نۇرسايا – نۇرلى سايا بولماق

كەشە ەلباسى نۇرسۇلتان نازارباەۆ استاناداعى ماسەلەلى ءۇي دەپ تانىلىپ, قۇرىلىسى ەندى اياقتالىپ جاتقان نۇرسايا تۇرعىن ءۇي كەشەنىنىڭ اشىلۋىنا قاتىستى. مەملەكەت باسشىسى ارنايى كەلىپ كورگەن “نۇرسايا” تك “اققب “جاڭا قۇرىلىس” جشس قۇرىلىس سەكتورىن تۇراقتاندىرۋ جانە استانا قالاسىنداعى پروبلەمالىق نىسان ۇلەسكەرلەرىن قولداۋ شارالارىن جۇزەگە اسىرۋعا رەسپۋبليكالىق بيۋدجەتتەن بولىنگەن 15,2 ملرد. تەڭگە ترانسفەرت شەڭبەرىندە سالىندى. جاڭا تۇرعىن ءۇي كەشەنىندە 487 پاتەر بار, ونىڭ 240-ى بۇرىنعى ۇلەسكەرلەر ەنشىسىندە. استانا قالا­سىنىڭ اكىمى يمانعالي تاسما­عام­بەتوۆ مەملەكەت باسشىسىن قۇرى­لى­سى ەندى اياقتالىپ, ۇلەسكەرلەرگە پاتەر كىلتى تابىستالاتىن جاڭا تۇر­عىن ءۇي كەشەنى تۋرالى كەڭىرەك تا­نىس­تىرىپ ءوتتى. ەلباسى قالا اكىمى­نەن ۇلەسكەرلەر سانى مەن ودان ار­تىق قالاتىن پاتەرلەر تۋرالى سۇ­را­دى. بۇدان سوڭ كەشەندەگى “بالا­پان” باعدارلاماسىن جۇزەگە اسىرۋ ماقساتىندا ونىڭ ءبىرىنشى قاباتتا ورنالاسقان مەكتەپكە دەيىنگى بالا­لاردى تاربيەلەيتىن شاعىن ورتا­لىق­تى ارالاپ كوردى. شاعىن ورتا­لىق­تىڭ كولەمى 2 536 شارشى مەتر, ول مەكتەپ جاسىنا دەيىنگى 600-دەن استام بالانى قامتۋعا مۇمكىندىگى بار. “نۇرسايا” تك-داعى مەردىگەرلىك جۇمىستاردى اياقتاۋ ءۇشىن 4 قۇرى­لىس كومپانياسى – “كازستروي­پودرياد” جشس, “استاناترانس­ستروي” بك جشس, “پوليترەند اس­تانا” جشس جانە “كاپيتالستروي-ەن” جشس جۇمىسقا تارتىلدى. جاڭا تۇرعىن ءۇي كەشەنىن سالعان مەردىگەر كومپانيالاردىڭ ءبىرى “كازسترويپودرياد” جشس-تىڭ دي­رەك­تورى حيكمەت اتالاي جاڭا كە­شەن­نىڭ 2 جىل كەپىلدىگى بار ەكەن­دىگىن, سونداي-اق قابىلداعان كەزدە ءۇيدىڭ كەيبىر بولىكتەرى 25 پايىزى عانا دايىن كۇيدە بولعاندىعىن اي­تىپ ءوتتى. ال كولىك قوياتىن ورىن­نىڭ 60-70 پايىزى دايىن بولعان. جۇمىس بارىسىندا 200-300 ادام جۇمىسپەن قامتىلىپتى. استانا كۇنى قارسا­ڭىندا اياقتالىپ, تۇرعىن­دار يگىلىگىنە بەرىلەتىن پاتەرلەر سانى بۇنىمەن شەكتەلمەك ەمەس. “اققب “جاڭا قۇرىلىس” جشس ۇلەسكەرلەرگە 6 تۇرعىن ءۇي كەشەنىن قولدانىسقا بەرمەك, ونداعى جالپى پاتەرلەر سانى 2 285. سونداي-اق جىل سوڭىندا تاعى 2 پروبلەمالىق نىساننىڭ, اتاپ ايتساق “تۇرسىن استانا” تك جانە “گراند استانا” تك قۇرىلىسى اياقتالىپ, “جىرى بىتەتىن” كورىنەدى. داعدارىس كەزىندە تۇرالاپ قال­عان جىلجىمايتىن م ۇلىك, اتاپ ايت­قاندا تۇرعىن ءۇي قۇرىلىسى سالاسىن قولداۋ جانە ۇلەسكەرلەر پروبلە­ما­سىن شەشۋ جونىندەگى مەملەكەتتىك شارالاردى جۇزەگە اسىرۋ بارىسىن­دا پروب­لەمالىق دەپ تانىلعان 19 نىساننىڭ 17-ءسىنىڭ قۇرىلىسى جۋىق ۋاقىتتا اياقتالماق. وسىلايشا بي­ىل­عى جىلى ۇلەسكەرلەر جالپى اۋدا­نى 477 مىڭ شارشى مەتردى قۇ­رايتىن 4 732 پاتەرمەن قامتاماسىز ەتىلەدى. ۆەنەرا تۇگەلباي.