ىرگەلى جوبالارداعى ىلگەرىندى ىستەر

ورتالىق كوممۋنيكاتسيالار قىزمەتىندە «قتج» ۇك» اق – «كولىكتىك لوگيستيكا دامۋ ورتالىعى» فيليالى ديرەكتورىنىڭ ورىنباسارى  ءابدىراشيد ساكەنوۆ پەن  «KTZExpress» اق ۆيتسە پرەزيدەنتى سەرگەي اناشكين بريفينگ وتكىزدى. وندا مەملەكەت باسشىسىنىڭ «نۇرلى جول» جولداۋىندا جۇكتەلگەن تاپسىرمالاردىڭ ورىندالۋ بارىسى ءسوز بولدى. بۇگىندە كولىكتىك-لوگيس­تيكانىڭ ينفراقۇرىلىمدى دامىتۋعا باعىتتالعان كەشەندى جوبالار جۇزەگە اسىرىلا باس­تادى. ونىڭ ىشىندە قۇرىق پورتىنداعى تەمىرجول پاروم كەشەنى كاسپي وڭىرىنە جاڭا مۇمكىندىكتەر تۋعىزادى. قۇرىق پورتى حالىقارالىق كولىكتىك-لوگيستيكالىق تىزبەكتىڭ, ەكسپورت پەن يمپورت, ترانزيتتىك جۇكتەردىڭ قازاقستان اۋماعى ارقىلى مولىنان وتۋىنە ىقپال ەتەدى. ال, ليانيۋنگان پورتىنداعى قازاقستان-قىتاي تەرمينالى سىرتقى اۋماقتاردان لوگيستيكالىق ورتالىقتاردىڭ قۇرىلىسىن جۇرگىزۋ نەمەسە جالعا الۋ جوبالارىن جۇزەگە اسىرۋعا بولاتىندىعىن ءبىلدىرىپ وتىر. ماسەلەن, قازىرگى تاڭدا يانتيەن تەڭىز پورتىندا, سيان مەن چجەنچجوۋ قۇرعاق پورتىندا 2 ملن. توننا جۇك وڭدەۋگە مۇمكىندىك تۋدى. ەندى بالتىق جاعالاۋى پورتىندا جىلىنا 1,7 ملن. توننا جۇك وتكىزەتىن تەرمينال جوبالانۋدا. وسى جەتىستىكتەرگە توقتالعان ءا.ساكەنوۆ, ەل اۋماعىنداعى تابىستارعا دا ويىستى. «قورعاس-شىعىس قاقپاسى» اەا عاجايىپ مەملەكەتتىك ينفرا­قۇرىلىمدىق جوباسى قۇرعاق پورتى قىتاي, ورتالىق ازيا, پارسى شىعاناعى, كاۆ­كاز, تۇركيا نارىقتارىنا جۇك شى­عارادى. 2015 جىلعى ءشىل­دەدە «قۇرعاق پورت» جوباسىن كوم­مەرتسيالىق پايدالانۋعا تاپ­سىرۋ جوسپارلانىپ وتىر. ال, استانا حالىقارالىق اۋە­جايى جولاۋشىلار تەرمينالىن جاڭعىرتۋ جوباسىن جۇزەگە اسىرۋعا دايىندىق جۇمىستارى باستالدى. بۇل جوبا اۋەجايدىڭ ترانزيتتىك الەۋەتىن ارتتىرادى. تەرمينال ىسكە قوسىلعان كەزدە ونىڭ اۋماعى 25-تەن 40 مىڭ شارشى مەترگە ۇلعايادى. ساعاتىنا 1775 جولاۋشى وتكىزە الادى», دەدى سپيكەر. تەمىرجولشىلار داعدارىسقا قارسى كولىكتىك-لوگيستيكالىق سالاداعى جوبالاردى جۇزەگە اسىرىپ, قازاقستاننىڭ ىشكى الەۋەتىن دامىتپاق. ول ارقىلى ەلىمىزدىڭ ىشكى جانە سىرتقى نارىقتا تەرمينالدىق جەلىنى دامىتۋ كوزدەلۋدە. ناتيجەسىندە 2020 جىلعا دەيىن, تاسىمالداۋ كولەمى, ونىڭ ىشىندە ترانزيتتىك تاسىمال ەكى ەسەگە ارتاتىن بولادى. سونداي-اق, اتالعان جوبالار جۇزەگە اسقاندا جاڭادان 20 مىڭ جۇمىس ورنى اشىلادى ەكەن.