قاتتى قالدىقتار قايتا وڭدەلەتىن بولدى

جاعىمدى جاڭالىق اقتاۋ سەكىلدى اسەم قالانىڭ ءىشى دە, جان-جاعى دا كوركەم, ەكولوگيالىق تازا بولعالى تۇر. ول ءۇشىن كۇن سايىن سىرتقا تاسىمالدانىپ, تاۋ-تاۋ بولىپ جاتقان تۇرمىستىق قاتتى قالدىقتاردى وڭدەيتىن قۋاتتى كەشەن سالىنباقشى. بۇل جوبانى جۇزەگە اسىرۋعا باعىتتالعان كەلىسىمگە وبلىستىق اكىمدىك پەن ەۋروپا قايتا قۇرۋ جانە دامۋ بانكى اراسىندا قول قويىلدى. زاۋىتتىڭ تاعى ءبىر ەرەكشەلىگى – قالدىقتاردان ىرگەلى كەشەندى ەلەكتر قۋاتىمەن قامتاماسىز ەتەدى. جانە دە ءىشىنارا ساۋداعا شىعارىلاتىن مولشەردە بيوگاز دا وندىرىلمەكشى. تمد ەلدەرىندەگى ءىرى جوبا سانالاتىن نىسانعا 11,2 ملن. اقش دوللارى كولەمىندە ينۆەستيتسيا تارتىلماق. اتالمىش بانكتىڭ بۇل ماڭعىستاۋ وڭىرىندەگى ەكىنشى كەلىسىمگە قول قويۋى. ونىڭ العاشقىسى “اقتاۋ قالاسىنىڭ سۋمەن قامتۋ جانە سۋ ءبولۋ جۇيەسىن جاڭارتۋ” جوباسى بولعان. ءسويتىپ, اسەم اقتاۋ وبلىس پەن ەۋروپا قايتا قۇرۋ جانە دامۋ بانكىنىڭ ىنتىماقتاستىعى ارقىلى اجارلانا تۇسۋمەن قاتار, ەكولوگيالىق جاعدايدى دا جاقسارتقالى وتىر. جولامان بوشالاق. ماڭعىستاۋ وبلىسى.