پەتروپاۆل. 24 ماۋسىم. كوشى-قون پوليتسياسى ەسەبىندە اليمەنت پەن قارىزدان جالتارعان 163 ادام ەسەپتە تۇر. «ءىز كەسۋ» جەدەل الدىن الۋ ءىس-شاراسى بارىسىندا ىزدەۋدە جۇرگەن 62 تۇلعانىڭ مەكەن-جايى انىقتالدى. بۇل تۋرالى وبلىستىق ءىىد-ءنىڭ ءباسپاسوز قىزمەتى حابارلادى.
سولاردىڭ ءبىرى – پەتروپاۆل قالاسىنىڭ 31 جاستاعى تۇرعىنى كوپكە دەيىنۋاليحانوۆ اۋدانى كىشكەنەكول اۋىلىندا جاسىرىنىپ كەلگەن. ونىمەن جۇرگىزىلگەن پروفيلاكتيكالىق تاربيە كەزىندە اليمەنت تولەۋدەن جالتارعانى ءۇشىن قىلمىستىق جاۋاپكەرشىلىككە تارتىلاتىنى قاتاڭ ەسكەرتىلدى. اكىمشىلىك ايىپپ ۇلىن تولەمەي جۇرگەن 40 جاستاعى قالالىقتىڭ دا مەكەن جايى بەلگىلى بولدى. ال 26 جاستاعى بويجەتكەن مەملەكەتكە 2 ميلليون تەڭگە بەرەشەگىن تولەمەۋ ماقساتىمەن سوچي قالاسىنا تابان جالتىراتقان.
«وزدەرىنىڭ قارىزدارىن وتەۋدەن جالتارىپ جۇرگەن ادامدارعا بۇدان بىلاي قىلمىستىق ىقپال ەتۋ ءىس-شارالارى قولدانىلاتىن بولادى», دەيدى كوشى-قون پوليتسياسى باسقارماسىنىڭ باسشىسى, پوليتسيا پودپولكوۆنيگى ەركەتاي تۇتقىشەۆ.
اكتسيا اياسىندا سوت ورىنداۋشىلار ءتارتىپ ساقشىلارىمەن بىرلەسە وتىرىپ, اۆتوموبيل ايىپپۇلدارىن وتەۋدەن جالتارىپ جۇرگەن 12 ادامدى ۇستادى. 3 ميلليون تەڭگە ءوندىرىلىپ الىندى. جىل باسىنان بەرى جەرگىلىكتى قازىنا 70 ميلليون تەڭگەگە تولىققان.
اكىمشىلىك پوليتسياسى باسقارماسىنىڭ ءبولىم جەتەكشىسى مارات ءابىلماجىنوۆتىڭ ايتۋىنشا, اكتسياعا 275 پوليتسيا قىزمەتكەرى, 25 سوت ورىنداۋشى, 67 اۆتوكولىك جۇمىلدىرىلىپ, 15 رەيد جۇرگىزىلگەن.
ءومىر ەسقالي.
دەرەك, سۋرەت: سولتۇستىك قازاقستان وبلىستىق ءىىد-ءنىڭ ءباسپاسوز قىزمەتى.
