ءلاززات تۇرلاشوۆ, پارلامەنت سەناتىنىڭ دەپۋتاتى:
– ەلىمىز تاۋەلسىزدىگىن العاننان بەرگى ۋاقىتتا كوپتەگەن كاسىپورىندار اشىلىپ, جاڭادان 400-گە جۋىق ءونىم تۇرلەرىنىڭ شىعارىلۋى, ارينە, ماقتانارلىق. سونىڭ ناتيجەسىندە جاڭادان 75 مىڭ جۇمىس ورىندارى قۇرىلىپ, بيۋدجەتىمىزگە تريلليونداعان تەڭگە قۇيىلۋدا. ارينە, مۇنىڭ بارلىعى باسى-قاسىندا ەلباسىنىڭ ءوزى ءجۇرىپ, ناقتى تاپسىرمالار بەرۋىنىڭ ارقاسىندا جاسالعان شارۋالار. سوندىقتان دا پرەزيدەنتىمىزدى ۇلىقتاۋ ءراسىمىنە دەگەن حالىقتىڭ ىقىلاسى دا ەرەكشە دەپ بىلەمىن. ونى ءبىز كەشە عانا وتكەن سايلاۋدىڭ ناتيجەسىنەن انىق بايقادىق.
سايلاۋعا قازاقستاندىقتاردىڭ ءبىر كىسىدەي اتسالىسۋى ەلىمىزدىڭ بولاشاعىنا دەگەن جاۋاپكەرشىلىك دەپ تۇسىنەمىن. سونداي-اق, بۇل سايلاۋ حالقىمىزدىڭ اۋىزبىرشىلىگى مەن تاتۋلىعىن دا كورسەتتى. ارينە, بارلىعى دا بۇگىنگى كۇنمەن شەشىلە سالمايدى. الدا ءالى شەشىمىن كۇتكەن تالاي ماسەلەلەر تۇر. اسىرەسە, «نۇرلى جول» باعدارلاماسى مەن بەس ينستيتۋتتىق رەفورما بارلىعىمىزعا ۇلكەن جاۋاپكەرشىلىك جۇكتەيدى.
ۇلاسبەك سادىبەكوۆ, پارلامەنت ءماجىلىسىنىڭ دەپۋتاتى:
– مەن پرەزيدەنتتى ۇلىقتاۋ راسىمىنە قاتىسقانىما قۋانىشتىمىن. شىنىندا دا, ەلباسى قازاقستاننىڭ وركەندەۋى ءۇشىن كوپ تەر توكتى دەپ بىلەمىن. سونىڭ جارقىن دا باستى دالەلى رەتىندە الەمنىڭ وركەنيەتتى دەگەن 50 ەلىنىڭ قاتارىنا كىرىپ وتىرمىز. الدا ءالى دە اسار اسۋىمىز جەتەرلىك. بۇل رەتتە «نۇرلى جول» باعدارلاماسى مەن بەس ينستيتۋتتىق رەفورمانى جۇزەگە اسىرۋ ۇلكەن قاجىر-قايراتتى تالاپ ەتەدى.
ءوز قىزمەتىنە كىرىسكەن پرەزيدەنت ن.ءا.نازارباەۆتىڭ الداعىنى ءدال بولجاي الاتىن كورەگەن ساياساتكەر ەكەنىن ەسكەرسەك, بۇل العا قويعان ءمىندەتتەردىڭ ورىندالارىنا ەشقانداي كۇمان بولماسا كەرەك. كەشە عانا وتكەن سايلاۋدا نۇرسۇلتان نازارباەۆقا حالىقتىڭ 97,75 پايىزى ءوز داۋىستارىن بەرگەنى – ۇلكەن سەنىم ارتقاندىقتىڭ بەلگىسى دەپ بىلەمىن. ەندىگى ماسەلە – الداعى بەس جىلدا تابىستارىمىزدى ەسەلەي ءتۇسۋ.
مۇرات احماديەۆ, پارلامەنت ءماجىلىسىنىڭ دەپۋتاتى:
– قازاقستان حالقى ءوز باسشىسىن سايلاپ الۋدا ۇلكەن جاۋاپكەرشىلىك تانىتىپ, بارلىعى دا سايلاۋ ۋچاسكەلەرىنە بارىپ, ءوز تاڭداۋلارىن جاسادى. ارتىنان سايلاۋشىلاردىڭ 95 پايىزى داۋىس بەرۋگە بارعاندىعىن ءبىلىپ وتىرمىز. مۇنى مەن حالقىمىزدىڭ بىرلىگى مەن ۇجىمداسا بىلۋىمەن بايلانىستىرامىن. كورەگەن باسشىسى بار ەلدىڭ بولاشاعى دا جارقىن. سوندىقتان ەلباسىن جەڭىسىمەن قۇتتىقتاي وتىرىپ, ءاردايىم قازاقستان حالقىنىڭ باقىتى ءۇشىن ايانباي ەڭبەك ەتۋگە دايىنبىز دەگەندى باسا ايتپاقپىن.
پرەزيدەنتتى ۇلىقتاۋ راسىمىنە قاتىسقان مەنىڭ بويىمدا ماقتانىش سەزىم ۇيالاسا, ەكىنشىدەن, الداعى اۋىر مىندەتتەردى سەزىنە وتىرىپ, ۇلكەن جاۋاپكەرشىلىكپەن ىسكە كىرىسۋگە دايىن ەكەنىمدى دە بىلدىرە كەتكىم كەلەدى. ءبىز ارقاشاندا پرەزيدەنتپەن بىرگە بولدىق جانە دە بىرگە كوپتەگەن مىندەتتەردى اتقارامىز دەگەن ويدامىن.
استانا.
