سارىارقا اۋدانىندا جاۋىنگەرلىك كەزەكشىلىك اتقارۋ كەزىندە ساعات 23:15 شاماسىندا اسكەري جاساق باستىعى قاتارداعى سۇلتان قۋاتوۆ جانە ءپاترۋلشى ساربازدار سايات دۇيسەنالي مەن بەكزات سۇيىنتاەۆ ى. دۇكەن ۇلى كوشەسىندەگى №20 ءۇيدىڭ جانىنان iPhone 15 Pro Max ۇيالى تەلەفونىن تاۋىپ الادى. ۇلاندىقتار ۇيالى تەلەفون يەسىن جىلدام انىقتاپ, كەزدەسۋ ورنىن بەلگىلەپ, قۇرىلعىنى قايتارىپ بەرەدى. قۋانىشتى ازاماتشا اسكەري قىزمەتشىلەرگە كورسەتكەن كومەكتەرى ءۇشىن شىن جۇرەكتەن العىسىن ءبىلدىردى.
سول كۇنى نۇرا اۋدانىندا قوعامدىق ءتارتىپتى قامتاماسىز ەتىپ جۇرگەن اسكەري جاساق باستىعى شىڭعىسحان تىنىشتىق پەن ءپاترۋلشى جاۋىنگەر ءنۇرادىل كوپجاساروۆ جەردەن iPhone 11 Pro Max ماركالى سمارتفونىن كورەدى. بازادان تەلەفوننىڭ زاڭدى يەسىن تاۋىپ, از ۋاقىت ىشىندە قايتارادى. ۇلاندىقتاردىڭ ادالدىعى مەن قىزمەتكە دەگەن جاۋاپكەرشىلىگىنە ءتانتى بولعان ول شەكسىز العىسىن جەتكىزدى.
ارادا از ۋاقىت وتكەندە قىزمەتتە جۇرگەن تاعى ءبىر اسكەري جاساق باستىعى سانجار سۇيىنباەۆ پەن ءپاترۋلشى جاۋىنگەر باقبەرگەن بوقاي دا Samsung A50 تەلەفونىن بايقاپ قالادى. جەدەل شارالار ناتيجەسىندە يەسى انىقتالىپ, قۇرىلعى قايتارىلدى. ەر ادام ۇلتتىق ۇلاننىڭ اسكەري قىزمەتشىلەرىنە كاسىبي شەبەرلىكتەرى ءۇشىن العىس ءبىلدىردى.
مۇنداي مىسالدار ۇلاندىقتاردىڭ جوعارى مورالدىق كەلبەتى مەن كاسىبيلىگىن راستايدى. كۇن سايىن قوعامدىق ءتارتىپتى كۇزەتەتىن اسكەري قىزمەتشىلەر ءۇشىن ەڭ ۇزدىك ماراپات — ازاماتتاردىڭ العىسى!
