يران ەلدىڭ استاناسىن اۋىستىرۋى مۇمكىن

استانا. 8 تامىز. يراندا استانانى تەگەراننان باسقا قالاعا كوشىرۋ تۋرالى ماسەلە قىزۋ تالقىلانىپ جاتىر. بۇل تۋرالى ras.kz حابارلادى. بۇدان بۇرىن, 2013 جىلعى جەلتوقساندا ەلدىڭ پارلامەنتى اتالعان ماسەلەنى تالقىلاعان بولاتىن. سوندا 110 دەپۋتات استانانى كوشىرۋ يدەياسىن قولداسا, 97 ادام قارسى شىققان ەدى. الايدا, سول ۋاقىتتان بەرى بۇل ماسەلە قايتادان كوتەرىلمەي قالعان. يران سىرتقى ىستەر ءمينيسترى ابدولرەزا راحماني فازلي جۋرناليستەرگە 20 جىلدان بەرى ءسوز بولىپ كەلە جاتقان استانانى كوشىرۋ يدەياسىن پرەزيدەنت ءروۋحانيدىڭ قولدايتىنىن ايتتى. «زاڭ شىعارۋشىلار استانانى تەگەراننان باسقا جەرگە كوشىرۋ جونىندەگى ۇسىنىستى قولدادى. ازىرگە جوبانىڭ قارجىلىق مۇمكىندىگى انىقتالعان جوق», – دەدى راحماني فازلي. ال يراننىڭ پارلامەنت ىستەرى جونىندەگى ۆيتسە-پرەزيدەنتى مادجيد انساري بۇل يدەيانى ومىرشەڭ ەمەس دەپ ەسەپتەيدى. ول قارجىلاي قيىندىقتار سالدارىنان تەگەراننان بارلىق مەملەكەتتىك مەكەمەلەر مەن كوممەرتسيالىق ورتالىقتاردى كوشىرۋدىڭ مۇمكىن بولمايتىن العا تارتادى. ايتا كەتەيىك, ءبىر وزىندە 8,3 ملن., اينالاسىندا 14 ملن. حالىق تۇراتىن تەگەران ورتا شىعىستاعى ەڭ ءىرى قالا بولىپ تابىلادى. تالعات رايىمبەك. دەرەك, سۋرەت: ras.kz.