اتىراۋ. 16 اقپان. اتىراۋدا دوستىق ۇيىندە تاتار اقىنى, كەڭەس وداعىنىڭ باتىرى مۇسا جالەلدىڭ شىعارماشىلىعىنا ارنالعان ەسكە الۋ كەشىندە ونىڭ ولەڭدەرى ءۇش تىلدە وقىلدى. بۇل تۋرالى egemen.kz ءتىلشىسى حابارلادى.
بەلگىلى تاتار اقىنى ەكىنشى دۇنيەجۇزىلىك سوعىستا جاۋ قولىنا تۇسكەنىنە قاراماستان, وتانى تۋرالى جىر جازۋدان جالىقپاعان. وعان 1956 جىلى قايتىس بولعاننان كەيىن كەڭەس وداعىنىڭ باتىرى اتاعى بەرىلگەن. كەزىندە تاتار اقىنى مۇسا جالەل لەنيندىك سىيلىقپەن دە ماراپاتتالىپتى.
اتىراۋداعى «تاتۋلىك» تاتار-باشقۇرت ەتنومادەني بىرلەستىگى مۇسا جالەلدىڭ سۇراپىل سوعىستاعى باتىرلىعى مەن تۇتقىندا جۇرسە دە وتانىنا سۇيىسپەنشىلىگىن جىرىنا ارقاۋ ەتكەن اقىندىعىن جاس ۇرپاقتىڭ جادىنا ءسىڭىرۋدى كوزدەپتى. «بۇل شارا ۇلى جەڭىستىڭ 70 جىلدىعى مەن قازاقستان حالقى اسسامبلەياسىنىڭ 20 جىلدىق مەرەيتويى اياسىندا وتكىزىلىپ وتىر. ويتكەنى, بۇگىنگى ۇرپاق قيىن-قىستاۋ كەزدەگى اعا ۇرپاقتىڭ جانقيارلىق ەرلىگىن ۇمىتپاۋى قاجەت. سونىمەن بىرگە, تاۋەلسىز ەلىمىزدەگى ۇلتارالىق تاتۋلىقتىڭ قادىرىن جەتە سەزىنۋى كەرەك», دەيدى «تاتۋلىك» تاتار-باشقۇرت ەتنومادەني بىرلەستىگىنىڭ جەتەكشىسى گۇلسينا بايكەنوۆا.
دوستىق ۇيىندەگى شارادا مەكتەپ وقۋشىلارى سوعىس جانە تىل ارداگەرلەرى مەن وزگە ەتنومادەني بىرلەستىكتەر وكىلدەرىنە مۇسا جالەلدىڭ پوزيالىق شىعارمالارىن قازاق, تاتار جانە ورىس تىلەرىندە وقىپ بەردى. ارداگەرلەر مەن زەينەتكەرلەرگە ەستەلىك سىيلىقتار تابىستالدى.
جولداسبەك شوپەعۇل.
دەرەك: egemen.kz.
سۋرەت: راحىم قويلىباەۆ.
