اسىق ويناعان وزار

استانادا اقپارات جانە بايلانىس قىزمەتكەرلەرىنىڭ كۇنى مەرەكەسىنە وراي «قازكونتەنت» اكتسيونەرلىك قوعامىنىڭ ۇيىمداستىرۋىمەن باق وكىلدەرىنىڭ اراسىندا اسىق اتۋدان جارىس ءوتتى. وعان «ەگەمەن قازاقستان» جانە «كازاح­ستانسكايا پراۆدا» رەسپۋب­ليكالىق گازەتتەرى, «ورتالىق كوم­مۋ­ني­كاتسيالار قىزمەتى» رم, «قازاق­­ستان» ۇلتتىق تەلەارناسى, باس رە­داكتورلار كلۋبى, «قاز­اق­پارات» حالىقارالىق اقپارات­تىق اگەنتتىگى, «استانا» تەلەارناسى مەن «قاز­كونتەنت» اكتسيونەرلىك قوعا­مى كومانداسى قاتىستى. جارىستا ەرلەر «بەس تابان» ويناسا, قىزدار «بەس اسىق» (بەس تاس) ويى­نى بويىنشا سىنعا ءتۇستى. جال­پى, جارىس وتە تارتىستى, قىزىقتى ءوتتى. ەرلەر ءوزارا وليمپيالىق جۇيە بويىنشا مەرگەندىكتەرىن سىناسا, قىزدار «بەس اسىقتىڭ» شەبەرىن انىقتادى. ءسويتىپ, ەكى ساعاتقا سوزىلعان سايىستا اسىق اتۋدان ءبىرىنشى ورىندى «استانا» تەلەارناسى جەڭىپ الدى. ولار فينالدا «ورتالىق كوممۋنيكاتسيالار قىزمەتى» كومانداسىنان باسىم ءتۇستى. ءۇشىنشى ورىنعا قۇرامىندا وسى جولداردىڭ اۆتورى مەن الماس ماناپوۆ, وركەن مۇسابەك جانە اقمارال كاشكوۆا بار «ەگەمەن قازاقستان» كومانداسى يە بولدى. قازاق ءباسپاسوزىنىڭ قارا شاڭىراعى اتالىپ كەتكەن اعا گازەتتىڭ كومانداسى قولا جۇلدە ءۇشىن ويىندا «قازاقستان» ارناسى ءجى­گىت­تەرىمەن كەزدەسىپ, جەڭىسكە جەتتى. قىزدار اراسىندا وتكەن «بەس اسىق» ويىنىندا «قازاقپارات» اگەنتتىگىنىڭ ءجۋرناليسى سايا جارىل­قاسىن ءبىرىنشى ورىندى جەڭىپ الدى. ەكىنشى ورىندى «قازكونتەنت» اق-تىڭ, ءۇشىنشى ورىندى «قازاقستان» تەلەارناسىنىڭ وكىلدەرى يەلەندى. «اسىق اتۋ» تۋرنيرىنە «ەركە-نۇر» توبى ونەر كورسەتىپ, جۇرتشى­لىققا بيدەن شاشۋ شاشتى. قازاق­ستان ديزاينەرلەر وداعىنىڭ مۇشە­سى ايدارحان قاليەۆتىڭ «ASPARA» ساۋدا بەلگىسى ءۇشىن « ۇلى دالانىڭ قاۋىرسىندارى» اتتى جاڭا كيىم ۇلگى­لەرى تانىستىرىلدى. ول «نەو-فولكلور» ءستيلى, كوشپەندىلەردىڭ كيىم تىگۋ ونەرى مەن ءداستۇرى جانە «جاز – 2015» ماۋسىمىنىڭ ءسان ۇلگى­سى تەندەنتسيالارىنىڭ نەگىزىندە جاسالدى. ونى «قازكونتەنت» اق-تىڭ ءتۇرلi جوبالارىندا قىزمەت ەتەتiن قىز-كەلiنشەكتەر كيiپ شىعىپ, ءسان ۇلگi­سiن كورسەتتi. جارىس سوڭىندا كۋبوك يەگەرى مەن جۇلدەگەرلەر سىيلىقتارمەن ماراپاتتالدى. «اسىق اتۋ» رەسپۋبليكالىق فە­­دە­­­را­تسياسىنىڭ پرەزيدەنتى, «قاز­كون­­تەنت» اق باسقارما ءتور­اعاسى ايدوس قىدىرمانىڭ ايتۋىنشا, استانادا العاش رەت اسىق اتۋدان جارىستى وتكىزۋدەگى باستى ماقسات – جاس بۋىن اراسىندا ۇلتتىق ويىنىمىزدى ناسيحاتتاۋ, ۇلت­تىق سپورتتى دامىتۋ جانە حالىقتى سالاماتتى ءومىر سالتىنا شاقىرۋ. قازىرگى كەزدە ەلىمىزدە اسىق ويىنىنان 73 سەكتسيا بار. «اسىق اتۋ» فەدەراتسياسىنىڭ اتقارۋشى ديرەكتورى, قر ەڭبەك سىڭىرگەن جات­تىقتىرۋشىسى, «قۇرمەت» وردە­نى­نىڭ يەگەرى جومارت سابىر­جان­وۆ­تىڭ ايتۋىنشا, الداعى ۋاقىت­تا ­8 وبل­ىستان ورتالىقتار اشىلادى. «جاقىندا فەدەراتسيا قوستانايدا اسىق اتۋدان قازاقستان چەمپيوناتىن وتكىزەدى. سودان كەيىن استانا كۇنىنە وراي حالىقارالىق جارىس ۇيىم­داستىرىلادى. وعان موڭ­عوليا, قىرعىزستان, تاجىكستان كومان­دالارى قاتىسادى. بۇل ەلدەردە اسىق اتۋ جاقسى دامىعان. موڭعوليا مەن ورتالىق ازيا ەلدەرىندە سپورت شەبەرى, سپورت شەبەر­لىگىنە ۇمىتكەر دەگەن سياقتى دارە­جەلىك اتاقتار, سەرتيفيكاتتار بەرىلەدى. مۇنداي تاجىريبە ءبىزدىڭ ەلگە دە كەرەك. الداعى كەزدە مەرگەندەردىڭ دارەجەسىن ارتتىرۋ ءۇشىن سپورتتىق اتاق بەرۋ جوسپارىمىزدا بار», – دەيدى ول. داستان كەنجالين, «ەگەمەن قازاقستان».