الماتىدا «جاپون باعى» بار

مەگاپوليس قالانىڭ مەرەيىن اسىراتىن مادەني, دەمالىس ورىن­دارىنىڭ قاتارى كوبەيىپ كەلەدى. سونىڭ ءبىرى – «جاپون باعى» الما­تىداعى تۇڭعىش پرەزيدەنت سايابا­عىندا پايدا بولدى. قالا تۇرعىن­دارىنىڭ كوزىن قۋانتىپ, ­تۋريستەرگە تاماشا اسەر سىيلايتىن باققا جولى تۇسكەندەر ءوزىن ناعىز جاپونيادا جۇرگەندەي سەزىنە الادى. الماتىنىڭ ەڭ كورىكتى جەرىنە قونىس تەپكەن باقتا ءبارى دە بار. بۇل جوبانىڭ اۆتورلارى باق ءوز اتاۋىنا ساي بولۋى ءۇشىن بارلىق جاعدايدى جاساعان. قالانىڭ تابيعي رەسۋرستارى باسقارماسىنىڭ مالىمدەۋىنشە, ۋاقىت وتە كەلە باق مۇنان دا كوركەم بولا تۇسەدى. قازىردىڭ وزىندە مۇنداعى جاپون حالقىنىڭ پاگودالارى, كۇنشىعىس ەلى ستيلىندەگى ورىندىقتار مەن شامدار, گۇلزارلار مەن كوگالدار, توعاندار مەن بۇلاقتار كوز تارتادى. مۇندا جاپون ساۋلەت ونەرىنىڭ ۇلگىلەرى دە تاماشا شەشىم تاپقان.  تۇندە ساياباقتا شامدار جانىپ تۇرادى. سول سياقتى مۇندا كۇنشىعىس ەلىنە ءتان ءتۇرلى دەكوراتيۆتىك اعاشتارعا قوسا, جاپون شيەلەرى مەن جاپون ۇيەڭكىسى كوشەتتەرى وتىرعىزىلدى. وسى ارادا ايتا كەتۋگە بولادى, بۇرىن دا تۇڭعىش پرەزيدەنت پاركىندە «جەتى قازىنا» اتتى قازاق ۇلتىن ناسيحاتتايتىن ارنايى باق جاسالعان بولاتىن. قالا اكىمدىگى بۇل جوبامەن توقتاپ قالمايتىنىن, كەلەسى جىلى وسىندا «ەۋروپالىق باق» پايدا بولادى دەپ وتىر. ايناش ەسالي, «ەگەمەن قازاقستان». الماتى.