فوتو: zakon.kz
ادىلەت مينيسترلىگى ادام قۇقىقتارى مەن بوستاندىقتارىن قورعاۋعا ەرەكشە نازار اۋدارىپ وتىر. قازىرگى تاڭدا كەمسىتۋشىلىككە قارسى ءىس-قيمىلعا, حالىقتىڭ وسال توپتارىن قولداۋعا جانە ءادىل سوت تورەلىگىنىڭ كەپىلدىكتەرىن كۇشەيتۋگە ارنالعان جاڭا قۇقىقتىق تەتىكتەر ازىرلەنىپ, ىسكە قوسىلىپ جاتىر. قازاقستاننىڭ وسى باعىتتاعى باستامالارى حالىقارالىق دەڭگەيدە وڭ باعالانىپ, ەلدىڭ قۇقىقتىق مەملەكەت رەتىندەگى بەدەلىن ارتتىرىپ كەلەدى.
ادىلەت ءمينيسترى ەرلان سارسەمباەۆتىڭ ايتۋىنشا, باستى ماقسات – زاڭداردىڭ ءادىل ءارى ساپالى ورىندالۋىن قامتاماسىز ەتۋ.
«وسىلايشا, «زاڭ جانە ءتارتىپ» تۇجىرىمداماسىن باسشىلىققا الا وتىرىپ, اتقارۋشىلىق ءىس جۇرگىزۋ تاراپتارىنىڭ ارقايسىسى سوت تورەلىگىن جۇزەگە اسىرۋ كەزىندە بولجامدى, زاڭدى جاعدايعا جانە داۋلاردى شەشۋدىڭ وزگە دە تاسىلدەرىنە سەنىمدى بولعان كەزدە ءادىل زاڭداردىڭ قابىلدانۋى عانا ەمەس, ولاردىڭ ساپالى ورىندالۋى دا قامتاماسىز ەتىلەتىن بولادى», دەپ اتاپ ءوتتى ەرلان سارسەمباەۆ.
بۇعان قوسا, ىشكى ىستەر مينيسترلىگى مەن ادىلەت مينيسترلىگى قابىلداپ جاتقان شارالار مەملەكەتتىڭ «زاڭ جانە ءتارتىپ» اتتى ءبىرتۇتاس ءارى ءتيىمدى جۇيە قۇرۋعا ۇمتىلىپ وتىرعانىن كورسەتەدى. جۇيەنىڭ نەگىزىن زاماناۋي تەحنولوگيالار, جەتىلدىرىلگەن زاڭناما, قوعامنىڭ بەلسەندى قاتىسۋى جانە قۇقىق بۇزۋشىلاردىڭ قاتاڭ جاۋاپكەرشىلىگى قۇرايدى.
مەملەكەتتىڭ باستى مىندەتى – قازىرگى سىن-قاتەرلەرگە جەدەل جاۋاپ بەرۋمەن قاتار, قۇقىقتىق ءتارتىپ كۇندەلىكتى ءومىردىڭ قالىپتى نورماسىنا اينالاتىن جاعدايدى قالىپتاستىرۋ. بۇگىندە قازاقستان ازاماتتاردىڭ مەملەكەتكە دەگەن سەنىمىن نىعايتىپ, بولاشاق دامۋعا بەرىك ىرگەتاس قالاپ, وسى باعىتتا نىق قادام جاساپ وتىر.
