ماسكەۋدەگى ارنايى بريفينگ

ماسكەۋدە قازاقستاننىڭ رەسەيدەگى ەلشىلىگىنىڭ ءباسپاسوز-ورتالىعىندا بۇقارالىق اقپارات قۇرالدارىنا ارنالعان 2015 جىلعى 26 ساۋىردە قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن ۇيىمداستىرۋ ماسەلەلەرى جونىندە بريفينگ ءوتتى, دەپ حابارلادى قازاقستاننىڭ رەسەيدەگى ەلشىلىگىنىڭ ءباسپاسوز قىزمەتى. بريفينگ بارىسىندا قازاق­ستان­نىڭ رەسەيدەگى ەلشىلىگىنىڭ كەڭەسشى-ۋاكىلى ەرلان بايجانوۆ جۋر­ناليستەردى شەتەلدىك باق-تاردى تىركەۋدەن وتكىزۋ ءراسىمى­مەن تانىستىرىپ, سايلاۋدى ۇيىم­داستىرۋ جانە وتكىزۋ بويىن­شا قازاقستاننىڭ ۇلتتىق زاڭنا­ماسى­نىڭ نەگىزگى ەرەجەلەرىن ءتۇسىندىردى, سونداي-اق, سايلاۋ ناۋقانىنىڭ جانە ونى بايقاۋدىڭ كەيبىر ۇيىم­داستىرۋشىلىق ماسەلەلەرى تۋرالى ايتىپ بەردى. ەلشىلىك وكىلىنىڭ ايتۋىنشا, قازاقستان تاراپى سايلاۋ ۇدەرى­سىن جوعارى دەموكراتيالىق ستاندارت­تارعا ساي وتكىزۋدى قامتاماسىز ەتۋ ءۇشىن بارلىق جاعداي جاسايتىن بولادى. – قازاقستاندا وتكىزىلەتىن ساي­لاۋلار ارقاشاندا حالىق­ارالىق قوعامداستىقتىڭ قىزىعۋ­شىلىعىن تۋعىزىپ كەلەدى. ءبىز حالىقارالىق بايقاۋشىلاردىڭ بەلسەندى قاتىسۋىن كۇتۋدەمىز. شاقى­رۋلار رەسەي اۋماعىندا كەڭسە­لەرى ورنالاسقان حالىق­ارالىق ۇيىمدارعا, ياعني تمد پارلامەنتارالىق اسسامبلەياسىنا جانە ۇقشۇ پارلامەنتتىك اسسامب­لەياسىنا جولدانعان بولاتىن. ازىرشە ەۋروپاداعى قاۋىپسىزدىك جانە ىنتىماقتاستىق ۇيىمى اتىنان شامامەن 450 بايقاۋشى سايلاۋ ۇدەرىسىن بايقايدى دەپ جوسپارلانۋدا. تمد اتىنان دا وسى شامالاس بايقاۋشى كەلەدى دەپ كۇتىلۋدە, – دەدى ە.بايجانوۆ. كەڭەسشى-ۋاكىل بەلگىلى رەسەيلىك باق-تاردى قازاقستانداعى سايلاۋ ناۋقانىن اقپاراتتىق قولداۋعا بەلسەندى قاتىسۋعا شاقىردى. ە.بايجانوۆتىڭ مالىمەتىنە سايكەس, 27 اقپاننان باستاپ 20 ساۋىرگە دەيىن شەتەلدىك تىلشىلەردى تىركەۋدەن وتكىزۋ ءراسىمى اشىق بولادى. ە.بايجانوۆ 16 ناۋرىزدا كان­ديداتتاردى تىركەۋ ءراسىمى باستال­عانىن جانە ول 26 ناۋرىزعا دەيىن ءجۇر­گىزىلەتىنىن ەسكە سالا كەتتى. ناسيحات جۇرگىزۋ ناۋقانى 26 ناۋرىز­دان باستاپ 24 ساۋىرگە دەيىن وتەتىن بولادى. سايلاۋعا ءبىر كۇن قالعاندا, ياعني, 25 ءساۋىر ۇنسىزدىك كۇنى دەپ جاريالانادى. سونىمەن قاتار, قازاقستاندىق ديپلومات 2015 جىلعى 26 ساۋىردە ەلىمىز ازاماتتارىنىڭ رەسەي فەدەراتسياسىنىڭ اۋماعىندا داۋىس بەرۋ ءتارتىبى مەن راسىمدەرىن ايتىپ بەردى. سايلاۋ كۇنى قازاقستاننىڭ ماسكەۋدەگى ەلشىلىگى عيماراتىندا جانە قازاقستاننىڭ سانكت-پەتەر­بۋرگ, قازان, استراحان, ومبى قالا­لارىندا جۇمىس ىستەيتىن سايلاۋ ۋچاسكەلەرى اشىلادى. رەسەي فەدەراتسياسىندا بولعان قازاقستان رەسپۋبليكاسىنىڭ ازاماتتارى سول ۋچاسكەلەردە ءوز داۋىستارىن بەرىپ, سايلاۋعا قاتىسا الادى, دەدى كەڭەسشى-ۋاكىل.  تەك قازاقستان ازاماتتارى پاسپورتىن نەمەسە جەكە باسىن كۋالاندىراتىن قۇجاتىن كورسەتسە بولعانى.