اۋەلەدى اسەم اۋەن

جۋىردا ەلوردا ىرگەسىندەگى قاراوتكەل كەنتىندە ورنالاسقان 5573-اسكەري بولىمىندە قازاقستان رەسپۋبليكاسى ۇلتتىق ۇلان باس قولباسشىسىنىڭ جۇلدەسى ءۇشىن اسكەري وركەسترلەر اراسىندا وتكىزىلەتىن «اسكەري كەرنەي» فەستيۆالىنىڭ اشىلۋ سالتاناتى ءوتتى. بۇل مادەني شارا بيىل ءتورتىن­شى مارتە ۇيىمداستىرىلىپ, ءداس­تۇر­لى ءارى حالىقارالىق دەڭگەي­دەگى فەستيۆالعا اينالدى. استانا اكىمدىگىنىڭ قولداۋىمەن وتكەن شارا – ەگەمەن ەلدىڭ مەرەيلى اسۋلارى – ۇلى جەڭىستىڭ 70 جىل­دىعىنا, قازاق حاندىعىنا – 550 جىل تولۋى مەن اتا زاڭنىڭ 20 جىلدىق مەرەيتويلارىنا ارنالدى. سايىسقا ەلىمىزدىڭ ۇلتتىق ۇلان وڭىرلىك قولباسشىلىقتارى­نىڭ, مەم­لە­كەتتىك كۇزەت قىزمەتى­نىڭ, ۇقك شە­كارا قىزمەتىنىڭ, سونداي-اق, رەسەي فە­دە­راتسياسى ءىىم ىشكى اسكەرلەرىنىڭ «سولتۇستىك-باتىس» وڭىرلىك قولباسشى­لىعى شتابىنىڭ (سانكت-پەتەربۋرگ) وركەستر ۇجىمدارى قاتىستى. شارا اسكەري وركەسترلەردىڭ ونەرىن جۇرتشىلىققا كەڭ كولەمدە ناسيحاتتاۋعا, ونەر ۇجىمدارىنىڭ شەبەرلىگىن شىڭ­داۋعا, اسكەري قىزمەتتىڭ بەدەلىن ارتتى­رۋعا باعىتتالعان. فەستيۆال اياسىندا 10 اسكەري ور­كەستر ۇجىمى ۇلتتىق ۇلان باس قولباسشىسىنىڭ كۋبوگى ءۇشىن شىعار­ماشىلىق ونەر­لە­رىن ورتاعا سالدى. سونىمەن قاتار, اتالعان اسكەري وركەس­تر ۇجىم­دارى قالاداعى وقۋشىلار سارا­يى­­نىڭ, «جاستار» سا­رايى­­نىڭ جانە «قازاقستان» سپورت كە­شەنىنىڭ ال­دىنداعى الاڭداردا ءتۇرلى جانر­داعى شىعارمالاردى نا­قى­شىنا كەلتىرە ورىنداپ, جۇرت­شىلىقتى كەرەمەت اسەرگە بولەدى. شىعارماشىلىق بايقاۋ سوڭى سەنبى كۇنى «استانا, ساعان ارنايمىز!» اتاۋىمەن استانا قالالىق اكىمدىگىنىڭ ال­دىنداعى الاڭدا گالا-كونتسەرتكە ۇلاس­تى. مۋزىكالىق شارانى قازاقستان رەسپۋبليكاسى ۇلتتىق ۇلانىنىڭ باس قولباسشىسى, گەنەرال-لەيتەنانت رۋسلان جاقسىلىقوۆ اشىپ, اسكەري وركەسترلەردىڭ تارتىمدى ونەرىن تاماشالاۋعا كەلگەن ەلوردا تۇرعىندارىن اسەرلى كەشتى بىرگە بولىسۋگە شاقىردى. سايىستىڭ مارە سىنىندا ءار وركەستر ۇجىمى وزدەرىنىڭ كاسىبي شەبەرلىكتەرىن, شىعارمانى ۇيلە­­سىمدى ورىنداۋ ونەر­لەرىن, ۆوكال­دىق جانە مۋزىكالىق قا­رىم­دى قابىلەتتەرىن, سونىمەن قاتار, ساپتىق اندەردى ورىنداۋدا كورەر­مەندى ءتانتى ەتەر شەبەرلىكتەرىن جۇرت­شىلىققا پاش ەتتى. ونەر­پاز­­دار ۇجىمى جينالعان قالا قو­ناقتارى مەن تۇرعىندارى ءۇشىن ءار­تۇرلى مۋزىكالىق, اتاپ ايتقاندا, دەفيلە, روك, دجاز, پوپ جانە كلاس­سيكالىق مۋزىكا­دان شاشۋ شاش­تى. ونىڭ ىشىندە قازاق كوم­پوزي­تور­لارىنىڭ دا شىعارمالارى بولدى. سايىس قورىتىندىسى بويىن­شا, گران-ءپريدى سەمەي قالا­سى­نان كەلگەن شىعىس وڭىرلىك قول­باسشىلىعىنا قاراستى 5511-اسكە­ري ءبولىمنىڭ اسكەري وركەس­ترى جەڭىپ الدى. اسىرەسە, سايىس­­تا وتان قورعاۋشىلار قارۋدى قول­­دانۋدىڭ ءتۇرلى, اسەم كورسەتى­لىمىن جاساعان كەزدە جينالعان قاۋىم زور ىقى­لاسپەن دۋ قول شاپا­لاقتادى. بۇل ءادىس اسكەري قىزمەتتىڭ مارتەبەسىن اسىرىپ, كەلەر ۇرپاقتىڭ قارۋلى كۇشتەرگە دەگەن قىزىعۋشىلىعىن وياتسا كەرەك. كوكتە اۋەلەگەن دابىل, داۋىلپاز, سازسىرناي اۋەنى ادام جانىمەن قوسىلا ۇندەسىپ, كوپشىلىكتى ءبىر سەرپىلتىپ تاستادى. راۋشان تاۋىرحانقىزى, جۋرناليست. استانا.