رەسەيدە ءۇش قوستانايلىق جول اپاتىنان قازا تاپتى

قوستاناي. 16 اقپان. تۇمەن وبلىسىنداعى يالۋتوروۆسك-ياركوۆو تاس جولىنىڭ بويىندا سۇمدىق كورىنىستەگى جول اپاتىنان قوستانايلىق ءۇش جولاۋشى قازا تاپقان. بۇل تۋرالى «ناشا گازەتا» گازەتى rusdtp.ru سايتىنا سىلتەمە جاساي وتىرىپ, حابارلاعان. نەگىزى جول اپاتىنان ءتورت ادام قازا بولعان. يالۋتوروۆسك قالاسىنا قاراي كەلە جاتقان رەسەيلىك Hyundai Solari» ماشيناسىنىڭ 36 جاستاعى جۇرگىزۋشىسى الدىنداعى ماشينانى باسىپ وزامىن دەگەندە, قارسى جولعا شىعىپ كەتكەن. سونىڭ سالدارىنان الدىندا قارسى كەلە جاتقان «لادا پريورا» ماشيناسىنا قاتتى سوققىمەن سوعىسقان. سوققىنىڭ قاتتىلىعى سونداي, قازاقستاندىق «لادانى» جولدىڭ شەتىنە لاقتىرىپ جىبەرگەن. ونىڭ ىشىندەگ 52 جانە 55 جاستاعى ەكى ەر ادام جانە Hyundai Solaris ماشيناسىنىڭ جۇرگىزۋشىسى سول جەردە ءتىل تارتپاي كەتەدى. «لادانىڭ» 30 جاساتاعى جۇرگىزۋشىسى اۋىر حالدە اۋرۋحاناعا اپارعان جەردە ەسىن جيماستان قايتىس بولادى. تۇمەن وبلىسى جول قوزعالىسى مەملەكەتتىك ينسپەكتسياسى ءباسپاسوز قىزمەتىنىڭ مالىمەتىنشە, Hyundai Solaris ماشيناسىنىڭ جۇرگىزۋشىسى وتكەن جىلى جىلدامدىقتى ارتتىرعانى, بالالاردى تاسىمالداۋ ەرەجەسىن بۇزعانى, قاۋىپسىزدىك رەمەندى تاقپاعانى ءۇشىن بارلىعى ءتورت رەت جاۋاپكەرشىلىككە تارتىلعان ەكەن. بۇل جولى ونىڭ رەمەندى تاققانى انىقتالدى, بىراق قاتتى سوققىدان ول ءۇزىلىپ كەتكەن, جۇرگىزۋشى باسىنان قاتتى سوققى الىپ, قازا تاپقان. ءنازيرا جارىمبەتوۆا. دەرەك: ng.kz. سۋرەت: rusdtp.ru.