ارىپتەستىكتىڭ ايگىلى جولى

كەشە ەلىمىزدىڭ باس قالاسىندا ءوتىپ جاتقان ءىىى استانالىق ەكونوميكالىق فورۋم شەڭبەرىندە “مەملەكەتتىك-جەكە مەنشىك ارىپتەستىگى – مەملەكەت پەن بيزنەس ارىپتەستىگىنىڭ يننوۆاتسيالىق ءتاسىلى” تا­قىرىبىندا مەملەكەتتىك-جەكە مەنشىك ارىپتەستىگى ورتالىق­تا­رى­نىڭ كونفەرەنتسياسى جانە “مەملەكەتتىك-جەكە مەنشىك ارىپتەستىگىنىڭ ءىس-تاجىريبەلىك قىرلارى” تاقىرىبىندا دوڭگەلەك ۇستەل ءوتتى. كونفەرەنتسيا جۇمىسىنا فران­تسيا, كورەيا, جاپونيا, رەسەي فەدەراتسياسى, پولشا, تۇركيا, گوللانديا, گەرمانيا سىندى الەمنىڭ 30-دان استام ەلىنەن مەم­لەكەتتىك-جەكە مەنشىك ءارىپ­تەس­تىگى ورتالىقتارىنىڭ, حالىقارا­لىق قارجى ينستيتۋتتارىنىڭ, جەكە سەكتوردىڭ جانە مەملەكەتتىك قۇرىلىمداردىڭ   باسشىلارى مەن وكىلدەرى قاتىسىپ, پىكىر ال­ما­سا كەلە ءمجما الەمدىك ينس­تي­تۋتتارىنىڭ قاۋىمداستىعىن قۇرۋ جونىندە ۇيعارىم جاسادى. قازاقستاننىڭ بۇل باستاما­سى­نا وڭ باعا بەرگەن فرانتسيانىڭ قارجى جانە ەكونوميكا مينيستر­لىگى ءمجما ورتالىعىنىڭ باس حاتشىسى فرانسۋا بەرجەرە, ءوز ەلىنىڭ ءمجما سالاسىندا الەمدىك وزىق مودەلىن قالىپتاستىرعان­دىعىن بايانداپ بەردى. بۇگىنگى كۇنگە دەيىن فرانتسيادا 20 مىڭ­نان استام كونتسەسسيالىق جوبا ىسكە اسى­رىلىپ جاتىر. گەرمانيا قارجى مينيسترلىگىنىڭ ءمجما ءبولىمىنىڭ باسشىسى بەرحارد ميۋل­­لەر ءوز بايانداماسىندا الەم­­دىك جانە نەمىس تاجىريبەسىنىڭ عى­­لى­مي-مەتودولوگيالىق قام­­تاما­سىز ەتۋ, جوبالاردى جوسپار­لاۋ جانە ىسكە اسىرۋ تۋرالى ويلارى­­مەن ءبولىستى. فورۋم شەڭبەرىندە قوعامدىق ماڭىزدى جوبالاردى ىسكە اسىرۋدا ءبىرتۇتاس الاڭ رەتىندە قىزمەت ەتە­تىن جانە مەملەكەتتىك-جەكە مەن­­شىك ارىپتەستىگى سالاسىندا ءتاجىري­بە الماسىپ وتىراتىن حا­لىقارا­لىق ينستيتۋتتار قاۋىم­داس­تىعىن قۇرۋ تۋرالى رەزوليۋتسيا قابىل­دان­­دى. سونىمەن بىرگە, قازاقستان رەسپۋبليكاسىنىڭ زاڭناماسى شەڭبەرىندە الەمدىك ءمجما ورتالىعىنىڭ ءوفيسىن استانا قالاسىندا اشۋ تۋرالى شەشىم قابىلداندى. ءوز كەزەگىندە, قاۋىمداستىق حالىقارالىق ءىس-تاجىريبەدە مەم­لەكەتتىك جەكە مەنشىك ارىپتەستىگىن جۇزەگە اسىرۋ تۋرالى مالىمەتتى قاتىسۋشىلارعا جەتكىزىپ وتىرۋعا, زاڭناما مەن ينستيتۋتسيونالدىق نە­گىزدەردى ۇيلەستىرۋ جانە مەم­لەكەتتىك-جەكە مەنشىك ارىپتەستىگى جوبالارىن ىسكە اسىرۋ جونىندە ۇسىنىستار ازىرلەۋ جۇمىستارىن جۇرگىزىپ وتىرۋعا مىندەتتەنەدى. قۇرىلۋى جوسپارلانعان پور­تالدا قاتىسۋشى ەلدەردىڭ بارلىق مەملەكەتتىك-جەكە مەنشىك ءارىپ­تەستىك جوبالارى تۋرالى اقپارات ەنگىزىلىپ وتىراتىن بولادى. مۇن­داي كەڭ كولەمدى اقپارات كوزى ءوز كەزەگىندە ءمجما جوبالارىن قارجىلاندىرۋعا نيەت تانىتقان ينۆەستورلار ءۇشىن دە, جوبا يەلەرى ءۇشىن دە ءتيىمدى بولاتىنى داۋ تۋ­دىرماسا كەرەك. سونداي-اق, جوبالار بويىنشا اقپاراتتاردى مەملەكەتتىك ورگاندار دا, ءمجما ماسەلەلەرىمەن شۇعىلداناتىن ماماندانعان ۇيىمدار دا ورنالاس­­تىرا الاتىن بولادى. الەمدىك ەكونوميكانىڭ داعدا­رىستان كەيىنگى كەزەڭىندە ورنىقتى دامۋىنا ىقپال ەتەتىن تەتىكتەردى انىقتاۋ جانە پىسىقتاۋ ماقسا­تىندا فورۋم باعدارلاماسى عىلى­مي جانە پراكتيكالىق باعىتتاعى ءىس-شارالاردى دا قوسا قامتۋدى قولعا الماق. قاۋىمداستىق قىزمەتى بارلىق مۇشەلەرگە تەڭ دارەجەدە قۇقىقتار مەن مىندەتتەر قامتاماسىز ەتە وتىرىپ, زاڭ­دى­لىق, وبەكتيۆتىلىك, تاۋەلسىزدىك قاعيداتتارىنا نەگىز­دەلگەن تۇردە جۇزەگە اسىرىلاتىن بولادى. سۇڭعات ءالىپباي.