بۋرابايعا زۋبرلار اكەلىندى

كوكشەتاۋ. 21 ناۋرىز. «بۋراباي» مەملەكەتتىك ۇلتتىق تابيعي ساياباعىنداعى اڭدار  بەلارۋس رەسپۋبليكاسىنان اكەلىنگەن جابايى وگىزدەرمەن, ياعني, زۋبرلارمەن  تولىقتى. بۇل تۋرالى egemen.kz ءتىلشىسى حابارلادى. «بەلوۆەج نۋى» ۇلتتىق ساياباعىنان جەتكىزىلگەن ەكى-ءتورت جاس ارالىعىنداعى 10 جابايى زۋربدى «ورمان شارۋاشىلىعى» جاۋاپكەرشىلىگى شەكتەۋلى سەرىكتەستىگى وزدەرىندە ءوسىرىپ, جەرسىندىرۋ  ءۇشىن ساتىپ العان. ولاردىڭ ۇشەۋى اتالىق, جەتەۋى انالىق زۋبرلار. الداعى ۋاقىتتا بۇل جانۋارلاردىڭ سانى كوبەيتىلگەن سوڭ, «بۋراباي» مەملەكەتتىك ۇلتتىق تابيعي ساياباعىنىڭ اۋماعىن ەركىن مەكەندەيتىن جابايى وگىزدەر تابىنى قۇرىلادى. ساياباق باسشىلارىنىڭ سوزدەرىنە قاراعاندا, مۇنىڭ ءوزى حح عاسىردىڭ باسىندا تولىق جويىلىپ كەتۋگە جاقىن قالعان زۋبرلاردىڭ سانىن بىرتىندەپ كوبەيتۋگە مۇمكىندىك بەرمەكشى. قازاقستاننىڭ جانۆرلار الەمىن تولىقتىرۋدى ماقسات ەتەتىن بۇل قادام ەلىمىزدىڭ تۋريستىك كلاستەرىن الەۋەتىن ارتتىرۋعا دا ىقپال ەتەتىن بولادى. باقبەرگەن امالبەك. دەرەك: egemen.kz سۋرەت: egemen.kz