرىن ايقارا اشىپ تۇرعان حان شاتىرلارىن ەلەستەتىپ, تاڭ-تاماشا قالدىرادى.
ورتالىقتىڭ بىرەگەي ساۋلەت-قۇرىلىسى ەجەلگى سارىارقانىڭ قاتال كليماتىنا ءبىر ءوزى توتەپ بەرەتىندەي كەلىستى ويلاستىرىلعان. ونىڭ ىشكى جاعى كوزدىڭ جاۋىن الاتىن بىرنەشە تابيعي لاندشافتپەن ورنەكتەلىپ, بەزەندىرىلگەن. مىسالى جارىق, ىلعالدىلىق پەن تەمپەراتۋرا جىل بويى باپتالىپ, باقىلانادى. ماساتىداي قۇلپىرىپ, جاسىل جەلەكپەن كومكەرىلگەن باسپالداقتى ءدالىزدى كورگەندە, ەسىڭىزگە جىل ون ەكى اي جاپ-جاسىل بولىپ تۇراتىن كليماتتىق بەلدەۋلەر تۇسەدى. ال سوڭعى ۇلگىدەگى ساپالى ماتەريالدارمەن قاپتالعان عيماراتتىڭ قۇرىلعىلارى ارقىلى ءتۇسكەن تابيعي جارىق اينالانى ەرەكشە ءبىر نۇرعا بولەيدى.
عيماراتتىڭ ءاربىر قاباتىندا مەيرامحانالار مەن ءدامحانالار جۇمىس ىستەيدى. ولاردا دۇنيە ءجۇزى اسحانالارىنىڭ تاجىريبەلى اسپازدارى استانالىقتار مەن ەلوردا قوناقتارىنا ءتىل ۇيىرەتىن ءدامدى اس دايىندايتىن بولادى. ال التىنشى قاباتتا ءجۇزۋ باسسەينى, اكۆاپارك جانە امبەباپ جابىق جاعاجاي ورنالاسقان. سونداي-اق ورتالىققا كەلىپ دەمالۋشىلار قۇس جولى بيىكتىگىنەن استانانىڭ كورىكتى جەرلەرىن تاماشالاي الادى. كورىكتى كەلبەتىمەن كوز تارتاتىن باس قالامىزدىڭ ساۋلەتىنە ءسان قوساتىن بۇل تاماشا ارحيتەكتۋرالىق نىساندا قالا تۇرعىندارى مەن قوناقتارى بوس ۋاقىتىن بارىنشا جايلى دا كوڭىلدى وتكىزەتىن باسقا دا ويىن-ساۋىق ورىندارى مولىنان قامتىلعان.
گولف كىشى الاڭى, شاعىن كول, بوتانيكالىق ساياباق, جابىق جاعاجاي, ءسان ورتالىقتارى مەن كوسمەتيكالىق سالوندار, كونتسەرت زالدارى, ساۋدا ورتالىقتارى, بەس جۇلدىزدى وتەلى بار شىنى شاتىرلى الىپ ورتالىق شىن مانىندە استانالىقتار مەن قالا قوناقتارىنىڭ تاماشا دەمالىس جانە ساۋدا ورىندارىنىڭ بىرەگەيى بولىپ تابىلادى. سونداي-اق “حان شاتىر” الەمدەگى ەڭ ۇلكەن نىسانداردىڭ ءبىرى دەسەك, قاتەلەسپەيمىز. ال جوبانىڭ ەرەكشەلىگى, ونىڭ ىشكى كليماتى عيماراتتاعى قازىرگى زامانعى اۆتوماتتى قۇرالدار ارقىلى قاداعالاتىندىعىندا جاتىر.
“حان شاتىردىڭ” استىڭعى قاباتىندا 700 ورىندى اۆتوتۇراق, بۇدان بولەك ورتالىقتىڭ ءىشى مەن سىرتىندا 1400 اۆتوكولىككە ەسەپتەلگەن اۆتوتۇراق تاعى بار. سونىمەن قاتار, كورمەلەر مەن مادەني-كوپشىلىك ءىس-شارالار وتكىزەتىن الاڭدار, زالدار دا جەتەرلىك. ال ورتالىقتىڭ 40 مىڭ شارشى مەترىن مەيرامحانالار مەن ءدامحانالار, دۇكەندەر مەن كينوتەاترلار الىپ جاتىر. كەلۋشىلەر مۇندا ءبىلىكتى اسپازدار دايىنداعان ءدامدى تاعامداردان ءدام تاتىپ, الەمنىڭ ۇزدىك كينورەجيسسەرلەرىنىڭ تۋىندىلارىن تاماشالاي الادى. مىسالى, ء“Multىplex” كينوتەاترىنىڭ ءبىر ءوزى 450 كورەرمەنگە ەسەپتەلگەن. ورتالىق ءبىر مەزەتتە 10 مىڭ ادامدى قابىلداي الادى.
بۇدان كەيىن قوناقتارعا ەلىمىزدەگى ەتنو-مادەني بىرلەستىكتەردىڭ ونەر ۇجىمدارى مەن بالەت ءارتىستەرى دايىنداعان “كۇن ادامدارى” اتتى بي قويىلىمى ۇسىنىلدى. ال باعدارلامانىڭ كەلەسى بولىگى قازاقستاندىق جانە شەتەلدىك ونەر شەبەرلەرىنىڭ شىرقاعان اندەرىمەن ءارى قاراي جالعاستى. بۇل مەرەكەلىك شارادا مارتەبەلى مەيماندار مەن كورەرمەن قاۋىم, سونداي-اق مەملەكەتتىك كاپەللانىڭ جيىنتىق حورى مەن “حان شاتىر” ويىن-ساۋىق ورتالىعىنىڭ سالتاناتتى اشىلۋ راسىمىنە ارنايى شاقىرىلعان الەمگە تانىمال ءانشى اندرەا بوچەلليدىڭ كونتسەرتىن تاماشالادى.
اندرەا بوچەللي – كوپشىلىكتىڭ كوكەيىنەن شىققان تانىمال اندەر مەن كلاسسيكالىق مۋزىكانى تاماشا ۇيلەستىرگەن دارىندى ءانشى. وپەرالىق تۋىندىلاردى جەڭىل ءارى ناقىشىنا كەلتىرە ورىنداۋ بوچەلليدى الەمگە ءماشھۇر ەتتى. “مەن ءوزىمنىڭ وتكەنىمە كوز جۇگىرتسەم, اركەز مۋزىكاعا عاشىق بولعاندىعىم ەسىمە تۇسەدى”, دەپ ءانشى جاستايىنان ونەرگە ەسسىز عاشىق بولعاندىعىن ايتادى. ول التى جاسىندا فورتەپيانودا ويناسا, كەيىن فلەيتا مەن ساكسوفوندى مەڭگەرەدى. بالا كەزىنەن اۋرۋشاڭ بولعان اندرەا بىرتىندەپ كوز جانارىنىڭ ءسونىپ بارا جاتقانىن سەزىندى. ال 12 جاسىندا مۇلدە كورمەي قالادى. اتا-اناسى بالاسىنىڭ تاعدىرعا توتەپ بەرۋى ءۇشىن بارىنشا كومەكتەسەدى. اندرەا مەكتەپ قابىرعاسىندا ءجۇرگەندە حورعا قاتىسىپ, بىرنەشە ءمارتە كونكۋرستاردان جۇلدەلى ورالادى. 1980 جىلى پيزا ۋنيۆەرسيتەتىنىڭ زاڭ فاكۋلتەتىنە وقۋعا ءتۇسىپ, زاڭ عىلىمدارىنىڭ دوكتورى دارەجەسىن الادى.
الايدا, ونىڭ نازىك جانى ءوزگەنى قالايتىن. ول دەل موناكو, دجيلي جانە فرانكو كورەللي سىندى تانىمال يتاليالىق ورىنداۋشىلاردىڭ اريالارىن ۇيىپ تىڭدايتىن. بوس ۋاقىتىندا مەيرامحانادا فورتەپيانودا ويناپ, فرەنك سيناتر, ەديت پياف جانە شارل ازناۆۋردىڭ ايگىلى ءاندەرىن شىرقادى. سونداي-اق اندرەا بوچەللي لۋچانو پاۆاروتتيمەن دە بىرگە ءان جازعان.
اشىلۋ سالتاناتىنىڭ اپوگەيى “حان شاتىر” كۇمبەزىنەن قۇلديلاعان “التىن ادامنىڭ” كۇمبەزدىڭ الاۋىن تۇتاتۋى بولدى. تاماشا ءراسىم سانداعان اسەم ءتۇرگە بويالعان عالامات وتشاشۋمەن ءتامامدالدى.
استانا اجارىن ايشىقتاي ءتۇسكەن “حان شاتىر” بۇگىن, ەلوردا مەن ەلباسى كۇنىندە اشىلدى. ءيا, “بۇگىن” دەگەنىمىزگە تاڭدانباڭىز. پرەزيدەنت ن.ءا.نازارباەۆ كەشەننىڭ اشىلۋ سالتاناتى اياقتالىپ, قۇرمەتتى قوناقتارىن “حان شاتىرعا” باستاپ جۇرگەندە ساعات ءتىلى 00 ساعات 07 ءمينوتتى سوققان بولاتىن...
قوس مەرەكەگە تاماشا تارتۋ جاسالدى.
ءاليسۇلتان قۇلانباي.
---------------------------------
سۋرەتتەردى تۇسىرگەن شۇكىر شاحاي.
استانا كۇنى مەرەكەسىنىڭ ءىس-شارالارى اياسىندا “حان شاتىر” ساۋدا-ويىن-ساۋىق ورتالىعى سالتاناتتى جاعدايدا اشىلدى. اشىلۋ راسىمىنە قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ, رەسەي فەدەراتسياسىنىڭ پرەزيدەنتى دميتري مەدۆەدەۆ, تۇرىك رەسپۋبليكاسىنىڭ پرەزيدەنتى ابدۋللا گۇل, ۋكراينا پرەزيدەنتى ۆيكتور يانۋكوۆيچ, تاجىكستان رەسپۋبليكاسىنىڭ پرەزيدەنتى ەمومالي راحمون, ارمەنيا پرەزيدەنتى سەرج سارگسيان قاتىسىپ, قازاقستاندىق جانە شەتەلدىك ونەر شەبەرلەرىنىڭ كونتسەرتىن تاماشالادى.
سالتاناتتى ءراسىم شالقىعان “سارىارقا” كۇيىنىڭ ورىندالۋىمەن اشىلدى. ودان سوڭ مارتەبەلى مەيماندار مەن كوپشىلىك كورەرمەندەرگە تەاترلاندىرىلعان “كوشپەلىلەر” قويىلىمى ۇسىنىلدى. قازاق ۇيلەر جىلجىپ بارادى, تۇيە جەتەكتەگەن, سايگ ۇلىكتەر ءمىنگەن ارۋلار كەلەدى. قازاق ۇيلەردى ەكى جاقتان باتىرلار كۇزەتىپ بارادى. ەندى ات ءمىنىپ, ساۋىق قۇرعان قىز-جىگىتتەر كورىندى. ولار “مولداباي” ءانىن شىرقاپ جاتسا, باسقالارى انگە قوسىلىپ, بي بيلەۋدە. سالدەن كەيىن ات قۇلاعىندا ويناعان تسيرك ونەرپازدارى بىرىنەن سوڭ ءبىرى ونەرلەرىن كورسەتىپ ءوتتى.
“كوشپەلىلەر” – وتكەن كۇننىڭ ەلەسىن كوز الدىڭا اكەلىپ, اتا-بابالارىمىزدىڭ تۇرمىس-سالتىنان حاباردار ەتەدى. جاز جايلاۋعا, قىس قىستاۋعا كوشۋ كوشپەلىلەردىڭ تىنىس-تىرشىلىگى مەن ءداستۇرى عانا ەمەس, مەزگىل مەرەكەسى ءارى ءسان-سالتاناتى جاراسقان تابيعي ءۇردىسى ەكەنى تاريحتان بەلگىلى. سالتاناتتى ءراسىم بارىسىندا, سونداي-اق كوشپەلىلەردىڭ جىلدار بويى قالىپتاسقان ماقسات-مۇراتتارىن جەتكىزەتىن, تاريحي مۇرالار مەن اۋىز ادەبيەتىندە ساقتالعان جازبا دەرەكتەردەن الىنعان قويىلىم دا كورسەتىلدى. كورسەتىلىمدە ۇلتتىق ويىنداردىڭ كەيبىر ەلەمەنتتەرى كىرىكتىرىلگەن, ول وتكەن كۇنگە ءبىر ءسات ساياحات جاساۋعا مۇمكىندىك بەرەدى.
ارتىنشا ماحامبەت باتىردىڭ اتاقتى “ەگەۋلى نايزا قولعا الماي” ولەڭىنەن ءۇزىندى وقىلىپ, قۇرمانعازى اتىنداعى وركەستر ماحامبەتتىڭ “جورىق” كۇيىن ناقىشىنا كەلتىرە ورىنداپ, جينالعان قاۋىمدى ءتانتى ەتتى. سالتاناتتى ءراسىم ءارى قاراي قازاقستان ونەر شەبەرلەرىنىڭ ءان شاشۋىمەن جالعاستى.
پرەزيدەنت سارايى – اقوردادان باستاۋ العان باس قالانىڭ عاجايىپ عيماراتى استانا قالاسى جاڭا ورتالىعىنىڭ ءدال كىندىگىندە ورنالاسقان. ورتالىق قالاداعى ەرەكشە ماڭىزدى نىسانداردىڭ ءبىرى بولىپ تابىلادى. بىرەگەي كەشەن جوباسىنىڭ اۆتورى – الەمگە تانىمال اعىلشىن ساۋلەتشىسى لورد نورمان فوستەر. اتاۋىنىڭ ءوزى ايتىپ تۇرعانداي, بيىكتىگى 150 مەترلىك اسەم عيمارات كوشپەلى حالىقتىڭ قولىمەن تۇرعىزىلعان حان شاتىرلارىنىڭ جيىنتىعى ىسپەتتەس. كوز الدىڭا ەسىكتەرىن ايقارا اشىپ تۇرعان حان شاتىرلارىن ەلەستەتىپ, تاڭ-تاماشا قالدىرادى.
ورتالىقتىڭ بىرەگەي ساۋلەت-قۇرىلىسى ەجەلگى سارىارقانىڭ قاتال كليماتىنا ءبىر ءوزى توتەپ بەرەتىندەي كەلىستى ويلاستىرىلعان. ونىڭ ىشكى جاعى كوزدىڭ جاۋىن الاتىن بىرنەشە تابيعي لاندشافتپەن ورنەكتەلىپ, بەزەندىرىلگەن. مىسالى جارىق, ىلعالدىلىق پەن تەمپەراتۋرا جىل بويى باپتالىپ, باقىلانادى. ماساتىداي قۇلپىرىپ, جاسىل جەلەكپەن كومكەرىلگەن باسپالداقتى ءدالىزدى كورگەندە, ەسىڭىزگە جىل ون ەكى اي جاپ-جاسىل بولىپ تۇراتىن كليماتتىق بەلدەۋلەر تۇسەدى. ال سوڭعى ۇلگىدەگى ساپالى ماتەريالدارمەن قاپتالعان عيماراتتىڭ قۇرىلعىلارى ارقىلى ءتۇسكەن تابيعي جارىق اينالانى ەرەكشە ءبىر نۇرعا بولەيدى.
عيماراتتىڭ ءاربىر قاباتىندا مەيرامحانالار مەن ءدامحانالار جۇمىس ىستەيدى. ولاردا دۇنيە ءجۇزى اسحانالارىنىڭ تاجىريبەلى اسپازدارى استانالىقتار مەن ەلوردا قوناقتارىنا ءتىل ۇيىرەتىن ءدامدى اس دايىندايتىن بولادى. ال التىنشى قاباتتا ءجۇزۋ باسسەينى, اكۆاپارك جانە امبەباپ جابىق جاعاجاي ورنالاسقان. سونداي-اق ورتالىققا كەلىپ دەمالۋشىلار قۇس جولى بيىكتىگىنەن استانانىڭ كورىكتى جەرلەرىن تاماشالاي الادى. كورىكتى كەلبەتىمەن كوز تارتاتىن باس قالامىزدىڭ ساۋلەتىنە ءسان قوساتىن بۇل تاماشا ارحيتەكتۋرالىق نىساندا قالا تۇرعىندارى مەن قوناقتارى بوس ۋاقىتىن بارىنشا جايلى دا كوڭىلدى وتكىزەتىن باسقا دا ويىن-ساۋىق ورىندارى مولىنان قامتىلعان.
گولف كىشى الاڭى, شاعىن كول, بوتانيكالىق ساياباق, جابىق جاعاجاي, ءسان ورتالىقتارى مەن كوسمەتيكالىق سالوندار, كونتسەرت زالدارى, ساۋدا ورتالىقتارى, بەس جۇلدىزدى وتەلى بار شىنى شاتىرلى الىپ ورتالىق شىن مانىندە استانالىقتار مەن قالا قوناقتارىنىڭ تاماشا دەمالىس جانە ساۋدا ورىندارىنىڭ بىرەگەيى بولىپ تابىلادى. سونداي-اق “حان شاتىر” الەمدەگى ەڭ ۇلكەن نىسانداردىڭ ءبىرى دەسەك, قاتەلەسپەيمىز. ال جوبانىڭ ەرەكشەلىگى, ونىڭ ىشكى كليماتى عيماراتتاعى قازىرگى زامانعى اۆتوماتتى قۇرالدار ارقىلى قاداعالاتىندىعىندا جاتىر.
“حان شاتىردىڭ” استىڭعى قاباتىندا 700 ورىندى اۆتوتۇراق, بۇدان بولەك ورتالىقتىڭ ءىشى مەن سىرتىندا 1400 اۆتوكولىككە ەسەپتەلگەن اۆتوتۇراق تاعى بار. سونىمەن قاتار, كورمەلەر مەن مادەني-كوپشىلىك ءىس-شارالار وتكىزەتىن الاڭدار, زالدار دا جەتەرلىك. ال ورتالىقتىڭ 40 مىڭ شارشى مەترىن مەيرامحانالار مەن ءدامحانالار, دۇكەندەر مەن كينوتەاترلار الىپ جاتىر. كەلۋشىلەر مۇندا ءبىلىكتى اسپازدار دايىنداعان ءدامدى تاعامداردان ءدام تاتىپ, الەمنىڭ ۇزدىك كينورەجيسسەرلەرىنىڭ تۋىندىلارىن تاماشالاي الادى. مىسالى, ء“Multىplex” كينوتەاترىنىڭ ءبىر ءوزى 450 كورەرمەنگە ەسەپتەلگەن. ورتالىق ءبىر مەزەتتە 10 مىڭ ادامدى قابىلداي الادى.
بۇدان كەيىن قوناقتارعا ەلىمىزدەگى ەتنو-مادەني بىرلەستىكتەردىڭ ونەر ۇجىمدارى مەن بالەت ءارتىستەرى دايىنداعان “كۇن ادامدارى” اتتى بي قويىلىمى ۇسىنىلدى. ال باعدارلامانىڭ كەلەسى بولىگى قازاقستاندىق جانە شەتەلدىك ونەر شەبەرلەرىنىڭ شىرقاعان اندەرىمەن ءارى قاراي جالعاستى. بۇل مەرەكەلىك شارادا مارتەبەلى مەيماندار مەن كورەرمەن قاۋىم, سونداي-اق مەملەكەتتىك كاپەللانىڭ جيىنتىق حورى مەن “حان شاتىر” ويىن-ساۋىق ورتالىعىنىڭ سالتاناتتى اشىلۋ راسىمىنە ارنايى شاقىرىلعان الەمگە تانىمال ءانشى اندرەا بوچەلليدىڭ كونتسەرتىن تاماشالادى.
اندرەا بوچەللي – كوپشىلىكتىڭ كوكەيىنەن شىققان تانىمال اندەر مەن كلاسسيكالىق مۋزىكانى تاماشا ۇيلەستىرگەن دارىندى ءانشى. وپەرالىق تۋىندىلاردى جەڭىل ءارى ناقىشىنا كەلتىرە ورىنداۋ بوچەلليدى الەمگە ءماشھۇر ەتتى. “مەن ءوزىمنىڭ وتكەنىمە كوز جۇگىرتسەم, اركەز مۋزىكاعا عاشىق بولعاندىعىم ەسىمە تۇسەدى”, دەپ ءانشى جاستايىنان ونەرگە ەسسىز عاشىق بولعاندىعىن ايتادى. ول التى جاسىندا فورتەپيانودا ويناسا, كەيىن فلەيتا مەن ساكسوفوندى مەڭگەرەدى. بالا كەزىنەن اۋرۋشاڭ بولعان اندرەا بىرتىندەپ كوز جانارىنىڭ ءسونىپ بارا جاتقانىن سەزىندى. ال 12 جاسىندا مۇلدە كورمەي قالادى. اتا-اناسى بالاسىنىڭ تاعدىرعا توتەپ بەرۋى ءۇشىن بارىنشا كومەكتەسەدى. اندرەا مەكتەپ قابىرعاسىندا ءجۇرگەندە حورعا قاتىسىپ, بىرنەشە ءمارتە كونكۋرستاردان جۇلدەلى ورالادى. 1980 جىلى پيزا ۋنيۆەرسيتەتىنىڭ زاڭ فاكۋلتەتىنە وقۋعا ءتۇسىپ, زاڭ عىلىمدارىنىڭ دوكتورى دارەجەسىن الادى.
الايدا, ونىڭ نازىك جانى ءوزگەنى قالايتىن. ول دەل موناكو, دجيلي جانە فرانكو كورەللي سىندى تانىمال يتاليالىق ورىنداۋشىلاردىڭ اريالارىن ۇيىپ تىڭدايتىن. بوس ۋاقىتىندا مەيرامحانادا فورتەپيانودا ويناپ, فرەنك سيناتر, ەديت پياف جانە شارل ازناۆۋردىڭ ايگىلى ءاندەرىن شىرقادى. سونداي-اق اندرەا بوچەللي لۋچانو پاۆاروتتيمەن دە بىرگە ءان جازعان.
اشىلۋ سالتاناتىنىڭ اپوگەيى “حان شاتىر” كۇمبەزىنەن قۇلديلاعان “التىن ادامنىڭ” كۇمبەزدىڭ الاۋىن تۇتاتۋى بولدى. تاماشا ءراسىم سانداعان اسەم ءتۇرگە بويالعان عالامات وتشاشۋمەن ءتامامدالدى.
استانا اجارىن ايشىقتاي ءتۇسكەن “حان شاتىر” بۇگىن, ەلوردا مەن ەلباسى كۇنىندە اشىلدى. ءيا, “بۇگىن” دەگەنىمىزگە تاڭدانباڭىز. پرەزيدەنت ن.ءا.نازارباەۆ كەشەننىڭ اشىلۋ سالتاناتى اياقتالىپ, قۇرمەتتى قوناقتارىن “حان شاتىرعا” باستاپ جۇرگەندە ساعات ءتىلى 00 ساعات 07 ءمينوتتى سوققان بولاتىن...
قوس مەرەكەگە تاماشا تارتۋ جاسالدى.
ءاليسۇلتان قۇلانباي.
---------------------------------
سۋرەتتەردى تۇسىرگەن شۇكىر شاحاي.
