اتالعان جارىسقا «Auyl sport – 2024» رەسپۋبليكالىق ءتۋرنيرىنىڭ جەڭىمپازدارى – سولتۇستىك قازاقستان وبلىسى قىزىلجار اۋدانى بەسكول اۋىلىنىڭ قىزدار كومانداسى مەن الماتى وبلىسى قاراساي اۋدانى ۇشقوڭىر اۋىلىنىڭ ۇلدار كومانداسى قاتىسقان. قاراپايىم جاتتىعۋ زالىنان باستالعان سپورتتىق جول, قىرعىزستان تورىندەگى حالىقارالىق دودادا جەڭىسپەن اياقتالدى.
ۇلدار اراسىنداعى فينالدا ۇشقوڭىر كومانداسى قىرعىزستاننىڭ چۋ وبلىسى مرامورنوە اۋىلىنىڭ ۇجىمىن 2:0 ەسەبىمەن ۇتىپ, چەمپيون اتانعان. قىزدار اراسىنداعى تارتىستى ويىندا بەسكول اۋىلىنىڭ ۆولەيبولشى قىزدارى قولا جۇلدەگە قول جەتكىزدى.
بەسكول كومانداسىنىڭ جاتتىقتىرۋشىسى اناستاسيا ەينيكيس جارىسقا قاتىسۋعا مۇمكىندىك بەرگەن Halyk قايىرىمدىلىق قورىنا العىسىن ءبىلدىردى.
«بۇل جارىسقا ءبىز «Auyl sport» جوباسىندا چەمپيون بولعان قۇراممەن قاتىستىق. Halyk قورىنىڭ قولداۋى ارقاسىندا حالىقارالىق دەڭگەيدەگى سايىسقا العاش رەت قاتىسىپ, قولا جۇلدەگەر اتاندىق. قىرعىزستاندا العاش رەت بولىپ وتىرمىز. قوردىڭ بۇل جوباسى بولاشاقتا دا جالعاسىن تاۋىپ, جاقسى ناتيجەلەر اكەلەتىنىنە سەنەمىز», دەدى ول.
كوماندا ويىنشىسى تايسيا ۆىسوتسكايا دا جارىستىڭ ماڭىزدى تاجىريبە بولعانىن ايتىپ ءوتتى.
«حالىقارالىق تۋرنيرگە ءبىرىنشى رەت قاتىسىپ تۇرمىن. بۇل مەن ءۇشىن ۇلكەن تاجىريبە بولدى. قارسىلاستارىمىز مىقتى بولدى, دەگەنمەن ءبىز جاقسى ويناپ ناتيجە كورسەتتىك. ءۇشىنشى ورىن جەڭىپ الدىق. Halyk قورىنا العىسىمىز شەكسىز, وسى ساپاردىڭ ارقاسىندا شەكارا اسىپ, ەل نامىسىن قورعادىق», دەيدى ۆولەيبولشى.
Halyk قايىرىمدىلىق قورىنىڭ اتقارۋشى ديرەكتورى, «Auyl sport» جوباسىنىڭ جەتەكشىسى عالىمبەك جاقسىلىق ۇلى بالالارعا قولداۋ كورسەتۋ قوردىڭ باستى مىندەتتەرىنىڭ ءبىرى ەكەنىن اتاپ ءوتتى.
«قور بالالارعا ءاردايىم قولداۋ بىلدىرۋگە نيەتتى. اسىرەسە اۋىلدا وسكەن تالانتتى بالالاردىڭ ۇلكەن ارەناعا شىعۋىنا جاعداي جاساۋعا قاشاندا دايىنبىز. وسىنداي جوبالار ارقىلى ولاردىڭ بولاشاعىنا باعىت بەرىپ, سەنىم سىيلاي الامىز. بۇل قولداۋ بۇدان ءارى دە جالعاسادى», دەدى عالىمبەك جاقسىلىق ۇلى.
«AUYL SPORT» – تيمۋر ق ۇلىباەۆ باسقاراتىن Halyk قايىرىمدىلىق قورىنىڭ 2024 جىلدان باستاپ ىسكە قوسقان اۋقىمدى الەۋمەتتىك جوباسى. باعدارلاما اۋىلدىق جەرلەردە بۇقارالىق سپورتتى دامىتۋعا, تالانتتى بالالاردى قولداپ, ولاردى كاسىبي سپورتقا باۋلۋعا باعىتتالعان. قازىردىڭ وزىندە بۇل جوبا اياسىندا ەلىمىزدىڭ ءار وڭىرىنەن 10 مىڭنان استام بالا ءتۇرلى سپورت تۇرىمەن تۇراقتى تۇردە اينالىسىپ كەلەدى.
جوبانىڭ تيىمدىلىگىن دالەلدەيتىن تاعى ءبىر مىسال – سەربيادا وتكەن GYMNASIADE حالىقارالىق جارىسىندا اۋىلدان شىققان 12 سپورتشىنىڭ 6 مەدال جەڭىپ الۋى. ەندى وسى تاجىريبە Kazakhstan Open اياسىندا جالعاسىپ, اۋىل سپورتشىلارى حالىقارالىق دەڭگەيگە سەنىمدى قادام باسىپ وتىر.
ايتا كەتەيىك, Halyk قايىرىمدىلىق قورى – ەلىمىزدەگى ەڭ ءىرى الەۋمەتتىك باستامالاردى جۇزەگە اسىرىپ كەلە جاتقان ۇيىمداردىڭ ءبىرى. قور بۇگىنگە دەيىن جالپى 120-دان استام الەۋمەتتىك جوبانى ىسكە اسىرىپ, 85 ميلليارد تەڭگەدەن استام قاراجات جۇمساعان. ونىڭ ىشىندە تەك اۋىل سپورتىن قولداۋعا 500 ميلليون تەڭگەگە جۋىق قارجى بولىنگەن.
