پاۆلودار. 7 مامىر. پاۆلودار وبلىسىنداعى شارباقتى اۋىلىنىڭ تۇرعىنى ءومىرجان وشانوۆ 6 ساۋىردە ۆەلوسيپەدپەن ماسكەۋگە جولعا شىققان بولاتىن. ول 3800 شاقىرىم جولدى ءجۇرىپ ءوتىپ, 6 مامىردا ماسكەۋگە جەتتى. بۇل تۋرالى egemen.kz ءتىلشىسى حابارلادى.
ءومىرجان وشانوۆ ۆەلوشەرۋىن جەڭىستىڭ 70 جىلدىعىنا ارنادى. اۋەسقوي ۆەلوشاباندوز 22 كۇننىڭ ىشىندە 3 مىڭ 800 شاقىرىمدى جول ءجۇرىپتى. ول اۋىلدا دەنە شىنىقتىرۋ پانىنەن ساباق بەرەدى. اۋەسقوي ۆەلوشاباندوزدى كرەملدىڭ الدىندا جەرلەستەرىمىز قارسى الدى. وشانوۆتىڭ قاسىندا جولسەرىگى ەرقانات اسقاروۆ بار. ءبىر وكىنىشتىسى, ترويتسك قالاسى تۇسىندا شەكارادان وتەر كەزدە, ۆەلوسيپەدشىنىڭ سوڭىنان ەرىپ جۇرگەن كولىك جۇرگىزۋشىسىن تولەنبەگەن اليمەنت قارىزى ءۇشىن رەسەيگە جىبەرمەي قويادى. جۇرگىزۋشى كەرى قايتىپتى. زاڭنىڭ اتى زاڭ. سوڭدارىنان باسقا جۇرگىزۋشى جولعا شىعىپتى.
ءومىرجان وشانوۆ پەن ەرقانات اسقاروۆ جول بويىنداعى اۋىل, قالالارعا توقتاپ, سوعىسى ارداگەرلەرىنە سىيلىقتار تابىستاپ, قۇرمەت كورسەتىپتى. ەندى ەكەۋى دە 9-مامىردا ماسكەۋدە وتەتىن پارادقا قاتىسادى.
فاريدا بىقاي.
دەرەك: egemen.kz
سۋرەت: ۆەرا ليۆينتسوۆا.
