قازىر دوحادا اقش, قاتار جانە مىسىردىڭ ارااعايىندىعىمەن تاراپتار اراسىنداعى تىكەلەي ەمەس كەلىسسوزدەر ءجۇرىپ جاتىر. كەلىسسوزدىڭ نەگىزىنە دونالد ترامپ ۇسىنعان جوسپار الىنعان. وندا اتىستى 60 كۇنگە توقتاتۋ قاراستىرىلعان.
ء«بىز بارلىق تۇتقىندى قايتارىپ, وق اتۋ ارەكەتتەرىن 60 كۇنگە توقتاتۋعا ءازىرمىز. وسى ۋاقىت ىشىندە تاراپتار ۇزاقمەرزىمدى بەيبىت كەلىسىمگە كەلۋگە تىرىسۋى كەرەك. الايدا, بۇل ءۇشىن حاماس گازاداعى اسكەري قۇرىلىمداردى جويىپ, بيلىكتەن كەتۋى قاجەت. ەگەر بۇل تالاپ ورىندالماسا, ءبىز وزگە جولمەن ارەكەت ەتەمىز», دەدى بينيامين نەتانياحۋ.
ايتا كەتەيىك, اتىس پەن قاقتىعىس سالدارىنان گازا سەكتورى ۇلكەن گۋمانيتارلىق داعدارىسقا ۇشىراپ وتىر. ءيزرايلدىڭ بۇل مالىمدەمەسى كەلىسسوز ۇدەرىسىنە جاڭا سەرپىن بەرىپ, تاراپتاردى ناقتى شەشىم قابىلداۋعا يتەرمەلەۋى مۇمكىن.
