ديپلوماتتار قىزمەتىنە تابىس تىلەدى

بيىل وتاندىق سىرتقى ساياسات ۆەدومستۆوسىنىڭ قۇرىلعانىنا 18 جىل تولدى.  ياعني, وسىدان 18 جىل بۇرىن  ەلباسى ن. نازارباەۆ ەلىمىزدىڭ سىرتقى ساياسات قۇرىلىمىن قۇرۋ جونىندەگى جارلىققا قول قويعان بولاتىن. كەشە استانادا مەملەكەتتىك حاتشى – سىرتقى ىستەر ءمينيسترى قانات ساۋداباەۆ قازاقستاندىق ديپلوماتتاردى ولاردىڭ كاسىبي مەرەكەلەرىمەن قۇتتىقتادى. قازىرگى تاڭدا قازاقستان الەمنىڭ 120-دان استام ەلىمەن جوعارى ديپلوماتيالىق قارىم-قاتىناس ورناتقان. ەلىمىزدىڭ سىرتقى ساياسات مەكەمەلەرى 60-قا تارتا مەملەكەتتە ورىن تەپكەن. ال قازاقستاندا الەمنىڭ 60 ەلىنىڭ ەلشىلىگى مەن 20 حالىقارالىق ۇيىمى ەڭبەك ەتۋدە. بۇل – وتانىمىزدىڭ سىرتقى ساياساتتاعى جەمىستى ستراتەگيالىق قىزمەتىنىڭ  ءبىر ايعاعى. “سىرتقى ساياسات – قازاقستان پرەزيدەنتى ن. نازارباەۆ قىزمەتى­نىڭ ەرەكشە باسىمدىعى. ال سىرتقى ءىس­تەر مينيسترلىگى – ونى جۇزەگە اسى­رۋ قۇرالى. تاۋەلسىزدىك العان جىل­­داردان بەرى مەملەكەت باس­شىسى سىرتقى ساياسي ستراتەگيانى جۇزەگە اسىرۋدىڭ جاڭا ءتيىمدى جۇيەسىن جاسادى. بۇل ستراتەگيا ەلدىڭ ينتەل­لەكتۋالدىق الەۋەتى مەن  مىقتى ماتەريالدىق-تەحنيكالىق بازاسى نەگىزىندە جاساقتالدى. ەگە­مەندىكتىڭ العاشقى ەلەڭ-الاڭىندا قازاقستان بۇرىنعى كەڭەس وداعى­نان ىرگەسىن اجىراتقان, ەشكىمگە تانىس ەمەس ەل رەتىندە ءومىر ءسۇرىپ كەلسە, بۇگىندە وتا­نىمىزدى اي­ماقتىق جانە عالام­دىق قاۋىپ­سىز­دىكتى قامتاماسىز ەتۋ باعىتىنداعى حا­لىق­ارالىق قوعامداستىقتىڭ قۇر­مەت­تى ءارى سەنىمدى ارىپتەسى دەپ باعا­لايدى”, دەدى مەملەكەتتىك حاتشى – سىرتقى ىستەر ءمينيسترى. ق.ساۋداباەۆ سونداي-اق ەلباسى­نىڭ كوپقىرلىلىققا نەگىزدەلگەن سىرتقى ساياسي ۇستانىمىنا سايكەس, قازاقستاننىڭ حالىقارالىق ساحنا­دا بەدەلدى ەلدەرمەن سەنىمدى ءارىپ­تەستىك ورناتىپ, بۇعان قوسا, بۇۇ, ەقىۇ جانە شىۇ سىندى بەلدى ۇيىمداردىڭ تەڭ قۇقىلى مۇشەسىنە اينالعانىن اتاپ كورسەتتى.  ەقىۇ-عا توراعالىق ەتۋ ميسسياسىن ۇلكەن جاۋاپكەرشىلىكپەن اتقارىپ كەلە جاتقانىن, كەلەسى جىلى يسلام كونفەرەنتسياسى ۇيىمىنا توراعا­لىق ەتەتىنىن كولدەنەڭ تارتتى وسىلاي دەي كەلە, مەملەكەتتىك حاتشى – سىرتقى ىستەر ءمينيسترى قا­زاقستاندىق ديپلوماتيا وكىل­دەرىنە قويىلار باستى تالاپ – بولا­شاقتا دا ەلباسىنىڭ وزدەرىنە دەگەن جوعارى سەنىمىن اقتاۋ, سول جول­دا تەر توگۋ ەكەنىن اتاپ ءوتتى. “مەن بۇگىنگى ءساتتى پايدالانىپ, جا­ڭا قازاق­ستان­نىڭ نەگىزىن قالاۋشى, وتانىمىزدىڭ باس ديپلوماتى نۇر­سۇلتان نازار­باەۆتى جانە بارلىق قازاقستاندىق ديپلو­مات­تاردى كا­سىبي مەرەكەلەرى­مەن قۇتتىقتايمىن. ولار­دىڭ ورتاق وتانىمىز – قازاق­ستاننىڭ گۇل­دەنۋى جولىنداعى قىزمەتتەرىنە تا­بىس تىلەيمىن”, دەدى ق. ساۋداباەۆ. ءلايلا ەدىلقىزى.