ۇلتتىق ستاتيستيكا بيۋروسىنىڭ دەرەكتەرىنە سۇيەنسەك, 2024 جىلى قازاقستانعا 1,3 ميلليون شەتەلدىك تۋريست كەلگەن. بۇل كورسەتكىش 2023 جىلمەن سالىستىرعاندا 19%-عا جوعارى. مۇنداي ءوسىم قازاقستاننىڭ تۋريزم سالاسىنا دەگەن قىزىعۋشىلىقتىڭ ارتىپ كەلە جاتقانىن ايقىن كورسەتەدى.
حالىقارالىق قاۋىمداستىق تا قازاقستانداعى وڭ وزگەرىستەردى اتاپ وتۋدە. دۇنيەجۇزىلىك ەكونوميكالىق فورۋمنىڭ ساياحات جانە ءتۋريزمدى دامىتۋ يندەكسى بويىنشا ەلىمىز 119 مەملەكەتتىڭ ىشىندە 52-ورىنعا يە بولدى. بۇل – 2021 جىلمەن سالىستىرعاندا التى ساتى جوعارى ناتيجە. ايتا كەتەرلىگى, قازاقستان بۇل كورسەتكىشتە ورتالىق ازيا ەلدەرىنىڭ اراسىندا الدىڭعى ورىندا: وزبەكستان – 78-ورىندا, تاجىكستان – 99-ورىندا, ال قىرعىزستان – 102-ورىندا.
تۋريزم – ەكونوميكانىڭ ماڭىزدى سالالارىنىڭ ءبىرى. ول جاڭا جۇمىس ورىندارىن اشىپ, شاعىن جانە ورتا بيزنەستى دامىتۋعا مۇمكىندىك بەرەدى.
قازاقستاندا تۋريزم ەرەكشە قارقىنمەن دامىپ كەلەدى. ەلدىڭ باي تابيعاتى, تاريحي مۇرالارى مەن قوناقجاي حالقى شەتەلدىك جانە ىشكى تۋريستەر ءۇشىن تارتىمدى باعىتقا اينالۋدا.
بۇگىنگى تاڭدا ەلىمىزدە ەكوتۋريزم, مادەني-تانىمدىق, تاۋ ءتۋريزمى, ەتنوتۋريزم جانە شىتىرمان ساياحات باعىتتارى بەلسەندى دامۋدا. تۋريزم كۇنى – وسى سالانىڭ ماماندارىن, گيدتەر مەن تۋروپەراتورلاردى, سونداي-اق ساياحات سۇيەر قاۋىمدى بىرىكتىرەتىن ەرەكشە مەرەكە.
ساياحاتتاۋ – جاڭا اسەر, جاڭا ادامدار جانە جاڭا يدەيالار الەمىنە جول اشادى. بۇل كۇن ارقايسىمىزدى تۋعان جەرىمىزدىڭ سۇلۋلىعىن تانۋعا, تابيعاتتى قورعاۋعا جانە الەم مادەنيەتتەرىنىڭ بايلىعىن قۇرمەتتەۋگە ۇندەيدى.
