ءىىم مالىمەتىنشە, بۇل ءىس-شارانى وتكىزۋ قاجەتتىلىگى سوڭعى كەزدە ورىن العان اۋىر جول-كولىك اپاتتارىمەن, سونىمەن قاتار قازا بولعان ادام سانىنىڭ وسۋىنە بايلانىستى.
«وسى كۇندەرى پاترۋلدەۋ مارشرۋتتارىنىڭ سانى جانە پوليتسيا قىزمەتكەرلەرىنىڭ قاداعالاۋى كوبەيتىلەدى, وبلىستىق جانە اۋداندىق جولداردا رەيدتەر ۇيىمداستىرىلادى, مۇندا بيىل جول-كولىك اپاتتارىنان بولاتىن ءولىم كورسەتكىشى 31%-عا ارتقان. سونداي-اق جىلدامدىق رەجيمى, وزىپ ءوتۋ جانە قارسى جولاققا شىعۋعا باقىلاۋ كۇشەيتىلەدى. سونىمەن قاتار, زاڭسىز تاسىمالداۋشىلارعا جانە تاكسيلەرگە تەكسەرىس قاتاڭدايدى», دەلىنگەن ۆەدومستۆو حابارلاماسىندا.
ءىىم اتاپ وتكەندەي, جول ينسپەكتسياسى كۇن سايىن جولدىڭ جاي-كۇيىن باقىلاۋدا ۇستايدى.
«پوليتسيا جول قوزعالىسى قاتىسۋشىلارىن جول ەرەجەلەرىن قاتاڭ ساقتاۋعا, اباي بولۋعا جانە ءبىر-بىرىنە قۇرمەتپەن قاراۋعا شاقىرادى. اركىمنىڭ قاۋىپسىزدىگى جول قوزعالىسىنا قاتىسۋشىلاردىڭ تارتىپتىلىگى مەن جاۋاپكەرشىلىگىنە بايلانىستى», دەيدى پوليتسەيلەر.
