«ەن دالا» شارۋاشىلىعى 46 مىڭ گەكتار ەگىستىك جەردى وڭدەيدى. ونىڭ ىشىندە بيداي 25 مىڭ گەكتارعا, ارپا 7 مىڭ گەكتارعا ەگىلگەن. سونىمەن قاتار, مايلى جانە مال ازىقتىق داقىلداردىڭ ارقايسىسى 4 مىڭ گەكتار جەرگە سەبىلگەن. ءسۇت وندىرىسىنەن بولەك, شارۋاشىلىقتا قازاقتىڭ اقباس تۇقىمدى 1,5 مىڭ ءىرى قارا مالى مەن مىڭعا جۋىق جىلقى بار.
شارۋاشىلىق باسشىسى تيمۋر پشەنوۆتىڭ ايتۋىنشا, بۇگىنگە دەيىن ەگىس القاپتارىنىڭ شامامەن 60 پايىزى جينالدى. بيدايدىڭ ونىمدىلىگى گەكتارىنا 16–17 تسەنتنەردى, ارپانىڭ ونىمدىلىگى شامامەن 16 تسەنتنەردى قۇراپ وتىر. جينالعان بيدايدىڭ باسىم بولىگى 1 جانە 2-كلاسسقا جاتادى.
كەزدەسۋدە فەرمەرلەردى مال شارۋاشىلىعىن قولداۋ شارالارى قىزىقتىردى. اۋىل شارۋاشىلىعى ۆيتسە-ءمينيسترى امانعالي بەرداليننىڭ ايتۋىنشا, 1 تامىزدان باستاپ مال شارۋاشىلىعىندا 50 ملرد تەڭگە كولەمىندە جىلدىق 5 پايىزدىق مولشەرلەمەمەن جەڭىلدەتىلگەن نەسيەلەۋدىڭ جاڭا باعدارلاماسى ىسكە قوسىلدى.
جاقىن ۋاقىتتا اسىل تۇقىمدى جوعارى ءونىمدى مال ساتىپ الۋعا باعىتتالعان «يگىلىك» باعدارلاماسى باستاۋ الادى. بۇل باعدارلاما مال باسىن كوبەيتىپ, گەنەتيكالىق ساپانى جاقسارتىپ, سالانىڭ ونىمدىلىگىن ارتتىرۋعا ىقپال ەتەدى.
ۆيتسە-پرەمەر مانشۇك اۋىلىنداعى جاڭا ءسۇت-تاۋارلى فەرمانىڭ جۇمىسىمەن دە تانىستى. جوبانىڭ جالپى قۇنى — 6,2 ملرد تەڭگە. ونىڭ ىشىندە 4 ملرد تەڭگە «ۇلكەن جوبا» اياسىندا 2,5 پايىزدىق جىلدىق مولشەرلەمەمەن جەڭىلدەتىلگەن نەسيە ەسەبىنەن قارجىلاندىرىلعان.
قازىرگى ۋاقىتتا فەرمادا 2 مىڭ باس ساۋىن مالى بار. وندىرىستىك قۋاتى جىلىنا 12 مىڭ توننا نەمەسە تاۋلىگىنە 33 توننا ءسۇت وندىرۋگە جەتەدى. كاسىپورىندا 70-تەن استام جۇمىس ورنى اشىلعان.
«اۋىل شارۋاشىلىعى ەكونوميكانىڭ ءوسۋ درايۆەرىنە اينالدى. ونىڭ ءجىو-دەگى ۇلەسى شامامەن 3,9 پايىز بولسا دا, تاسىمالداۋ, قويمالاۋ, قايتا وڭدەۋ جانە ازىق-ت ۇلىك ءوندىرىسى ەسەبىنەن مۋلتيپليكاتيۆتى اسەرى الدەقايدا جوعارى. ءبىز قازىر جاستاردى اۋىلعا تارتۋ جانە ۆەتەرينار ماماندىعىن جان-جاقتى قولداۋ باعىتىندا جۇمىس ىستەپ جاتىرمىز», — دەدى ساپاردى قورىتىندىلاعان سەرىك جۇمانعارين.
