“دەنساۋلىق” جولعا شىقتى

كەشە كەشكىسىن استانا ۆوكزالىنىڭ پەررونىنا جينالعان جۇرتتىڭ قاراسى مول بولدى. ويتكەنى, ۆوكزالدان ارنايى ەمدەۋ-دياگنوستيكالىق “دەنساۋلىق” پويىزىن ساپارعا اتتاندىرۋ ءراسىمى وتكىزىلدى. “قازاقستان تەمىر جولى” ۇك” اق توتەنشە جاعدايلار جانە دەنساۋ­لىق ساقتاۋ مينيسترلىكتەرىمەن بىرلەسە ۇيىمداستىرىلعان پويىز ەلىمىزدىڭ شالعاي جاتقان ستانسالارى مەن رازەزدەرى تۇرعىندارىنا قولجەتىمدى مەديتسينالىق كومەك كورسەتۋى ءتيىس. ەلىمىزدىڭ تۇكپىر-تۇكپىرىندە تۇ­راتىن تۇرعىندار, تەمىرجولشىلار مەن ولاردىڭ وتباسى مۇشەلەرى ءبى­لىكتى مامان دارىگەرلەردىڭ كو­مەگىمەن قامتىلماقشى. ارناۋلى پويىز ءتورت مەديتسينالىق, ەكى جا­تىن, تاماقتاناتىن جانە ءدارى-ءدار­مەك ساقتايتىن قويما ۆاگونداردان تۇرادى. 25 مەديتسينا قىزمەت­كە­رى­نىڭ 13-ءى مەدبيكە, قالعانى ءدا­رى­گەرلەر. مۇندا كىشىگىرىم وپەرا­تسيا­لار جاساۋعا ارنالعان ورىن دا بار. سونداي-اق ۋزي, ەندوسكوپيا قۇ­رال-جابدىقتارىمەن جانە ارنايى زەرتحانامەن قامتاماسىز ەتىلگەن. بۇ­دان باسقا نەۆروپاتولوگ, كار­ديو­لوگ, وكۋليست جانە ستوما­تولوگ سياقتى مەديتسينا ماماندارىمەن دە قامتىلعان. پويىزدىڭ باس دارىگەرى سىرىم اجعاليەۆتىڭ ايتۋىنشا, الماتى ۆاگون جوندەۋ زاۋىتىندا جاسالعان ۆاگوندار گەرمان, جاپون ءوندىرى­سى­نىڭ قازىرگى زامان تالابىنا ساي مە­ديتسينالىق قۇرال-جابدىقتارىمەن جاراقتاندىرىلىپتى. ۆاگوندار اۋا باپتاعىش, جىلى سۋمەن, ال مەدي­تسينالىق ۆاگوندار سۋدى قو­سىمشا زالالسىزداندىرۋ قۇرال­دا­رىمەن جابدىقتالىپتى. ازىرگە شا­را 120 تاۋلىككە ەسەپتەلسە, ول كە­لەسى جىلى دا جالعاسىن تابۋى مۇمكىن. شىعارىپ سالۋ راسىمىنە ار­نايى كەلىپ قاتىسقان پرەمەر-مي­نيستر كارىم ءماسىموۆ تە ءوز ءسو­زىندە مۇنداي حالىققا قولجەتىمدى مەديتسينالىق كومەك كورسەتۋدىڭ سانى ارتا تۇسەرىن ەرەكشە اتاپ ءوت­تى. قازىر ول تەمىر جول بويىمەن ءجۇ­­زەگە اسىرىلسا, الداعى كەزەن­دەردە مۇنداي ساپالى مەديتسينا­لىق كومەك اۋە جانە اۆتوموبيل كو­لىكتەرىنە ورناتىلعان مەديتسي­نالىق ورتالىقتار ارقىلى شالعاي اۋداندارعا جەتەتىن بولادى. وسى رەتتە “مەديتسينالىق اپاتتىڭ تەمىرجولدىق گوسپيتالى” اق اتىراۋلىق فيليالىنىڭ ديرەكتورى ءشامىل مۇقاشەۆ ار­ناۋلى پويىز ەكى ماقساتتا جاساق­تالعاندىعىنا ەرەكشە توقتالدى. بوس كەزدەردە حالىق دەنساۋلىعىن جاق­سارتۋعا قىزمەت جاساسا, توتەن­شە جاعدايلاردا ماقساتتى قول­دانىلاتىن بولادى. ونىڭ سوزىنە قاراعاندا, جاقىن بولاشاقتا پوي­ىزعا سپۋتنيكتىك تەلەمەديتسينا ور­تا­لىعى ورناتىلىپ, ول ارقىلى اس­تانا قالاسى مەن وبلىس ورتا­لىق­تا­رىنداعى پروفەسسور, اكادە­ميك­تەر­دەن كەڭەس الۋعا مۇمكىندىك تۋادى. بۇدان باسقا پويىز قۇرامىندا بالالاردىڭ ويىن الاڭدارى – با­تۋتتار دا بار بولىپ شىقتى. سون­داي-اق ءىرى ستانسالاردا قايى­رىم­دىلىق اس بەرۋ دە وتكىزىلەدى دەپ كۇ­تىلۋدە. الدىمەن ارنايى پويىز سول­تۇستىك ءوڭىردىڭ اقمولا, قوس­تا­ناي, پاۆلودار, قاراعاندى جانە سەمەي جول بولىمشەلەرى اۋما­عى­نان ءوتىپ, ارى قاراي ەلىمىزدىڭ بارلىق وبلىستارىنا ساپار شەگەدى. سونىڭ بارىسىندا 57 ستانساعا ايالدايدى. العاشقى باعدارىندا 36 ستانسانى قامتىپ, 28500 ادامعا مەديتسينالىق كومەك كورسەتەدى دەپ كۇتىلۋدە. ال ەكىنشى باعدار بوي­ىن­شا 21 ستانسا قامتىلىپ, 14500 ادام­عا وسىنداي قولجەتىمدى مەدي­تسي­نالىق كومەك بەرىلەتىن بولادى. اسقار تۇراپباي ۇلى. استانا.