سۋ تاسقىنىنان زارداپ شەككەن ەلدى مەكەندەر جاڭارىپ, قونىس تويلارىن وتكىزۋدە
قىزىلاعاشتىقتاردىڭ قۋانىشى بارشانىڭ مەرەيى. ويتكەنى, ەلباسى بيىلعى ناۋرىز ايىندا تاسقىننان كەيىن تۇرعىنداردىڭ جان جاراسىن جازۋعا جەدەل, ءارى ناقتى تاپسىرما بەرسە, ەل-جۇرت بار ىقىلاس-نيەتىمەن قامقورلىق جاساعانىن كىم ۇمىتسىن. “كوپ تۇكىرسە – كول”, دەگەن. مەملەكەتتەن دە, حالىقتان دا قارجىلاي, زاتتاي, ازىق-ت ۇلىك, تاعى باسقا زاتتار ۇزدىكسىز كەلىپ جاتتى.
“الماتى–وسكەمەن” كۇرە جولىمەن ارى-بەرى اعىلعاندار بەل اسقاننان قىزىل, جاسىل شاتىرلى اسەم ۇيلەر مەن جاسىل جەلەك جامىلعان مەكەندى كورىپ, قىزىعادى. سول ۇمىتىلماس 12 ناۋرىزدان بەرى 110 كۇن ءوتىپتى. بوي كوتەرگەن اۋىل جاڭا عاسىردا جاسارعان, جاڭارعان دەسەك, اسىرا ايتىلماعانى. دەسە دە “باتىرمىن دەپ ماقتانبا, جەڭىپ قايتپاي, جاقسىمىن دەپ ماقتانبا, حالىق ايتپاي” دەمەكشى, قيىندىقتى جەڭگەن باتىرلىق, سول كەزدە ىنتىماق پەن بىرلىكتى ۇستانعانى جاقسىلىق ەكەنىن جۇرتشىلىق ءجيى قايتالايدى. جۇدىرىق جۇمىلىپ, بىلەك بىرىككەندە قيىندىققا جول جوقتىعى دالەلدەندى. بۇعان دەيىن اتالعان ەلدى مەكەندە 365 تۇرعىن ءۇي قايتا سالىنىپ, بار جيعان-تەرگەنىنەن ءبىر ساتتە ايرىلعاندارعا تەلەديدار, ءۇي جيھازى, گاز, توسەك-ورىن بەرىلىپ, باسقا دا تۇرمىستىق جەڭىلدىكتەر جاسالعان-دى.
قىزىلاعاش اۋىلىندا سارسەنبىنىڭ ساتىندە, ياعني 30 ماۋسىمدا تاعى دا قونىس تويى ءوتتى دۇركىرەپ. جاڭا ءسان-سالتاناتى جاراسقان مادەنيەت ۇيىندەگى مەرەيگە بۇل جولى دا وبلىس اكىمى سەرىك ۇمبەتوۆ قاتىستى. تاسقىن بولعاننان بەرى تۇرعىندارمەن ءجيى كەزدەسكەن باسشىنى وسىنداعى ەڭكەيگەن كارىدەن جاس بالاعا دەيىن جازباي تانيتىن بولىپتى. اماندىق-ساۋلىق, كۇندەلىكتى تىرشىلىك ماسەلەسى ءسوز بولدى. كوكتەمدەگى كەلەڭسىزدىكتى قوزعاماي, تەك بۇگىنگى مەرەيدىڭ شۋاعىنا شومىلعاندار ەرتەڭگى كۇندەرىنە سەنىمدى ەكەندىكتەرىن بىلدىرۋدە.
اۋىلدىڭ باتىسىنداعى شاتىرلى قالاشىق ورنى بوساپ, ءۇيلى بولعاندار جاڭا قونىسقا كوشىپتى. كۇننىڭ اپتاپ ىستىعىنا قاراماستان مادەنيەت ۇيىنە جينالعان حالىق تا, بالالار دا ءماز.
حالىق الدىندا ءسوز العان وبلىس اكىمى سەرىك ۇمبەتوۆ اڭگىمەسىن ارىدەن باستادى.
– كوكتەمدەگى تاسقىننان كەيىنگى جىلاعان انا, جىلاعان بالا, اكەنىڭ جابىرقاعان جۇزدەرى ءالى دە كوز الدىمنان كەتپەيدى. بۇل ۇمىتىلاتىن وقيعا ەمەس. مەنىڭ سول كەزدەگى كوڭىل-كۇيىمدى ءوزىم عانا بىلەمىن. ءبىر ءتۇننىڭ ءبىر شىعاتىن كۇنى بولادى. سول كەزدە تۇسكەن ەڭسەمىزدى مەملەكەت باسشىسى نۇرسۇلتان نازارباەۆتىڭ ناقتى تاپسىرماسى, دەمەۋى, قولداۋى تىكتەدى. قازاقستاندىقتاردىڭ پەيىلى مەن قامقورلىعىن سەزىندىك. ەلباسىنان باستاپ, بارشاعا سىزدەردىڭ اتتارىڭىزدان العىس ايتامىن. بۇگىن ەلىمىزدىڭ جۇرەگى استانانىڭ تۋعان كۇنى قارساڭىندا باس قوسىپ وتىرمىز. بۇل مەرەكەنىڭ ەلىمىز ءۇشىن ورنى بولەك. بارلىق وڭىردەگى قالا, اۋىل استاناعا قاراپ بوي تۇزەيدى, ونداعى ەل ءومىرىن وركەندەتۋگە بايلانىستى سىندارلى ساياساتپەن قارۋلانىپ, ونى جۇزەگە اسىرۋعا بار كۇش-جىگەرىن جۇمىلدىرادى. بۇل ءۇردىس وسى اۋىلدا دا ءورىس الۋدا. بۇگىن مىنە, تاعى دا 102 جاڭا ءۇي مەن قايتا جوندەۋدەن وتكەن 20 ءۇيدىڭ كىلتىن يەلەرىنە تاپسىرامىز. سونداي-اق مادەنيەت ءۇيى, اۋداندىق ءىىب تىرەك قوسىنى, “قازپوشتا” مەن اۋىلدىق وكرۋگ اكىمدىگىنىڭ عيماراتتارى, اللانىڭ ءۇيى – مەشىت كۇردەلى جوندەۋدەن وتكىزىلدى. بۇل نىساندار بۇگىننەن باستاپ حالىق يگىلىگىنە قىزمەت ەتەدى, دەپ ءار وتباسىنا باقىت, قۋانىش, بەرەكە-بىرلىك تىلەدى.
قىزىلاعاشتا قالپىنا كەلتىرۋ جۇمىستارى قولعا الىنعان 19 ناۋرىزدان بەرگى مەرزىمدە 400-دەن استام جاڭا ءۇي سالىندى. بارلىق تۇرعىندارعا 25 ءتۇرلى جيىنتىقتان تۇراتىن ءۇي جيھازىنان باستاپ, تۇرمىسقا قاجەتتىلىكتەرمەن قامتىلعانىن ايتۋعا بولادى.
بۇدان كەيىن اكىمنىڭ قولىنان جاڭا ءۇيدىڭ كىلتىن العان نەسىپجامال الشىنباەۆا تولقي سويلەدى.
– كورىپ تۇرسىزدار, قىزىلاعاش قىزىققا تولدى. جايناپ, جاساردى. كوشە دە, ءۇي دە اسەم. تاسقىننان كەيىن سۋ باسقان ءۇيىمىزدىڭ ورنىنا ايتەۋىر باسپانا سالىپ بەرسە دەگەن ويدا بولدىق. وسىنداي ساۋلەتتى ۇيگە كىرەمىز دەگەن جوق ەدىك. وتباسىمنىڭ قۋانىشىن ايتىپ جەتكىزە المايمىن. حالقىن سۇيگەن, ونىڭ تاعدىرىنا الاڭداعان مەملەكەت باسشىسىنا, قۇرىلىسشىلارعا العىس ايتامىن, – دەدى.
جينالعاندار الدىندا سايلاۋ الدابەرگەنوۆ سويلەپ, باتا بەردى.
ال قازمۇۋ-دىڭ ستۋدەنتى, وسى اۋىلدىڭ تۇرعىنى ىلەسكەن ءالباتىر جىردان شاشۋ شاشسا, تاعى باسقالار سويلەپ, تاسقىننان بەرى كەزەڭدەگى اۋىل تۇرعىندارىنا جاعداي جاسالعانىن جەتكىزىپ, اۋىلداستارى اتىنان مەملەكەت باسشىسى نۇرسۇلتان نازارباەۆقا, جالپى كومەك كورسەتكەن قازاقستاندىقتارعا ىزگى نيەتتەرىن ءبىلدىردى.
تاسقىن سۋ اينالىپ وتكەن 200 ادام ءمىناجات ەتەتىن مەشىت تە كۇردەلى جوندەۋدەن ءوتىپتى. وبلىس اكىمى باستاعان حالىق قۇربان شالىپ, ارۋاقتارعا قۇران باعىشتادى.
مادەنيەت ۇيىندەگى جيىن سوڭى “قازاقكونتسەرت” ونەر ۇجىمىنىڭ قىزىلاعاشتىقتارعا ارنالعان قايىرىمدىلىق كونتسەرتىنە ۇلاستى.
كۇمىسجان بايجان.
الماتى وبلىسى.
قىزىلاعاشتىقتاردىڭ قۋانىشى بارشانىڭ مەرەيى. ويتكەنى, ەلباسى بيىلعى ناۋرىز ايىندا تاسقىننان كەيىن تۇرعىنداردىڭ جان جاراسىن جازۋعا جەدەل, ءارى ناقتى تاپسىرما بەرسە, ەل-جۇرت بار ىقىلاس-نيەتىمەن قامقورلىق جاساعانىن كىم ۇمىتسىن. “كوپ تۇكىرسە – كول”, دەگەن. مەملەكەتتەن دە, حالىقتان دا قارجىلاي, زاتتاي, ازىق-ت ۇلىك, تاعى باسقا زاتتار ۇزدىكسىز كەلىپ جاتتى.
“الماتى–وسكەمەن” كۇرە جولىمەن ارى-بەرى اعىلعاندار بەل اسقاننان قىزىل, جاسىل شاتىرلى اسەم ۇيلەر مەن جاسىل جەلەك جامىلعان مەكەندى كورىپ, قىزىعادى. سول ۇمىتىلماس 12 ناۋرىزدان بەرى 110 كۇن ءوتىپتى. بوي كوتەرگەن اۋىل جاڭا عاسىردا جاسارعان, جاڭارعان دەسەك, اسىرا ايتىلماعانى. دەسە دە “باتىرمىن دەپ ماقتانبا, جەڭىپ قايتپاي, جاقسىمىن دەپ ماقتانبا, حالىق ايتپاي” دەمەكشى, قيىندىقتى جەڭگەن باتىرلىق, سول كەزدە ىنتىماق پەن بىرلىكتى ۇستانعانى جاقسىلىق ەكەنىن جۇرتشىلىق ءجيى قايتالايدى. جۇدىرىق جۇمىلىپ, بىلەك بىرىككەندە قيىندىققا جول جوقتىعى دالەلدەندى. بۇعان دەيىن اتالعان ەلدى مەكەندە 365 تۇرعىن ءۇي قايتا سالىنىپ, بار جيعان-تەرگەنىنەن ءبىر ساتتە ايرىلعاندارعا تەلەديدار, ءۇي جيھازى, گاز, توسەك-ورىن بەرىلىپ, باسقا دا تۇرمىستىق جەڭىلدىكتەر جاسالعان-دى.
قىزىلاعاش اۋىلىندا سارسەنبىنىڭ ساتىندە, ياعني 30 ماۋسىمدا تاعى دا قونىس تويى ءوتتى دۇركىرەپ. جاڭا ءسان-سالتاناتى جاراسقان مادەنيەت ۇيىندەگى مەرەيگە بۇل جولى دا وبلىس اكىمى سەرىك ۇمبەتوۆ قاتىستى. تاسقىن بولعاننان بەرى تۇرعىندارمەن ءجيى كەزدەسكەن باسشىنى وسىنداعى ەڭكەيگەن كارىدەن جاس بالاعا دەيىن جازباي تانيتىن بولىپتى. اماندىق-ساۋلىق, كۇندەلىكتى تىرشىلىك ماسەلەسى ءسوز بولدى. كوكتەمدەگى كەلەڭسىزدىكتى قوزعاماي, تەك بۇگىنگى مەرەيدىڭ شۋاعىنا شومىلعاندار ەرتەڭگى كۇندەرىنە سەنىمدى ەكەندىكتەرىن بىلدىرۋدە.
اۋىلدىڭ باتىسىنداعى شاتىرلى قالاشىق ورنى بوساپ, ءۇيلى بولعاندار جاڭا قونىسقا كوشىپتى. كۇننىڭ اپتاپ ىستىعىنا قاراماستان مادەنيەت ۇيىنە جينالعان حالىق تا, بالالار دا ءماز.
حالىق الدىندا ءسوز العان وبلىس اكىمى سەرىك ۇمبەتوۆ اڭگىمەسىن ارىدەن باستادى.
– كوكتەمدەگى تاسقىننان كەيىنگى جىلاعان انا, جىلاعان بالا, اكەنىڭ جابىرقاعان جۇزدەرى ءالى دە كوز الدىمنان كەتپەيدى. بۇل ۇمىتىلاتىن وقيعا ەمەس. مەنىڭ سول كەزدەگى كوڭىل-كۇيىمدى ءوزىم عانا بىلەمىن. ءبىر ءتۇننىڭ ءبىر شىعاتىن كۇنى بولادى. سول كەزدە تۇسكەن ەڭسەمىزدى مەملەكەت باسشىسى نۇرسۇلتان نازارباەۆتىڭ ناقتى تاپسىرماسى, دەمەۋى, قولداۋى تىكتەدى. قازاقستاندىقتاردىڭ پەيىلى مەن قامقورلىعىن سەزىندىك. ەلباسىنان باستاپ, بارشاعا سىزدەردىڭ اتتارىڭىزدان العىس ايتامىن. بۇگىن ەلىمىزدىڭ جۇرەگى استانانىڭ تۋعان كۇنى قارساڭىندا باس قوسىپ وتىرمىز. بۇل مەرەكەنىڭ ەلىمىز ءۇشىن ورنى بولەك. بارلىق وڭىردەگى قالا, اۋىل استاناعا قاراپ بوي تۇزەيدى, ونداعى ەل ءومىرىن وركەندەتۋگە بايلانىستى سىندارلى ساياساتپەن قارۋلانىپ, ونى جۇزەگە اسىرۋعا بار كۇش-جىگەرىن جۇمىلدىرادى. بۇل ءۇردىس وسى اۋىلدا دا ءورىس الۋدا. بۇگىن مىنە, تاعى دا 102 جاڭا ءۇي مەن قايتا جوندەۋدەن وتكەن 20 ءۇيدىڭ كىلتىن يەلەرىنە تاپسىرامىز. سونداي-اق مادەنيەت ءۇيى, اۋداندىق ءىىب تىرەك قوسىنى, “قازپوشتا” مەن اۋىلدىق وكرۋگ اكىمدىگىنىڭ عيماراتتارى, اللانىڭ ءۇيى – مەشىت كۇردەلى جوندەۋدەن وتكىزىلدى. بۇل نىساندار بۇگىننەن باستاپ حالىق يگىلىگىنە قىزمەت ەتەدى, دەپ ءار وتباسىنا باقىت, قۋانىش, بەرەكە-بىرلىك تىلەدى.
قىزىلاعاشتا قالپىنا كەلتىرۋ جۇمىستارى قولعا الىنعان 19 ناۋرىزدان بەرگى مەرزىمدە 400-دەن استام جاڭا ءۇي سالىندى. بارلىق تۇرعىندارعا 25 ءتۇرلى جيىنتىقتان تۇراتىن ءۇي جيھازىنان باستاپ, تۇرمىسقا قاجەتتىلىكتەرمەن قامتىلعانىن ايتۋعا بولادى.
بۇدان كەيىن اكىمنىڭ قولىنان جاڭا ءۇيدىڭ كىلتىن العان نەسىپجامال الشىنباەۆا تولقي سويلەدى.
– كورىپ تۇرسىزدار, قىزىلاعاش قىزىققا تولدى. جايناپ, جاساردى. كوشە دە, ءۇي دە اسەم. تاسقىننان كەيىن سۋ باسقان ءۇيىمىزدىڭ ورنىنا ايتەۋىر باسپانا سالىپ بەرسە دەگەن ويدا بولدىق. وسىنداي ساۋلەتتى ۇيگە كىرەمىز دەگەن جوق ەدىك. وتباسىمنىڭ قۋانىشىن ايتىپ جەتكىزە المايمىن. حالقىن سۇيگەن, ونىڭ تاعدىرىنا الاڭداعان مەملەكەت باسشىسىنا, قۇرىلىسشىلارعا العىس ايتامىن, – دەدى.
جينالعاندار الدىندا سايلاۋ الدابەرگەنوۆ سويلەپ, باتا بەردى.
ال قازمۇۋ-دىڭ ستۋدەنتى, وسى اۋىلدىڭ تۇرعىنى ىلەسكەن ءالباتىر جىردان شاشۋ شاشسا, تاعى باسقالار سويلەپ, تاسقىننان بەرى كەزەڭدەگى اۋىل تۇرعىندارىنا جاعداي جاسالعانىن جەتكىزىپ, اۋىلداستارى اتىنان مەملەكەت باسشىسى نۇرسۇلتان نازارباەۆقا, جالپى كومەك كورسەتكەن قازاقستاندىقتارعا ىزگى نيەتتەرىن ءبىلدىردى.
تاسقىن سۋ اينالىپ وتكەن 200 ادام ءمىناجات ەتەتىن مەشىت تە كۇردەلى جوندەۋدەن ءوتىپتى. وبلىس اكىمى باستاعان حالىق قۇربان شالىپ, ارۋاقتارعا قۇران باعىشتادى.
مادەنيەت ۇيىندەگى جيىن سوڭى “قازاقكونتسەرت” ونەر ۇجىمىنىڭ قىزىلاعاشتىقتارعا ارنالعان قايىرىمدىلىق كونتسەرتىنە ۇلاستى.
كۇمىسجان بايجان.
الماتى وبلىسى.
