فوتو: اشىق دەرەككوز
دەپۋتات بەكبول ورىنباساروۆتىڭ ايتۋىنشا, حاتتاما 2023 جىلعى 25 جەلتوقساندا سانكت-پەتەربۋرگتە ەاەو مەملەكەتتەرى باسشىلارىنىڭ قول قويۋىمەن بەكىتىلگەن. قۇجاتتىڭ نەگىزگى ماقساتى – سىرتقى ەلەكتروندى ساۋدانى قۇقىقتىق تۇرعىدان رەتتەۋ. بۇل باعىت سوڭعى جىلدارى تۇراقتى ءوسىم كورسەتىپ وتىر: تەك 2024 جىلدىڭ وزىندە قازاقستانداعى ەلەكتروندى ساۋدا كولەمى 3,2 ترلن تەڭگەگە جەتكەن.
حاتتاما ەاەو-عا مۇشە بارلىق مەملەكەتتەر – رەسەي, بەلارۋس, قىرعىزستان جانە ارمەنيا تاراپىنان راتيفيكاتسيالاندى.
قۇجاتتا ەلەكتروندىق ساۋدا تاۋارلارىن جەتكىزۋدى جۇزەگە اسىراتىن پوشتا وپەراتورى — «ەلەكتروندى ساۋدا وپەراتورى» ۇعىمىن ەنگىزۋ قاراستىرىلعان. سونداي-اق كەدەندىك دەكلاراتسيانىڭ جاڭا ءتۇرىن — ەلەكتروندىق ساۋدا دەكلاراتسياسىن ەنگىزە وتىرىپ, ەلەكتروندى ساۋدا تاۋارلارىنىڭ بارلىق كولەمىن كەدەندىك دەكلاراتسيالاۋ كوزدەلگەن.
قازىرگى ەرەجەلەر بويىنشا, شەتەلدەن جەكە تۇلعالارعا كەلەتىن تاۋارلار تەك 200 ەۋرو نەمەسە 31 كگ-نان اسقان جاعدايدا عانا دەكلاراتسيالانادى. مۇندايدا الۋشى ءوزى قۇجات راسىمدەپ, 15% كەدەندىك تولەم تولەيدى. ال بەلگىلەنگەن شەكتەن تومەن تاۋارلار ەسەپكە الىنبايدى. جاڭا تالاپتارعا سايكەس, ەندى بارلىق تاۋارلار دەكلاراتسيالانادى. بۇل ستاتيستيكانى ناقتى جۇرگىزۋگە مۇمكىندىك بەرەدى. دەكلاراتسيانى وپەراتور دا, تاۋار الۋشى دا تولتىرا الادى.
