قۇقىق بۇزعان قۇرىقتالادى

قازىرگى تاڭدا قوعامدى قاتتى الاڭ­داتىپ وتىرعان سىبايلاس جەم­قور­لىق ماسەلەسى قازاقستان رەسپۋ­ب­ليكاسى پرەزيدەنتىنىڭ جىل سايىنعى جولداۋىندا جان-جاقتى باياندالىپ كەلەدى. وندا ەلباسى مەملەكەتتىك ور­گانداردىڭ بارلىق دەڭگەيىندە سى­بايلاس جەمقورلىقتىڭ ءتۇپ تامىرىن جويۋعا ناقتى مىندەتتەر جۇكتەپ, ىمىراسىز كۇرەستى كۇشەيتۋدى اتاپ كورسەتەدى. جالپى العاندا ەلىمىزدە سىبايلاس جەمقورلىق پەن قىلمىستىڭ جانە قۇقىق بۇزۋشىلىقتىڭ الدىن الۋدا “مەملەكەتتىك قىزمەت تۋرالى” قا­زاقستان رەسپۋبليكاسىنىڭ 1999 جىل­عى 23 قاڭتارداعى زاڭى, “سىبايلاس جەمقورلىققا قارسى كۇرەس تۋرالى” قازاقستان رەسپۋبليكاسىنىڭ 1998 جىلعى 2 شىلدەدەگى زاڭى, 2005 جىل­عى 3 مامىرداعى قازاقستان رەس­پۋب­ليكاسى مەملەكەتتىك قىزمەتشىلەرىنىڭ ار-نامىس كودەكسى ارەكەت ەتەدى. 2006-2010 جىلدارعا باعىتتالىپ ىسكە اسىرىلۋ ۇستىندەگى سىبايلاس جەم­قورلىققا قارسى باعدارلاما قازىرگى تاڭدا پارمەندى بولىپ وتىر. باع­دار­لامانىڭ نەگىزگى ەرەجەلەرى سىبايلاس جەمقورلىقپەن كۇرەس جونىندەگى زاڭنامانى, قۇقىق بۇزۋشىلىقتىڭ دەڭگەيىن تومەندەتۋ بويىنشا ارنايى شارالاردى جەتىلدىرۋگە قۇقىق قورعاۋ جانە سوت جۇيەسى قىزمەتىن وڭتاي­لاندىرۋعا, ازاماتتىق قوعاممەن ءوزارا ارەكەتكە, مەملەكەتتىڭ سىبايلاس جەم­قورلىققا قارسى ساياساتىن ناسيحاتتاۋ مەن حالىقارالىق ىنتىماقتاستىقتى نىعايتۋعا باعىتتالعان. قۇقىق بۇزۋشىلىق پەن قىلمىس­تىق فاكتىلەرگە جانە ولاردى تۋدى­راتىن جاعدايلار جاساۋعا جول بەرمەۋ ماقساتىندا سالىق قىزمەتى ورگان­دارىنىڭ قىزمەتكەرلەرى قازاقستان رەسپۋبليكاسى قارجى مينيسترلىگى سالىق كوميتەتى توراعاسىنىڭ 2006 جىلعى 30 قىركۇيەكتەگى № 474 بۇي­رىعىمەن بەكىتىلگەن سالىق ورگاندارى قىزمەتكەرىنىڭ كاسىبي ەتيكاسى كو­دەكسىنىڭ جانە قازاقستان رەسپۋبلي­كاسى قارجى مينيسترلىگى سالىق كوميتەتى توراعاسىنىڭ 2007 جىلعى 26 جەلتوقسانداعى بۇيرىعىمەن بەك­ى­تىلگەن قازاقستان رەسپۋبليكاسىنىڭ سالىق قىزمەتى ورگاندارىنداعى سى­بايلاس جەمقورلىقپەن كۇرەس سترا­تەگياسىنىڭ تالاپتارىن باسشىلىققا الادى جانە قاتاڭ ساقتايدى. اتالعان ستراتەگيا سالىق قىزمەتى ورگاندارىندا سىبايلاس جەمقورلىققا توزبەۋشىلىكتى داعدىعا اينالدىرعان جوعارى ءتيىمدى سالىق قىزمەتىن قالىپتاستىرۋ بويىنشا قاعيدات پەن بولاشاقتى باعالاۋعا نەگىزدەلگەن. سونداي-اق قازاقستان رەسپۋبلي­كاسىنىڭ كەيبىر زاڭنامالىق اكتى­لەرىنە سىبايلاس جەمقورلىققا قارسى كۇرەستى ودان ءارى كۇشەيتۋ ماسەلەلەرى بويىنشا تۇزەتۋلەر ەنگىزىلگەن. بۇل رەتتە “قازاقستان رەسپۋبليكاسىنىڭ كەيبىر زاڭنامالىق اكتىلەرىنە سىباي­لاس جەمقورلىققا قارسى كۇرەستى ودان ءارى كۇشەيتۋ ماسەلەلەرى بوي­ىنشا وزگەرىستەر مەن تولىقتىرۋلار ەنگىزۋ تۋرالى” قازاقستان رەسپۋب­ليكاسىنىڭ 2009 جىلعى 7 جەلتوق­سانداعى № 222-ءىV زاڭى تولىق جاۋاپ بەرە الادى. زاڭنىڭ ماقساتى – سىبايلاس جەمقورلىققا قارسى جانە كولەڭكەلى ەكونوميكامەن كۇرەستى كۇشەيتۋگە, قۇقىق بۇزۋشىلىق جاساعانى ءۇشىن مەملەكەتتىك قىزمەتشىلەردىڭ جاۋاپ­كەرشىلىگىن قاتاڭداتۋعا باعىتتالعان. مۇنىمەن قوسا, تەك قۇقىق قورعاۋ ورگاندارىنىڭ عانا ەمەس, بارلىق مەملەكەتتىك ورگاندار مەن لاۋازىمدى تۇلعالاردىڭ ساپالى جانە ءتيىمدى جۇمىسى سىبايلاس جەمقورلىق پەن قىلمىس جاساۋ دەڭگەيىن تومەندەتۋدىڭ ماڭىزدى فاكتورى بولىپ تابىلادى. سالىق قىزمەتى ورگاندارى سالىق تولەۋشىلەردىڭ سەنىمدىلىك دەڭگەيىن ارتتىرۋ, مەملەكەتتىك قىزمەتشىنىڭ جاڭا فورماتسياداعى بەينەسىن قا­لىپتاستىرۋ سياقتى ستراتەگيالىق ءمىن­دەتتەرىن شەشۋ ءۇشىن ۇنەمى سى­بايلاس جەمقورلىقتىڭ تىنىسىن تارىلتۋعا, ءار قىزمەتكەردىڭ ساناسىنا ءتيىستى مىندەتتەرىن ادال اتقارۋدى تۇسىندىرۋگە جانە ءتۇپ تامىرىمەن جويۋعا, قو­عامنىڭ جەگىقۇرتىنا قارسى باعىتتالعان بەلگىلى ءبىر ءىس-شارالار جۇرگىزەدى. كەز كەلگەن سالىق تولەۋشى سالىق ورگاندارى قىزمەتكەرلەرىنىڭ زاڭسىز ارەكەتتەرىنە قارسى جۇگىنە الاتىن 8 (717) 237 68 03 سەنىم تەلەفونى جۇ­مىس ىستەيدى. بۇل ورايدا “جەكە جانە زاڭدى تۇلعالاردىڭ وتىنىشتەرىن قاراۋ ءتارتىبى تۋرالى” قازاقستان رەسپۋب­ليكاسىنىڭ 2007 جىلعى 12 قاڭتار­داعى № 221-3 زاڭىنا سايكەس بەيما­لىم وتىنىشتەر قارالمايدى. جوعارىدا كورسەتىلگەنىندەي, سا­لىق ورگاندارىنىڭ ءار قىزمەتكەرى سىبايلاس جەمقورلىققا قارسى زاڭنامانى ورىنداۋعا مىندەتتى عانا ەمەس, سونداي-اق ول سالىق تولەۋشى تاراپىنان نەمەسە زاڭعا قارسى وزگە ارەكەتتەرگە يتەرمەلەۋ مۇمكىندىكتەرىن جويۋ بويىنشا قاجەتتى شارالاردى دەربەس قولدانۋعا مىندەتتى. قورىتا ايتقاندا, ءار ادام سالىق ورگانى قىزمەتكەرىنىڭ دە, سالىق تولەۋشىنىڭ دە زاڭعا قايشى كەز كەل­گەن ارەكەتى ءۇشىن زاڭمەن بەلگىلەنگەن تارتىپتە اكىمشىلىك تارتىپتىك, سونداي-اق قىلمىستىق جاۋاپكەرشىلىك كوز­دەل­گەندىگىن ۇمىتپاۋىن ەسكەرگەنى ءجون. ارمان راحماتۋللا, استانا قالاسىنىڭ الماتى اۋدانى بويىنشا سالىق باسقارماسى توراعاسىنىڭ ورىنباسارى.