Respublica پارتياسى ادىلەتتى قازاقستان قۇرۋداعى جۇيەلى جۇمىسىن جالعاستىرىپ, ازاماتتار مەن كاسىپكەرلەردىڭ زاڭدى قۇقىقتارىن قورعاۋعا دەن قويدى. ەسكە سالساق, وتكەن جىلدىڭ اقپانىندا پارتيا قازاقستان زاڭگەرلەر وداعىمەن ءوزارا ىنتىماقتاستىق تۋرالى مەموراندۋمعا قول قويدى. پارتيانىڭ ءباسپاسوز قىزمەتىنىڭ اقپاراتىنا سايكەس بىرنەشە اي ىشىندە ەلىمىزدىڭ تۇكپىر-تۇكپىرىندەگى 628 ادامعا تەگىن قۇقىقتىق كومەك كورسەتىلگەن. ەندى وسى سەرىكتەستىكتىڭ ءبىر بولىگى رەتىندە جاڭا ReConsult جوباسى ىسكە قوسىلدى. جوبانىڭ ماقساتى - ازاماتتار مەن كاسىپكەرلەرگە بىلىكتى جانە اقىسىز زاڭ كومەگىن كورسەتۋ, قۇقىقتىق ساۋاتتىلىقتى ارتتىرۋ جانە قوعامدا قۇقىقتىق مادەنيەتتى قالىپتاستىرۋ.
«ReConsult جوباسى تاجىريبەلىك سەرىكتەستىك پەن ورتاق جاۋاپكەرشىلىكتىڭ ناتيجەسى. ءبىز مەموراندۋمعا قول قويۋمەن شەكتەلمەي, ناقتى ىسكە كوشتىك. بۇل جوبا مىڭداعان ادامعا ناقتى قۇقىقتىق تىرەك بولادى دەپ سەنەمىن. ادىلەت ۋادە ەمەس, ومىرلىك شىندىق بولاتىن قوعامدى بىرگە قۇرايىق!», دەدى Respublica پارتياسىنىڭ ورتالىق اپپاراتىنىڭ باسشىسى جانات ىسقاقوۆ.
