نازارباەۆ ينتەللەكتۋالدى مەكتەپتەرى

ەلباسىمىزدىڭ تىكەلەي قول­داۋى­مەن قۇرىلعان, تۇڭعىش پرە­زي­د­ەنتتىڭ ينتەللەكتۋالدى مەكتەپ­تەرى قازىرگى تاڭدا تاۋەلسىز ەلىمىزدىڭ ايقىن جەتىستىكتەرىنىڭ ءبىرى رەتىندە تابىستى جۇمىس اتقارۋدا. جاقىندا ەلورداداعى جاڭا ۋنيۆەرسيتەتتىڭ اشىلۋ راسىمىندە مەملەكەت باسشىسى نۇرسۇلتان نازارباەۆ بۇل ينتەللەكتۋالدى مەكتەپتەردە وقىپ جاتقان جۇزدەن جۇيرىك تۇلەكتەر اتال­مىش ءبىلىم وردا­سىنىڭ ستۋ­دەنتتەرى اتالاتى­نىن اتاپ وتكەن ەدى. ينتەللەكتۋالدى مەكتەپتەردىڭ ال­دىن­دا تۇرعان ماقسات – تەرەڭ ءبىلىمنىڭ, كاسى­بي داعدىلاردىڭ نە­گىزىن­دە ەركىن باعدار­لاي بىلۋگە, ءوزىن-ءوزى دامى­تۋعا, ادامگەر­شىلىك تۇرعىسىنان جاۋاپ­تى شە­شىمدەردى قابىل­داۋ­عا قابىلەتتى, وتا­نىن, ەلىن, جەرىن سۇيەتىن, اتا-اناسىن قادىرلەيتىن, اقپاراتتى تەحنولو­گيا­­نى تەرەڭ مەڭ­گەرگەن, جىلدام وزگەرىپ جاتا­تىن بۇگىنگى زامانعا لايىقتى, جاڭا­شىل تۇلعانى قالىپ­تاستىرۋ. اتالعان تالاپ­تارعا ساي ءبىلىم مەن ءتار­بيەنى بەرۋ ءۇشىن بۇگىندە مەك­تەپ­تەر ۇزدىكسىز ىزدەنىس ۇستىندە. قازىرگى كەزدە جاراتى­لىس­تانۋ, ماتەماتيكا باعىتتارى بويىن­شا, گرافيكا, ستاتيستيكا سياقتى پرو­فيلدى پاندەردى تەرەڭدەتىپ وقىتۋ­عا ارنالعان وقۋ باعدارلامالارىن ازىرلەۋ جۇمىستارى جۇرگىزىلىپ جاتىر. الدىمەن, ارينە, جاعداي جان-جاقتى زەرتتەلىپ, وتاندىق ءبى­لىم ستاندارتتارىمەن قاتار, الەم­گە تانىمال تاجىريبەلەر مەن وقۋ باعدارلامالارى قارالدى. جاڭاشا باعدارلاما ماتەماتيكا, حيميا, فيزيكا, بيولوگيا پاندەرىن تەرەڭ­دەتە وقىتۋعا جانە نانو, بيوتەح­نو­لو­گيانى كەڭىنەن بىلۋىنە ءمۇم­كىندىك بەرەدى. جاڭا زاماننىڭ تالابىنا قا­راي, بالانىڭ قاجەتتىلىگى دە ەس­كە­رىلۋدە. ەڭ باستىسى, مەكتەپ قا­بىر­­عاسىنان شىققان بالا ءۇش ءتىل­­دى بىلەتىن, اقپاراتتىق تەحنولو­گيا­لاردى تولىق مەڭگەرگەن, باسەكەگە قابىلەتتى, الەمدەگى كەز كەلگەن وقۋ ورنىنىڭ ستۋدەنتى بولۋعا لايىقتى بولۋ كەرەك. قازىر مەكتەپتەردە وقۋشىلار­دىڭ ءوز بىلىمدەرىن جەتىلدىرىپ, شىڭ­داۋعا جان-جاقتى جاعداي جاسال­عان. سونىمەن قاتار, فيزي­كا, ماتەماتيكا, حيميا, بيولوگيا كابينەتتەرىنىڭ جابدىقتالۋ ماسە­لەسىندە ءاردايىم ىزدەنىس جولىن­دامىز دەپ ايتۋعا بولادى. اق­پا­رات­­تىق تەحنولوگيالاردى تولىق­قان­دى مەڭگەرۋمەن قاتار, وقۋ­شى­لاردىڭ شىعارماشىلىق قابىلەت­تەرىن, لوگيكالىق ويلاۋدى دامىتۋ­عا كوپ كوڭىل بولىنگەن. جاڭا زاماننىڭ تالابىنا ساي جابدىقتالعان ءبىلىم وردالارىندا قازىرگى تاڭدا ەكى مىڭنان استام بالعىن ءبىلىم الۋدا. وقۋ جىلى جا­عىم­دى جاڭالىق اكەلىپ, وسكەمەن جانە تالدىقورعان قالالارىندا ەكى مەكتەپ ىسكە قوسىلادى دەپ كۇتىلۋدە. الداعى ۋاقىتتا مەكتەپ­تەر بارلىق وبلىس ور­تالىق­تارىن­دا اشىلماق. ينتەللەكتۋالدى مەكتەپتەردە بيىلعى وقۋ جىلى اۋقىمدى ءىس-شارا­لار جۇزەگە اسىرىلىپ, جەتىس­تىك­تەرگە جەتۋدە. مەكتەپ وقۋشى­لارى ماسكەۋ قالاسىندا وتكەن حالىق­ارالىق “ماتەماتيكا جانە جوبالاۋ” عىلىمي جو­با­لار كون­كۋرسىن­­دا, پراگادا وتكەن حالىق­­ارالىق عىلى­مي وليمپيادا, استا­نادا ۇيىمداستىرىل­عان “عىلىم الەمىن اشامىز” اتتى حالىقارا­لىق كونكۋرس, ماتەماتيكا ءپانى بو­يىنشا سانكت-پەتەربۋرگ ۋنيۆەر­سي­تەتى ۇيىم­داستىرعان ين­تەر­نەت-وليم­پيادا جانە رەسپۋبلي­كالىق, وبلىس­تىق وليمپيادالارعا قاتى­سىپ, جۇلدەگەر اتاندى. ينتەللەكتۋالدى مەكتەپتە دە كادر ماسەلەسىنە اسا ءمان بەرىلەدى. جالپى, مامانداردى ىرىكتەۋ كەزە­ڭىندە بايقاعانىمىز, مۇعالىم­دەر ءبىرشاما تالاپتارعا ساي كەلمەيدى. اتاپ ايتقاندا, جاڭا مەتوديكا مەن اقپاراتتى تەحنولو­گيالاردى جەتىك مەڭگەرگەن, كوپتىلدى مامان­داردىڭ تاپشىلىعى ايقىن كورىندى. بۇل باعىتتا مەكتەپ مۇعالىمدەرىنىڭ كاسىبي دەڭگەيىن جوعارىلاتۋمەن بىرگە, ارنايى باع­دار­لاما بويىنشا كادر دايىنداۋ­دا ماقساتتى جۇمىس اتقارىلۋدا. مىسالى, استانانىڭ نازارباەۆ ۋنيۆەرسيتەتىمەن بىرلەسكەن جوبا اياسىندا پەداگوگيكالىق جوعارى وقۋ ورىندارى تۇلەكتەرىنىڭ ۇزدىك­تەرىنە ۋنيۆەرسيتەتتە ماگيستراتۋرا كۋرسىن وقۋعا مۇمكىندىك بەرىلدى. قازىرگى زامانعا ساي, باسەكەگە قابىلەتتى مامان ەڭبەك نارىعىندا بىلىكتىلىگىنە قاراي باعالانادى. مەكتەپ مۇعالىمىنىڭ جالاقىسى كاسى­بي دەڭگەيىنە تىكەلەي باي­لانىستى. جالاقىنى دامۋشى جانە ىنتالاندىرۋشى كۇش رەتىن­دە پايدالانۋى نارىقتى ەكونو­ميكاعا ءتان, قالىپتى جاعداي. مۇعالىمنىڭ كاسىبي دەڭگەيىمەن قاتار, مەكتەپكە ۇمىتكەر وقۋشى­نىڭ دا دەڭگەيگە ساي كەلۋى ۇلكەن ماسەلە. باستىسى, ەكى جاقتىڭ دا جان-جاقتى دامۋىنا وڭ ىقپال ەتەتىن قولايلى ءبىلىم جۇيەسى مەن ءبىلىم ورتاسىن قۇرۋ جولىندا ەڭبەك ەتۋدەمىز. جاقىندا عانا ۇلىبري­تانيا­داعى بىردەن ءبىر جەتەكشى وقۋ ورنىنا ءUnىversىty College London (USL) ءوز بىلىمدەرىن جەتىلدىرۋگە ون بەس اعىلشىن ءپانى مۇعالىمىن جىبەردىك. ۇلىبريتانيا ەلىندە ۇستازدار ءبىر اي بولادى. ال جىل بويى جاقسى جەتىستىككە يە بولعان جيىرما وقۋ­شىنى تامىز ايىندا تۇماندى البيون ەلىندەگى كورولدىك ۋنيۆەر­سيتەتىنە جازعى زەرتحانالىق جۇمىس­تارعا جىبەرۋدى جوسپارلاپ وتىرمىز. بۇگىندە “نازارباەۆ ينتەللەك­تۋال­دى مەكتەپتەرى” اق ءبىلىم سالا­سىنداعى وتاندىق جانە الەمدىك ۇيىمدارمەن تىعىز بايلانىس ور­نا­تۋدا. ولاردىڭ قاتارىندا كەمبريدج ۋنيۆەرسيتەتىنىڭ حالىق­ارالىق ەكزامەن كەڭەسى ء(Cambrىdge ءىnternatىonal), لوندون ۋنيۆەر­سي­تەتىنىڭ كوللەدجى, ء(Unىversىty College London (USL), Temasek ءPolىtechnىc ۋنيۆەرسيتەتى (سين­گاپۋر), لومونوسوۆ اتىنداعى ءماس­كەۋ مەملەكەتتىك ۋنيۆەرسيتەتى, كو­رو­لەۆا ينستيتۋتى Royal ءىnstىtutىon of Great ءBrىtaىn, بريتان كەڭەسى, استاناداعى نازارباەۆ ۋنيۆەر­سيتەتى, تاعى باسقا دا وقۋ ورىن­دارى بار. ءبىلىم – ادام بالاسى­نىڭ ورتاق قازىناسى. سول ورتاق قازىنانى ساقتاپ, ودان ءارى دامى­تۋ, جەتىلدىرۋ ءوزىمىزدىڭ قولىمىزدا. كۇلاش ءشامشيدينوۆا, “نازارباەۆ ينتەللەك­تۋالدى مەكتەپتەرى” اق باسقارما ءتورايىمى.