ەلباسى قابىلدادى

مەملەكەت باسشىسى نۇرسۇلتان نازارباەۆ بۇۇ باس حاتشىسىنىڭ ورىنباسارى, بۇۇ ەۋروپالىق ەكونو­ميكالىق كوميسسياسىنىڭ اتقارۋشى حاتشىسى يان كۋبيشتى قا­بىلدادى, دەپ حابارلادى قازاق­ستان رەسپۋب­لي­كا­سى پرەزيدەنتىنىڭ ءباسپاسوز قىزمەتى. اڭگىمەلەسۋ بارىسىندا ەكى جاق­تى ىنتىماقتاستىقتىڭ ماسەلەلەرى تالقىلاندى. – ءبىز قازاقستاننىڭ ەقىۇ-عا توراعالىعىنىڭ ناتيجەلەرىن وڭ باعالايمىز. ەلىڭىز بۇل تۇرعىدان ال­عاندا ۇلكەن تابىستارعا قول جەت­كىز­دى دەپ ەسەپتەيمىن. ءبىز پرەزيدەنت ن.ءا.نازارباەۆتىڭ قىرعىزستانداعى احۋالدى رەتتەۋدەگى ماڭىزدى رولىنە ەرەكشە رازىمىز, – دەدى يا.كۋبيش. *  *  * مەملەكەت باسشىسى نۇرسۇلتان نازارباەۆ “Heenan ءBlaىkىe” زاڭ كور­پوراتسياسىنىڭ كەڭەسشىسى, كانادا­نىڭ بۇرىنعى پرەمەر-مي­نيسترى جان كرەتەندى قابىلدادى, دەپ حابارلادى قازاقستان رەس­پۋب­لي­كاسى پرەزيدەنتىنىڭ ءباسپاسوز قىزمەتى. كەزدەسۋ كەزىندە ەكى جاقتى ىن­تى­ماقتاستىقتىڭ ماسەلەلەرى تا­ل­قىلاندى. – قازاقستان مەن كانادا تەك وزدەرىنىڭ ستراتەگيالىق باعىتتارى جاعىنان عانا ەمەس, سونداي-اق با­تىس ەلدەرىندە جالعاسىپ جاتقان داع­دارىس كەزەڭىندەگى ەكونوميكالىق تابىستارى جاعىنان دا ۇقساس. ەو جانە اقش قازاقستاندىق ەكو­نو­مي­كا­نىڭ 8 پايىزدىق وسىمىنە تەك قىزىعۋشىلىق تانىتادى. مەن بۇل ءوسىم پرەزيدەنت ن.ءا.نازارباەۆتىڭ اقىل-ويعا قۇرىلعان ەكونوميكالىق ستراتەگياسىنىڭ ارقاسىندا بولىپ وتىر دەپ ەسەپتەيمىن, – دەدى ج.كرەتەن. *  *  * مەملەكەت باسشىسى نۇرسۇلتان نازارباەۆ يسلام دامۋ بانكىنىڭ پرە­­زيدەنتى احماد موحاممەد الي ءال-ءمادانيدى قابىلدادى, دەپ حا­بارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. اڭگىمەلەسۋ بارىسىندا ەكى جاق­تى ىنتىماقتاستىقتىڭ ماسەلەلەرى تالقىلاندى. – مەن ءۇشىن نۇرسۇلتان نازار­باەۆ­پەن كەزدەسۋ جانە ونى الداعى ەلوردا كۇنىمەن قۇتتىقتاۋ ۇلكەن قۇر­مەت. مەن قازاقستاننىڭ استانا­سى قانداي قۋاتتى قارقىنمەن دا­مىپ كەلە جاتقانىن, ەلدىڭ ەكونو­مي­كاسىنىڭ ارتا تۇسكەنىن كورىپ وتىر­مىن. بۇعان پرەزيدەنت ن.ءا.نا­زارباەۆتىڭ ساياساتىنىڭ ناتيجەسىندە قول جەتىپ وتىر. ءبىز قازاقستاننىڭ كەلەسى جىلى يسلام كونفەرەنتسياسى ۇيىمىنىڭ ءتور­اعاسى بولاتىنىنا قۋانىشتىمىز. بۇل قازاقستان مەن يسلام ەلدەرىنىڭ اراسىنداعى ىنتىماقتاستىقتىڭ ودان ءارى دامۋىنا كومەكتەسەتىن بولادى, – دەدى ا.ءال-ماداني. *  *  * مەملەكەت باسشىسى نۇرسۇلتان نازارباەۆ ازيا دامۋ بانكىنىڭ ۆيتسە-پرەزيدەنتى شاو جاونى قا­بىلدادى, دەپ حابارلادى قازاق­ستان رەس­پۋبليكاسى پرەزيدەنتىنىڭ ءباسپاسوز قىزمەتى. كەزدەسۋ كەزىندە ەكى جاقتى ىن­تى­ماقتاستىقتىڭ ماسەلەلەرى تال­قىلاندى. – ازيا دامۋ بانكى اتىنان مەن پرەزيدەنت ن.ءا.نازارباەۆتى داعدارىستىق كەزەڭنەن كەيىنگى ەلدەگى تابىستارىمەن جانە الەمدەگى قولايسىز قارجىلىق جاعدايعا قاراماستان جەدەل ەكونوميكالىق وسىمگە قول جەتكىزگەندىگىمەن قۇت­تىق­تادىم. مەن پرەزيدەنتكە ازيا دامۋ بانكىنىڭ قازاقستانمەن بىرلەسكەن ىنتىماقتاستىق بويىنشا نە ىستەپ جاتقانىن باياندادىم. بيىلعى جىلى ءبىز جول قۇرىلىسى سالاسى مەن شاعىن جانە ورتا بيزنەستى قولداۋدا بىرقاتار جوبا­لار­دى قارجىلاندىرۋ ءۇشىن 1 ميل­لياردتان استام دوللار ءبولۋدى جوس­پارلاپ وتىرمىز. ءبىز قازاقستانمەن ىنتىماقتاستىق تابىستى بولا­تى­نىنا سەنىمدىمىز, – دەدى ش.جاو. *  *  * مەملەكەت باسشىسى نۇرسۇلتان نازارباەۆ ەۋرازەق-تىڭ باس حاتشىسى تايىر مانسۇروۆتى قا­بىلدادى, دەپ حابارلادى قازاق­ستان رەسپۋبليكاسى پرەزيدەنتىنىڭ ءباسپاسوز قىزمەتى. ت.مانسۇروۆ پرەزيدەنتكە بي­ىلعى جىلى 5 شىلدەدە استانادا وتە­تىن ەۋرازەق-تىڭ مەملەكەت­ارا­لىق كەڭەسىنىڭ وتىرىسىن وتكىزۋگە دايىندىعى جانە ەۋرازەق-تىڭ مەملەكەتارالىق كەڭەسى (كەدەندىك وداقتىڭ جوعارى ورگانى) تۋرالى حابارلادى. بۇل وتىرىستا كەدەندىك وداقتىڭ كەدەندىك كودەكسىنىڭ كۇشىنە ەنۋى جانە كەدەندىك وداق ءما­سەلەلەرىن قاراۋ جونىندەگى وكىلەت­تىگى كەڭەيتىلەتىن ەۋرازەق سوتتارى مارتەبەسىنىڭ جاڭا رەداكتسياسى ءجو­نىندە ماڭىزدى قۇجاتتار قابىلدا­ناتىن بولادى. ەۋرازەق-تىڭ باس حاتشىسى سونداي-اق نۇرسۇلتان نازارباەۆقا ەۋرازەق-تىڭ مەملەكەتارالىق كە­ڭەسىنىڭ توراعاسى رەتىندە ەۋرازيا­لىق ەكونوميكالىق قاۋىمداس­تىق­تىڭ 10 جىلدىعىنا بايلانىستى ەۋرازەق-قا مۇشە مەملەكەتتەر باسشىلارى مالىمدەمەسىنىڭ ءماتىنى بارلىق تاراپتارمەن كەلىسىلگەنىن مالىمدەدى. اڭگىمەلەسۋ بارىسىندا سونداي-اق الدا وتەتىن ەۋرازەق-تىڭ مەم­لەكەتارالىق كەڭەسى وتىرىسىنىڭ كۇن ءتارتىبى تالقىلاندى.