ورالدا «قازاقستاندا جاسالعان» اكتسياسى باستالدى

ورال. 19 اقپان. ورال قالاسىندا «قازاقستاندا جاسالعان» اكتسياسى باستالدى. سوعان بايلانىستى قالاداعى ءىرى سۋپەرماركەتتەردە وتاندىق ءوندىرىس ورىندارىندا جاسالعان ازىق-ت ۇلىك تاۋارلارى ارنايى ازىرلەنگەن سورەلەرگە قويىلدى. بۇل تۋرالى egemen.kz حابارلادى. «ءبىز بۇل باستامانى بىردەن قولدادىق. سوعان ساي سۋپەرماركەتتەردە ءوز ەلىمىزدە وندىرىلگەن تاۋار تۇرلەرىن ايرىقشالاپ ەرەكشەلەيتىن ارنايى ءتورت بۇرىشتى تاقتالار ورناتىلدى. وسى ارقىلى تۇتىنۋشىلاردىڭ قازاقستاندا جاسالعان ازىق-ت ۇلىك تۇرلەرىنە كوزدەرى بىردەن تۇسەدى», – دەيدى سۋپەرماركەتتەر جۇيەسىنىڭ ديرەكتورى گالينا كوجينا. قازىرگى تاڭدا وبلىس ورتالىعىندا باستالعان بۇل باستاما 8 سۋپەرماركەت پەن 4 ازىق-ت ۇلىك بازارىنىڭ جەتەكشىلەرى تاراپىنان بىردەن قولداۋ تاپتى. اكتسيا تالاپتارىنا سايكەس قازاقستاندىق تاۋارلار سۋپەرماركەتتەردىڭ ەڭ كورنەكتى ءارى ەڭ ىڭعايلى ورىندارىنا ورنالاستىرىلعان. مۇنىڭ ءوزى ونىڭ كوبىرەك ساتىلىپ الىنۋىنا مۇمكىندىك بەرەدى. اكتسيانىڭ العاشقى كۇندەرىنىڭ وزىندە تۇتىنۋشىلاردىڭ قازاقستاندىق تاۋارلارعا دەگەن قىزىعۋشىلىعى بايقالعانىن ءبىز اتالعان سۋپەرماركەتتەرگە باس سۇققان كەزدە ايقىن اڭعاردىق. وسى تۇرعىدا قالا تۇرعىنى, تاۋار ساتىپ الۋشى ءناسىپ تولەۋىشقىزى ءوز تىلەگىن بىلايشا جەتكىزدى: «مەن قازاقستاندىق وندىرىسشىلەر ازىق-ت ۇلىكتىڭ ءدال وسىنداي كوپتەگەن تۇرلەرىن وندىرەدى دەپ ويلاماپپىن. قاتەلەسكەن ەكەنمىن. ءتىپتى, ونى ساتىپ الماعانىمىزبەن, قازاقستاندىق تاۋارلارمەن تانىسۋدىڭ ءوزى وتانشىلدىق سەزىمدى تەرەڭدەتەدى ەكەن. بۇعان دەيىن ءبىر عانا «كۋبلەي» فيرماسى شىعارعان ەت, بالىق, كوكونىس قالبىرلارىن عانا بىلسەك, ەندى قازاقستاندىق ازىق-ت ۇلىك تاۋارلارى تۇرلەرىنىڭ ءبىز ويلاعاننان الدەقايدا كوپ ەكەنىنە كوز جەتكىزىپ وتىرمىز». سونىمەن بىرگە, الدىمىزداعى سەنبىدە ورال قالاسىنداعى «ەل ىرىسى» اتتى كوممۋنالدىق كوتەرمە ساۋدا بازارى جەتەكشىلەرى دە قازاقستاندىق ءوندىرىس ورىندارىندا وندىرىلگەن ونىمدەردى جەڭىلدەتىلگەن باعامەن تۇتىنۋشىلارعا ۇسىنباق. تەمىر قۇسايىن. دەرەك: egemen.kz. سۋرەت: uralskweek.kz.