ولار اعاشتار مەن بۇتالاردىڭ, باسقا دا ءار ءتۇرلى كوپجىلدىق وسىمدىكتەردىڭ توپىراققا ىلعالدى ءسىڭىرۋ دەڭگەيىن, كليماتقا توزىمدىلىگىن زەردەلەۋ ارقىلى جەرسىندىرەدى, دەپ حابارلايدى egemen.kz.
وسىلايشا جاس مامانداردىڭ قالاداعى ساياباقتاردى رەتكە كەلتىرۋگە بەلسەندى تۇردە كىرىسۋى قالا تاريحىندا ەڭ ءبىرىنشى رەت ورىن الدى. ويتكەنى, وسىعان دەيىن كوگالداندىرۋ جۇمىستەرىمەن قالا تازالىعىنا جاۋاپتى مەكەمەنىڭ جۇمىسشىلارى عانا ارالاسىپ, ولاردىڭ جۇمىسى كوبىنەسە كوكتەمدە جىلىجايلاردا وسىرىلگەن بىرجىلدىق گۇلدەردى وتىرعىزۋمەن شەكتەلەتىن. اعاشتاردىڭ شولگە, سۋىققا ءتوزىمدى تۇرلەرىن وتىرعىزۋعا جەتكىلىكتى ءمان بەرىلمەدى.
ەندى ۋنيۆەرسيتەت ستۋدەنتتەرى جازعى وندىرىستىك تاجىريبەنى ساياباقتاردا وتكىزەدى.
بولاشاق لاندشافت ديزاينەرلەرى مەن ەكولوگتار ءوز قولدارىمەن وتىرعىزعان اعاشتى جاز بويى كۇتىپ-باپتاپ, ابدەن جەرسىنىپ كەتكەنشە ءوسۋىن قاداعالاسا, قالانىڭ جاسىل جەلەك قورىنىڭ ۇلعايۋىنا كومەگى زور. مۇنىمەن بىرگە وسى وقۋ ورنىنىڭ ستۋدەنتتەرى قالاداعى «قازحروم» تۇك عيماراتىنىڭ ماڭىندا كوگالداندىرۋ جۇمىستارىمەن اينالىسىپ, سازدى توپىراققا وسۋگە ىڭعايلى اعاش كوشەتتەرىن وتىرعىزدى.
اقتوبە وبلىسى.
