پاۆلودار. 7 مامىر. قالادا ەكسپو - 2017 كورمەسىنە ەرىكتىلەر دايارلايتىن ورتالىق اشىلدى. بۇل تۋرالى egemen.kz ءتىلشىسى حابارلادى.
ورتالىقتىڭ اشىلۋىنا سۇلتانماحمۇت تورايعىروۆ اتىنداعى مەملەكەتتىك ۋنيۆەرسيتەتتىڭ «الەۋمەتتىك-ۆولونتەرلىق ورتالىق» جاستار قوعامدىق بىرلەستىگى, وبلىستىق جاستار ساياساتى ماسەلەلەرى جونىندەگى باسقارماسى قولداۋ كورسەتتى. ەكسپو – 2017 حالىقارالىق كورمەسىنىڭ جوعارى دارەجەدە وتۋىنە ستۋدەنتتەر, جاستار بىرلەستىكتەرى دە بەلسەنە ارالاسپاقشى.
ونىڭ اشىلۋ سالتاناتىندا «الەۋمەتتىك-ۆولونتەرلىك ورتالىق» جاستار قوعامدىق بىرلەستىگى مەن ۋنيۆەرسيتەت اراسىندا ءوزارا ىنتىماقتاستىق تۋرالى مەموراندۋمعا قول قويدى. ۆولونتەرلاردى دايارلاۋ ورتالىعىنىڭ جۇمىسى تۋرالى بەينەروليك كورسەتىلدى. الەۋمەتتىك-ۆولونتەرلىق ورتالىق ستۋدەنتتەرگە وقۋ كۋرستارىن وتكىزۋ كەستەسى جاريالادى. ەندى وقۋ كەستەسى بويىنشا عاجايىپ كورمەنىڭ وتۋىنە قولداۋ كورسەتۋشى ۆولونتەر بولامىن دەگەن ءاربىر جاستىڭ كەلۋىنە ەسىك اشىق.
فاريدا بىقاي.
دەرەك: egemen.kz
سۋرەت: رۋفينا تورپيششەۆا.
