رەداكتسياداعى ناۋرىز تويى

ادامزاتقا ورتاق ناۋرىز مەيرامىن ءسان-سالتاناتپەن قارسى الۋ قوعامىمىزدا ۇيلەسىمدى ۇردىسكە اينالعانى كوڭىل قۋان­تادى. حالىقتىڭ ىستىق ىقى­لاسىنا بولەنگەن وسىناۋ مە­رەكەنى ەلگە ەتەنە «ەگەمەن قازاقستان» گازەتىنىڭ ۇجىمى دا جىل سايىن شىنايى پەيىلمەن, اق نيەتپەن تويلاۋدى داستۇرگە اينالدىرعان. مىنە, بيىل دا ءوز كەزەگىمەن كەلىپ جەتكەن ايتۋلى مەيرامدى «ەگەمەن» كەشە كەشكە جاراسىمدى تۇردە اتاپ ءوتتى. ناۋرىز مەرەكەسىنە وراي ۇيىمداستىرىلعان شارانى «ەگەمەن قازاقستان» رگ» اق پرەزيدەنتى ساۋىتبەك ابدراحمانوۆ ءوزىنىڭ قۇتتىقتاۋ سوزىمەن اشتى. وسىناۋ مەي­رامنىڭ ادامزاتتىڭ رۋحاني ومىرىندە الاتىن ورنىنا, ونىڭ ءمان-ماڭىزىنا توقتالعان ول گازەت ۇجىمىنىڭ ءاز ناۋرىزدى لايىقتى دارەجەدە قارسى الىپ وتىرعانىن جەتكىزدى. بۇدان كەيىن مەرەكەلىك شارا گازەت قىزمەتكەرلەرىنىڭ شاعىن كونتسەرتتىك باعدارلاماسىمەن جالعاستى. ءان ايتىلدى, كۇي توگىلدى, بي بيلەندى. اسىرەسە, ۇلكەندەر جاعىنىڭ اقجارما كوڭىلمەن ايتقان باتا-ءتى­لەكتەرى مەرەكەنىڭ شىرايىن كەلتىردى. ناۋرىز مەيرامى قۇتتى بولسىن, اعايىن! جولدىباي بازار, «ەگەمەن قازاقستان». سۋرەتتى تۇسىرگەن ەرلان وماروۆ.