«يراننان 230 قازاقستاندىق ەۆاكۋاتسيالاندى. قازىرگى ۋاقىتتا بۇل ەلدە 50-گە جۋىق ازاماتىمىز قالدى, ولاردىڭ كوپشىلىگى ديپلوماتيالىق قىزمەت قىزمەتكەرلەرى», دەدى ول.
ا.سمادياروۆتىڭ ايتۋىنشا, يزرايلدەن قازاقستاننىڭ 66 ازاماتى ەۆاكۋاتسيالانعان. ەلدە 170-كە جۋىق ادام قالدى.
ول سىرتقى ىستەر مينيسترلىگى وڭىرلەردەگى جاعدايدى باقىلاۋدى جالعاستىرىپ, شەتەلدەگى قازاقستان ازاماتتارىمەن تۇراقتى بايلانىستا ەكەنىن ايتتى.
حابارلانعانداي, اقش مەملەكەتتىك حاتشىسى قىتايدى ورمۋز بۇعازى ماسەلەسىندە يرانعا ىقپال ەتۋگە شاقىردى. بۇعان دەيىن يزرايل اۋە كۇشتەرى يرانداعى زىمىراندىق ينفراقۇرىلىمعا سوققى جاساعان بولاتىن.
