ەكى اپتادا 3 توننادان استام قاراسورا تاركىلەندى

قىلمىس “كەندىر - 2010” وپەراتسياسى اياسىن­دا جامبىلدىق پوليتسەيلەر قر ءىىم ۇقك وكىلدەرىمەن بىرىگىپ شۋ اۋدانىنىڭ تاسوتكەل اۋىلى­نىڭ ايماعىنان وڭتۇستىك استانا­نىڭ 41 جاسار تۇرعىنىن ماريحۋانا دايىنداۋ كەزىندە قولعا ءتۇسىردى. بۇرىن ادامداردى توناۋعا قاتىس­قانى ءۇشىن سوتتى بولعان كۇدىكتىگە قاتىستى تەرگەۋ امالدارى ءجۇر­گىزىلۋدە. ول ەكى تاۋلىك ىشىندە 1 توننا 40 كيلو قاراسورا دايىنداپ, كەپتىر­گەن. جامبىل وبلىسى ءىىد اۋدان­ارا­لىق ەسىرتكى بيزنەسىمەن كۇرەس ءبولىمىنىڭ باستىعى ق. جاپاباەۆ­تىڭ ايتۋىنشا, كۇدىكتى جەركەپە جاساپ, ونى كۇن ىسىعان ۋاقىتتا باسپانا قىلعان. ءبىر اپتالىق ازىق-ت ۇلىگى مەن باسقا دا كەرەك-جاراقتارى جەتەرلىك. جەڭىل جول­مەن مول اقشا تابۋدى “جوسپار­لاعان” كۇدىكتىنىڭ ەسەبى بويىنشا, 1 توننا قاراسورادان 10 ميلليون تەڭگە جاساۋعا بولادى ەكەن. وبلىستا “كەندىر – 2010” وپەراتسياسى باستالعالى بەرى پوليتسەيلەر 10 ەسىرتكى قىلمىسىن انىقتاپ, زاڭسىز اينالىمداعى 3,5 مىڭعا جۋىق ەسىرتكى زاتتارىن تاركىلەگەن. ءبىر اپتا بۇرىن جەرگىلىكتى تۇرعىن دا ۇستالدى. ول 1 توننا 200 كيلو ماريحۋانا جاساپ ۇلگەرىپتى. كوسەمالى ساتتىباي ۇلى. جامبىل وبلىسى, شۋ اۋدانى.