وتكەندى تانىماي, بولاشاققا جول باستاۋ مۇمكىن ەمەس. ەل ەرتەڭى ءۇشىن ەرىنبەي ەڭبەك ەتكەن كەشەگى ەرلەردىڭ, بۇگىنگى دانا قارتتارىمىزدىڭ ەسىمىن جاس ۇرپاق ەش ۇمىتپاۋعا ءتيىس. وسىدان ءبىراز جىل بۇرىن قۇرىلعان «اقىلداستار» دەپ اتالاتىن سەمەيدەگى ارداگەر-اقساقالداردىڭ قوعامدىق ۇيىمى بۇگىندە وزدەرىنىڭ اتقارعان جۇمىستارىمەن قالىڭ كوپشىلىككە, اسىرەسە, جاستار قاۋىمىنا ۇلگى بولىپ كەلەدى. شىنىن ايتۋ كەرەك, كەڭەس وداعى ىدىراپ, ەلىمىز تاۋەلسىزدىك العان جىلدارى, اسىرەسە قالاعا ۇدەرە كوشكەن اۋىل تۇرعىندارىنىڭ اراسىندا ۇلى وتان سوعىسىنىڭ ارداگەرلەرى كوپ بولدى. سول شاقتا قالاعا كەلگەن ارداگەرلەر قاۋىمىنىڭ نە ىستەيمىز, الەۋمەتتىك جاعدايىمىزدى قالاي شەشەمىز دەپ ءبىراز قينالىپ قالعانى دا جاسىرىن ەمەس.
– وسىدان كەيىن قوعامنان تىسقارى قالعاندى ءجون كورمەي, «اقىلداستار» دەپ اتالاتىن اۋىل ارداگەرلەرىنىڭ بىرلەستىگىن قۇردىق, – دەيدى بىرلەستىك توراعاسى, ارداگەر اقساقال ساعىندىق بەيسەنباەۆ. – بۇگىندە زاڭدى تۇردە تىركەلگەن قوعامدىق بىرلەستىگىمىزدىڭ 120-دان استام تۇراقتى مۇشەسى بار. «اقىلداستاردىڭ» ءبىر مۇشەسى جارما اۋدانىنىڭ تۋماسى, ارداگەر-جۋرناليست ماۋىتقازى زۇكەنوۆتى قوعامعا كوپ ەڭبەك سىڭىرگەنى ءۇشىن ارنايى ماقتاۋ قاعازبەن ماراپاتتادىق. ءبىر سوزبەن ايتقاندا, «اقىلداستاردا» قالامىزعا وبلىسىمىزدىڭ بارلىق جەرىنەن كەلگەن ارداگەرلەر قامتىلعان. قالا, ەل ومىرىندەگى وقيعالاردان سىرت قالىپ وتىرعان جوقپىز. جاس ۇرپاقتى وتانسۇيگىشتىك سەزىمگە باۋلۋ, ۇلتتار اراسىندا دوستىق پەن بىرلىككە دانەكەر بولۋ, حالقىمىزدىڭ سالت-ءداستۇرىن ناسيحاتتاۋ, مەملەكەتتىك ءتىلدى دامىتۋعا قولىمىزدان كەلگەنشە جاردەمدەسۋ جانە تاعى باسقا ماسەلەلەر باستى نازارىمىزدا. سونى ەسكەرگەن بولار, قالالىق اكىمدىك بىرلەستىكتى قىزمەت كابينەتىمەن قامتاماسىز ەتتى. ونىڭ سىرتىندا بىرلەستىكتىڭ 12 بەلسەندى مۇشەسىن تاۋەلسىزدىك مەرەكەسىنە وراي وبلىس اكىمى مەرەكەلىك مەدالمەن ماراپاتتادى. سونىڭ ءبارى قوسىلا كەلگەندە كوڭىلىمىزدى كوتەرىپ, ومىرگە قۇش-تارلىعىمىزدى ارتتىرا تۇسۋدە.
«اقىلداستار» مۇشەلەرى ەلىمىزدىڭ قوعامدىق ومىرىنەن دە سىرت قالىپ كورگەن ەمەس. ەندى, مىنە, ونىڭ مۇشەلەرى 26 ساۋىردە وتەتىن پرەزيدەنتتىك سايلاۋعا ءبىر كىسىدەي قاتىساتىندىقتارىن ايتىپ وتىر جانە بارشا قازاقستاندىقتاردى ەل ءومىرى ءۇشىن ماڭىزدى وسى ساياسي ۇدەرىسكە جۇمىلا قاتىسۋعا شاقىرادى.
راۋشان نۇعمانبەكوۆا,
جۋرناليست.
سەمەي.
سۋرەتتە: س.بەيسەنباەۆ.
وتكەندى تانىماي, بولاشاققا جول باستاۋ مۇمكىن ەمەس. ەل ەرتەڭى ءۇشىن ەرىنبەي ەڭبەك ەتكەن كەشەگى ەرلەردىڭ, بۇگىنگى دانا قارتتارىمىزدىڭ ەسىمىن جاس ۇرپاق ەش ۇمىتپاۋعا ءتيىس. وسىدان ءبىراز جىل بۇرىن قۇرىلعان «اقىلداستار» دەپ اتالاتىن سەمەيدەگى ارداگەر-اقساقالداردىڭ قوعامدىق ۇيىمى بۇگىندە وزدەرىنىڭ اتقارعان جۇمىستارىمەن قالىڭ كوپشىلىككە, اسىرەسە, جاستار قاۋىمىنا ۇلگى بولىپ كەلەدى. شىنىن ايتۋ كەرەك, كەڭەس وداعى ىدىراپ, ەلىمىز تاۋەلسىزدىك العان جىلدارى, اسىرەسە قالاعا ۇدەرە كوشكەن اۋىل تۇرعىندارىنىڭ اراسىندا ۇلى وتان سوعىسىنىڭ ارداگەرلەرى كوپ بولدى. سول شاقتا قالاعا كەلگەن ارداگەرلەر قاۋىمىنىڭ نە ىستەيمىز, الەۋمەتتىك جاعدايىمىزدى قالاي شەشەمىز دەپ ءبىراز قينالىپ قالعانى دا جاسىرىن ەمەس.
– وسىدان كەيىن قوعامنان تىسقارى قالعاندى ءجون كورمەي, «اقىلداستار» دەپ اتالاتىن اۋىل ارداگەرلەرىنىڭ بىرلەستىگىن قۇردىق, – دەيدى بىرلەستىك توراعاسى, ارداگەر اقساقال ساعىندىق بەيسەنباەۆ. – بۇگىندە زاڭدى تۇردە تىركەلگەن قوعامدىق بىرلەستىگىمىزدىڭ 120-دان استام تۇراقتى مۇشەسى بار. «اقىلداستاردىڭ» ءبىر مۇشەسى جارما اۋدانىنىڭ تۋماسى, ارداگەر-جۋرناليست ماۋىتقازى زۇكەنوۆتى قوعامعا كوپ ەڭبەك سىڭىرگەنى ءۇشىن ارنايى ماقتاۋ قاعازبەن ماراپاتتادىق. ءبىر سوزبەن ايتقاندا, «اقىلداستاردا» قالامىزعا وبلىسىمىزدىڭ بارلىق جەرىنەن كەلگەن ارداگەرلەر قامتىلعان. قالا, ەل ومىرىندەگى وقيعالاردان سىرت قالىپ وتىرعان جوقپىز. جاس ۇرپاقتى وتانسۇيگىشتىك سەزىمگە باۋلۋ, ۇلتتار اراسىندا دوستىق پەن بىرلىككە دانەكەر بولۋ, حالقىمىزدىڭ سالت-ءداستۇرىن ناسيحاتتاۋ, مەملەكەتتىك ءتىلدى دامىتۋعا قولىمىزدان كەلگەنشە جاردەمدەسۋ جانە تاعى باسقا ماسەلەلەر باستى نازارىمىزدا. سونى ەسكەرگەن بولار, قالالىق اكىمدىك بىرلەستىكتى قىزمەت كابينەتىمەن قامتاماسىز ەتتى. ونىڭ سىرتىندا بىرلەستىكتىڭ 12 بەلسەندى مۇشەسىن تاۋەلسىزدىك مەرەكەسىنە وراي وبلىس اكىمى مەرەكەلىك مەدالمەن ماراپاتتادى. سونىڭ ءبارى قوسىلا كەلگەندە كوڭىلىمىزدى كوتەرىپ, ومىرگە قۇش-تارلىعىمىزدى ارتتىرا تۇسۋدە.
«اقىلداستار» مۇشەلەرى ەلىمىزدىڭ قوعامدىق ومىرىنەن دە سىرت قالىپ كورگەن ەمەس. ەندى, مىنە, ونىڭ مۇشەلەرى 26 ساۋىردە وتەتىن پرەزيدەنتتىك سايلاۋعا ءبىر كىسىدەي قاتىساتىندىقتارىن ايتىپ وتىر جانە بارشا قازاقستاندىقتاردى ەل ءومىرى ءۇشىن ماڭىزدى وسى ساياسي ۇدەرىسكە جۇمىلا قاتىسۋعا شاقىرادى.
راۋشان نۇعمانبەكوۆا,
جۋرناليست.
سەمەي.
سۋرەتتە: س.بەيسەنباەۆ.
سوڭعى جاڭالىقتار
پرەزيدەنت: ورتالىق ازيانىڭ سۋ قاۋىپسىزدىگى – ورتاق مىندەت
پرەزيدەنت • كەشە
توقاەۆ: ارال باسسەينىندەگى ەكولوگيالىق احۋال الاڭداتارلىق
پرەزيدەنت • كەشە
پرەزيدەنت ارالدى قۇتقارۋ قورىنىڭ ءوڭىر ءۇشىن ماڭىزىن اتاپ ءوتتى
پرەزيدەنت • كەشە
فونوگرامماعا قاتىستى جاڭا ەرەجە كۇشىنە ەندى
مادەنيەت • كەشە
جانابىلوۆتەر ءىسى: پروكۋراتۋرا 4 جىل جازا سۇرادى
قوعام • كەشە
ارالدى قۇتقارۋ قورى قاتىسۋشىلارى اقورداعا كەلدى
پرەزيدەنت • كەشە
