«سيان – الماتى» باعىتى بويىنشا العاشقى تۋريستىك پويىز ساپارعا شىقتى

بۇل باستاما ەكى ەل اراسىنداعى مادەني ارىپتەستىكتى تەرەڭدەتۋگە جانە تۋريزم باعىتىندا ءوزارا ءىس-قيمىلدى نىعايتۋعا باعىتتالعانىن اتاپ ءوتتى. ءانۋار احمەتجانوۆتىڭ ايتۋىنشا, ساپار بارىسىندا قىتايدان كەلگەن مەيماندار قازاقستاننىڭ تاريحي-مادەني باي مۇراسىمەن جاقىنىراق تانىسىپ, بولاشاقتاعى بىرلەسكەن جوبالارعا نەگىز قالانۋى مۇمكىن.

پويىز ءۇرىمجى قالاسى ارقىلى ءوتىپ, حالىقارالىق شەكارالىق قورعاس وتكەلىندە ايالدايدى. مۇندا دوڭگەلەك جۇپتارى اۋىستىرىلىپ, پويىز التىنكول ستانتسياسى ارقىلى الماتىعا باعىت الادى.

قۇرامىندا 9 ۆاگونى بار بۇل پويىز جولاۋشىلار ءۇشىن جايلى ءارى زاماناۋي تالاپتارعا ساي جابدىقتالعان. تۋريستىك توپقا بيزنەس قاۋىمداستىعىنىڭ وكىلدەرى, عىلىم, سپورت جانە ونەر سالالارىنان 246 ادام ەنگەن.

الماتىدا قوناقتار بەس كۇن بويى قالانىڭ تاريحي جانە مادەني نىساندارىمەن تانىسىپ, نەگىزگى تۋريستىك ورىندارعا بارادى. سونىمەن قاتار, قابىلداۋشى تاراپ ۇيىمداستىرعان مادەني جانە ىسكەرلىك شارالارعا قاتىسادى.