جيىنعا استانا قالاسىنان قازاقستان ونوماستار وداعىنىڭ باسقارما توراعاسى, رەسپۋبليكالىق ونوماستيكالىق كوميسسيا مۇشەسى گۇلنار بەكەنوۆا مەن جوبا مۇشەسى, گەوگراف-مامان, PhD دوكتور نۇرلىبەك زينابدين ارنايى كەلدى. باتىس قازاقستان وبلىستىق مادەنيەت, تىلدەردى دامىتۋ جانە ارحيۆ ءىسى باسقارماسى ۇيىمداستىرعان دوڭگەلەك ۇستەل وتىرىسىنا وڭىردەگى عالىمدار, ولكەتانۋشىلار, كونەكوز قاريالار مەن تىلشىلەر دە قاتىستى.
گۇلنار شياپقىزى ءوز سوزىندە «باتىس بەلەسىندە – بابالار ءۇنى» اتتى تاريحي-تانىمدىق ەكسپەديتسيانىڭ بارىسىن بايانداپ, ەجەلگى جەر-سۋ اتاۋلارىن قالپىنا كەلتىرۋ جولىنداعى ءادىس-تاسىلدەر تۋرالى ايتتى. مادەنيەت جانە اقپارات مينيسترلىگىنىڭ تاپسىرىسى بويىنشا 4-10 تامىز ارالىعىندا وبلىس اۋماعىندا جۇرگىزىلىپ جاتقان جوبا ونوماستيكالىق اتاۋلاردى رەتكە كەلتىرۋدىڭ نەگىزگى عىلىمي دايەكتەرىن باسشىلىققا الا وتىرىپ, ەلدى مەكەن اتاۋلارىنا قاتىستى تاريحي دەرەكتەردى عىلىمي اينالىمعا ءتۇسىرۋ جانە تاريحي ونوماستيكالىق اتاۋلاردى قالىپقا كەلتىرۋ, جۇيەلەندىرۋ ماقساتىن كوزدەپ وتىر ەكەن.
بقو مادەنيەت, تىلدەردى دامىتۋ جانە ارحيۆ ءىسى باسقارماسىنىڭ ءبولىم باسشىسى سۆەتلانا قادىربايقىزى وڭىردەگى جاعداي تۋرالى ايتا كەلىپ, تاۋەلسىزدىك العالى بەرى وبلىستا يدەولوگيالىق تۇرعىدان ەسكىرگەن نەمەسە ءمان-ماعىناسىن جوعالتقان 5 اۋداننىڭ, 109 ەلدى مەكەننىڭ, 1854 كوشەنىڭ اتاۋلارى وزگەرتىلگەنىن باياندادى. بۇگىندە باتىس قازاقستان وبلىسىندا 12 اۋدان, 454 ەلدى مەكەن, 4077 كوشە بار. ونىڭ ىشىندە يدەولوگيالىق تۇرعىدان ەسكىرگەن ءالى دە بولسا 2 كەنت, 22 اۋىلدىق وكرۋگ, 545 كوشە, 64 ەلدى مەكەن اتاۋلارى وزگەرتۋدى قاجەت ەتەدى ەكەن.
جيىن وتە قىزىقتى ءوتتى. قوردالانعان ماسەلەلەر تالقىلانىپ, جەر-سۋ اتاۋلارىنىڭ شىعۋ تاريحى تۋرالى وزەكتى وي قوزعالىپ, قۇندى ۇسىنىس, كەلەلى پىكىرلەر ايتىلدى. فيلولوگيا عىلىمدارىنىڭ دوكتورى مۇرات سابىر مەن عابيت حاسانوۆ, تاريح عىلىمدارىنىڭ كانديداتى ءالفيا بايبولسىنوۆا, ولكەتانۋشى زۇلقوجا شارافۋتدين, داۋلەتكەرەي قۇسايىنوۆ, نۇرلان ءسادىر, احمەديار باتىرحانوۆ ت.ب. ءوز سوزىندە ەل مەن جەر تاريحىن تۇگەندەۋدە توپونيميكالىق اتاۋلاردىڭ ماڭىزدى ەكەنىن ايتتى. رەسپۋبليكادا باستالعان ۇلكەن ىسكە جان-جاقتى قولداۋ بىلدىرۋگە ۋادە بەردى.
باتىس قازاقستان وبلىسى
