فوتو: جەڭىس ىسقاباي
اكىمنىڭ ايتۋىنشا, سوڭعى ءۇش جىلدا ءوڭىردىڭ سانيتارلىق اۆتوپاركى 167 كولىكپەن تولىققان. تەك بيىلدىڭ وزىندە جەدەل جاردەم قىزمەتىنە 343 مىڭعا جۋىق شاقىرتۋ ءتۇسىپ, كۇن سايىن ورتا ەسەپپەن 1100-گە جۋىق تۇرعىنعا العاشقى كومەك كورسەتىلگەن. سوندىقتان جاڭا كولىكتەر مەديتسينالىق كومەكتىڭ ساپاسىن ارتتىرۋعا ىقپال ەتەدى.
بۇل جولى بەرىلگەن كولىكتەر قاراتال, سارقان, پانفيلوۆ, كوكسۋ, اقسۋ, كەربۇلاق, ەسكەلدى, الاكول اۋداندارىنا, تەكەلى جانە تالدىقورعان قالالىق ەمحانالارىنا, سونداي-اق وبلىستىق پەريناتالدىق ورتالىق, دارىگەرلىك-دەنە تاربيەسى ديسپانسەرى مەن جۇقپالى اۋرۋلار اۋرۋحاناسىنا ءبولىندى.
اقسۋ اۋداندىق ورتالىق اۋرۋحاناسىنىڭ باس دارىگەرى بايقادام قۇرىمباي مەديتسينا قىزمەتكەرلەرىنىڭ اتىنان العىس ءبىلدىرىپ, سوڭعى جىلدارى اۋدانعا جاس ماماندار تارتىلىپ, جاڭا نىساندار سالىنعانىن اتاپ ءوتتى.
ايماقتا دەنساۋلىق ساقتاۋ ينفراقۇرىلىمىن جاڭعىرتۋ جۇيەلى جۇرگىزىلۋدە. 2022 جىلدان بەرى وبلىستا 162 جاڭا نىسان سالىنىپ, 10 عيمارات كۇردەلى جوندەۋدەن ءوتتى. بيىل ولاردىڭ 75-ءى پايدالانۋعا بەرىلمەك. جەتىسۋ دارىگەرلەرگە كوتەرمە جاردەماقى تولەيتىن العاشقى ءوڭىر سانالادى: وتكەن جىلدان بەرى 120 مامان قارجىلاي قولداۋعا يە بولدى. سونىڭ ناتيجەسىندە دارىگەرلەر تاپشىلىعى 20 پايىزدان اسا قىسقاردى.
