ءىس-شاراعا تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ ورتالىق سايلاۋ ورگاندارىنىڭ باسشىلارى مەن وكىلدەرى, تاۋەلسىز مەملەكەتتەر دوستاستىعى اتقارۋشى كوميتەتىنىڭ جانە وعان قاتىسۋشى مەملەكەتتەردىڭ پارلامەنتارالىق اسسامبلەياسىنىڭ وكىلدەرى, قاتىسۋشى مەملەكەتتەردىڭ دەموكراتيانى, پارلامەنتاريزمدى دامىتۋ جانە ازاماتتاردىڭ سايلاۋ قۇقىقتارىنىڭ ساقتالۋىنا مونيتورينگ جۇرگىزۋ جونىندەگى حالىقارالىق ينستيتۋتىنىڭ وكىلدەرى, تمد-عا مۇشە مەملەكەتتەردىڭ سايلاۋ ورگاندارى باسشىلارىنىڭ كونسۋلتاتيۆتىك كەڭەسى جانىنداعى ەلەكتورالدىق سالاداعى جاستار ساياساتى جونىندەگى جۇمىس توبىنىڭ جانە قازاقستان رەسپۋبليكاسى ورتالىق سايلاۋ كوميسسياسى جانىنداعى ساراپشىلار كەڭەسىنىڭ مۇشەلەرى, جاستار ۇيىمدارىنىڭ, سونداي-اق قازاقستاننىڭ سايلاۋ كوميسسيالارىنىڭ وكىلدەرى قاتىستى.
2025 جىلعى 1 قىركۇيەكتەن باستاپ تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ سايلاۋ ورگاندارى باسشىلارىنىڭ كونسۋلتاتيۆتىك كەڭەسىنە توراعالىق ەتۋ قازاقستان رەسپۋبليكاسىنىڭ ورتالىق سايلاۋ كوميسسياسىنا وتكەنىن اتاپ وتكەن ءجون.
ءىس-شارالار باعدارلاماسى سايلاۋ سالاسىندا مەملەكەتارالىق ارىپتەستىكتى نىعايتۋعا, تاجىريبە الماسۋعا جانە اسىرەسە جاستار اراسىندا سايلاۋ مادەنيەتىن قالىپتاستىرۋدىڭ پراكتيكالىق تاسىلدەرىن دامىتۋعا باعىتتالدى.
تمد-عا مۇشە مەملەكەتتەردىڭ سايلاۋ ورگاندارى باسشىلارىنىڭ كونسۋلتاتيۆتىك كەڭەسى توراعاسى, قازاقستان رەسپۋبليكاسى ورتالىق سايلاۋ كوميسسياسى توراعاسى نۇرلان ءابدىروۆ كەڭەس وتىرىسىن اشىپ: «سايلاۋ مادەنيەتىن قالىپتاستىرۋ – بۇل ادامي كاپيتالعا, دەموكراتيالىق ينستيتۋتتاردى نىعايتۋعا جانە ءبىزدىڭ ەلدەرىمىزدىڭ بولاشاعىنا سالىنعان ينۆەستيتسيا. بۇل – قۇقىقتىق رەفورمالاردى, ءبىلىم بەرۋ باستامالارىن جانە زاماناۋي تەحنولوگيالاردى بىرىكتىرىپ, جۇيەلى تۇرعىدان قاراۋدى تالاپ ەتەتىن ۇدەرىس. سوندىقتان دا ءبىزدىڭ تاراپ قازاقستاندىق توراعالىق ەتۋ كەزەڭىن سايلاۋ پروتسەسىنىڭ بارلىق قاتىسۋشىلارىنىڭ, اسىرەسە جاستاردىڭ اراسىندا سايلاۋ مادەنيەتىن قالىپتاستىرۋ جانە دامىتۋ ماسەلەسىن تالقىلاۋعا ارناۋدى ۇسىندى», دەپ اتاپ ءوتتى.
تمد-عا قاتىسۋشى مەملەكەتتەردىڭ سايلاۋ ورگاندارى باسشىلارىنىڭ كونسۋلتاتيۆتىك كەڭەسىنىڭ VI وتىرىسىندا سايلاۋ ۇدەرىستەرىنىڭ تيىمدىلىگىن جانە وعان قاتىسۋشىلاردىڭ ەلەكتورالدىق مادەنيەتىن ارتتىرۋ جونىندەگى وزەكتى ماسەلەلەر تالقىلاندى.
تمد پارلامەنتارالىق اسسامبلەياسى كەڭەسىنىڭ باس حاتشىسى دميتري كوبيتسكي بەينەقۇتتىقتاۋ جولدادى. تمد-عا مۇشە مەملەكەتتەردىڭ سايلاۋ ورگاندارى باسشىلارىنىڭ كونسۋلتاتيۆتىك كەڭەسىنىڭ تەڭ توراعاسى, بەلارۋس رەسپۋبليكاسىنىڭ ورتالىق سايلاۋ كوميسسياسىنىڭ توراعاسى يگور كارپەنكونىڭ ونلاين رەجىمدە تمد-عا مۇشە مەملەكەتتەردىڭ سايلاۋ ورگاندارى باسشىلارىنىڭ كونسۋلتاتيۆتىك كەڭەسىنە توراعالىق ەتكەن كەزەڭدە اتقارىلعان جۇمىستار تۋرالى اقپاراتى تىڭدالدى.
سايلاۋ تاقىرىبىنا ارنالعان پىكىرتالاس بارىسىندا ارمەنيا رەسپۋبليكاسىنىڭ ورتالىق سايلاۋ كوميسسياسىنىڭ توراعاسى ۆااگن وۆاكيميان «2026 جىلى وتەتىن پارلامەنتتىك سايلاۋلار اياسىندا ارمەنيا رەسپۋبليكاسىنىڭ سايلاۋ زاڭناماسىنداعى جاڭاشىلدىقتار» تاقىرىبىندا, نۇرلان ءابدىروۆ «قازاقستان رەسپۋبليكاسىنداعى جەرگىلىكتى سايلاۋلار جانە ساياسي جۇيەنى ودان ءارى جەتىلدىرۋ تۋرالى», قىرعىز رەسپۋبليكاسىنىڭ سايلاۋ جانە رەفەرەندۋمدار وتكىزۋ جونىندەگى ورتالىق كوميسسياسىنىڭ توراعاسى تىنچتىك شاينازاروۆ «قىرعىز رەسپۋبليكاسىنداعى 2025 جىلعى سايلاۋ ۇدەرىستەرى», رەسەي فەدەراتسياسىنىڭ ورتالىق سايلاۋ كوميسسياسىنىڭ توراعاسى ەللا پامفيلوۆا بەينەبايانداما ارقىلى «14 قىركۇيەكتە رەسەي فەدەراتسياسىندا وتكەن بىرىڭعاي داۋىس بەرۋ كۇنىنىڭ قورىتىندىلارى تۋرالى», تاجىكستان رەسپۋبليكاسىنىڭ سايلاۋ جانە رەفەرەندۋمدار جونىندەگى ورتالىق كوميسسياسىنىڭ توراعاسى باحتيور حۋدويورزودا «تاجىكستان رەسپۋبليكاسىندا شىعىپ قالعان دەپۋتاتتاردىڭ ورنىنا جەرگىلىكتى حالىق دەپۋتاتتارى ماجىلىستەرىنە وتكەن سايلاۋلار تۋرالى», وزبەكستان رەسپۋبليكاسىنىڭ ورتالىق سايلاۋ كوميسسياسىنىڭ توراعاسى زاينيددين نيزامحودجاەۆ «وزبەكستان رەسپۋبليكاسى ورتالىق سايلاۋ كوميسسياسىنىڭ سايلاۋدان كەيىنگى كەزەڭدەگى جۇمىسىنىڭ كەيبىر اسپەكتىلەرىنە شولۋ» تاقىرىبىندا ءسوز سويلەدى.
«تمد-عا قاتىسۋشى مەملەكەتتەردىڭ پارلامەنتارالىق اسسامبلەياسىنا قاتىسۋشى مەملەكەتتەردە جاستاردىڭ قۇقىقتىق مادەنيەتى مەن سايلاۋ بەلسەندىلىگىن ارتتىرۋ ماسەلەلەرى بويىنشا تمد-عا مۇشە مەملەكەتتەردىڭ سايلاۋ ورگاندارى باسشىلارىنىڭ كونسۋلتاتيۆتىك كەڭەسى جانىنداعى ەلەكتورالدىق سالاداعى جاستار ساياساتى جونىندەگى جۇمىس توبى مەن تمد پارلامەنتارالىق اسسامبلەياسىنا قاتىسۋشى مەملەكەتتەردىڭ دەموكراتيانى, پارلامەنتاريزمدى دامىتۋ جانە ازاماتتاردىڭ سايلاۋ قۇقىقتارىنىڭ ساقتالۋىن مونيتورينگىلەۋ جونىندەگى حالىقارالىق ينستيتۋتىنىڭ ءوزارا ءىس-قيمىلى تۋرالى» پارلامەنتارالىق اسسامبلەياسى كەڭەسى حاتشىلىعى باسشىسىنىڭ ورىنباسارى, تمد پارلامەنتارالىق اسسامبلەياسى ددمحي ديرەكتورى يۆان مۋشكەت, «تمد-عا مۇشە مەملەكەتتەردىڭ سايلاۋ ورگاندارى باسشىلارىنىڭ كونسۋلتاتيۆتىك كەڭەسى مۇشەلەرىنىڭ دۇنيەجۇزىلىك سايلاۋ ورگاندارى قاۋىمداستىعى (A-WEB) قىزمەتىنە قاتىسۋى تۋرالى» تمد سوب كك تەڭ توراعاسى, بەلارۋس رەسپۋبليكاسىنىڭ ورتالىق سايلاۋ كوميسسياسىنىڭ توراعاسى يگور كارپەنكو, «تمد سوب كك حاتشىلىعىنىڭ باسشىسى (حاتشىسى) لاۋازىمىنا كانديداتۋرا ۇسىنۋ تۋرالى» نۇرلان ءابدىروۆ بايانداما جاسادى. قازاقستاننىڭ ورتالىق سايلاۋ كوميسسياسى تمد-عا مۇشە مەملەكەتتەردىڭ سايلاۋ ورگاندارى باسشىلارىنىڭ كونسۋلتاتيۆتىك كەڭەسىنە توراعالىق ەتەدى. جيىن بارىسىندا كەڭەسكە توراعالىق ەتۋدىڭ اۋىسپالى بەلگىسى تابىس ەتىلدى.
وتىرىستىڭ باستالۋى الدىندا قاتىسۋشىلار تمد-عا قاتىسۋشى مەملەكەتتەردىڭ سايلاۋ ورگاندارىنىڭ قۇقىقتىق اعارتۋ جانە ەلەكتورالدىق قاتىسۋدىڭ مادەنيەتىن قالىپتاستىرۋ سالاسىنداعى تاجىريبەلەرىن كورسەتەتىن ادىستەمەلىك ماتەريالدار كورمەسىمەن تانىستى. كورمەدە ارمەنيا, بەلارۋس, قازاقستان, قىرعىزستان, رەسەي, تاجىكستان, وزبەكستاننىڭ ورتالىق سايلاۋ ورگاندارى مەن تمد پا ددمحي-نىڭ جۇمىس بارىسىندا قولداناتىن ءتۇرلى وقۋ-ادىستەمەلىك جانە اقپاراتتىق ماتەريالدارى ۇسىنىلدى.
بۋرابايدا وتكەن وتىرىسقا قاتىسۋشىلار قر وسك حاتشىسى شاۆحات وتەمىسوۆتىڭ تمد-عا مۇشە مەملەكەتتەردىڭ سايلاۋ ورگاندارى باسشىلارىنىڭ كونسۋلتاتيۆتىك كەڭەسى حاتشىلىعىنىڭ باسشىسى لاۋازىمىنا كانديداتۋراسىن قولدادى.
