قارىز الىپ... قاشىپ ءجۇر

«قارىز ك ۇلىپ بارىپ, جىلاپ قايتادى» دەيدى حالىق دانالىعى. سوڭعى كەزدەرى بانك­تەردەن نەسيە الىپ, مەزگىلىندە قايتار­مايتىنداردىڭ «الاعان قولىم, بەرەگەن» دەگەندى قاپەردەن شىعارىپ الۋى ءجيى كەزدەسۋدە. سوندىقتان جولاۋشىلار اۆتوبۋستارىنداعى مونيتور­لاردان بانكتەرگە قارىزى بار اقتوبەلىك­تەردىڭ فوتوسۋرەتتەرى كورسەتىلە باستادى. ارالا­رىندا ۇل-قىزدارىنا اليمەنت تولەۋ­دەن باس ساۋعالاپ جۇرگەن قاشاق اكەلەر دە بار. وبلىستىق ادىلەت دەپارتامەنتى ءباسپاسوز قىزمەتىنىڭ مامانى اليسا اما­نوۆانىڭ حابارلاۋىنشا, قالا اۋما­عىندا جولاۋشى تاسىمالدايتىن اۆتوبۋس­تاردا بورىشكەرلەردىڭ اتى-ءجونى عانا ەمەس, فوتوسۋرەتتەرىن دە كورسەتۋگە بارۋداعى ماقسات – ولاردىڭ ۇياتىن وياتۋ بولماق. بورىشكەرلەردىڭ جالپى سانى 15 ادام. ولاردىڭ بارلىعى بانكتەردەن نەسيە الىپ, وتەۋدەن جالتارىپ جۇرگەن كورىنەدى. بورىشكەرلەر ەش جەردە جۇمىس ىستەمەيدى جانە نەسيە راسىمدەگەن كەزدەگى مەكەن-جايلارىنان قونىس اۋدارعان, قازىر تۇراتىن مەكەن-جايلارى بەلگىسىز. سوندىقتان, سوت ورىنداۋشىلارى قولدا­رىندا بار اقپاراتتى اۆتوبۋستاردا تاراتىپ, بورىشكەرلەردى وسىلاي ۇيالتۋدى شەشكەن. بانككە قارىز اقتوبەلىكتەردىڭ كوشىن اقتاماق كوپتىلەۋوۆا ەسىمدى ازاماتشا باستاپ تۇر. ونىڭ بانك الدىنداعى قارىزى 1 ميلليون تەڭگەدەن اسقان. قازىر وبلىستا ەل اۋماعىنان شىعۋعا ۋاقىتشا شەكتەۋ قويىلعان 12 394 بورىشكەردىڭ جالپى قارىزى 30 660 286 699 تەڭگەنى قۇرايدى ەكەن. ساتىبالدى ءساۋىرباي, «ەگەمەن قازاقستان». اقتوبە وبلىسى.