فوتو: اشىق دەرەككوز
SpaceX كومپانياسى مارسقا العاشقى ادامدى 2026 جىلى جىبەرۋدى جوسپارلاپ وتىر. بۇل ءۇشىن 1000 Starship كەمەسىن پايدالانىپ, ءار 26 اي سايىن ميلليون ادامدى مارسقا جەتكىزۋ كوزدەلۋدە. مارسقا قونىستانۋ -تەك ءبىر ەلدىڭ ەمەس, بۇكىل ادامزاتتىڭ جوباسى. NASA, ESA جانە باسقا دا ۇيىمدار بۇل ماقساتتا بىرلەسىپ جۇمىس ىستەپ جاتىر. مىسالى, Artemis Accords ۇيىمى. بۇل ۇيىم عارىش كەڭىستىگىن بەيبىت ماقساتتا پايدالانۋ مەن ىنتىماقتاستىقتى قامتاماسىز ەتۋ ءۇشىن العاش رەت امەريكادا قۇرىلدى.
مارستا اۋا بار, بىراق تىنىس الۋ مۇمكىن ەمەس. سەبەبى, مارستىڭ اتموسفەراسى 96% كومىرقىشقىل گازىنان تۇرادى. وتتەگى مولشەرى نەبارى - 0.13%, ياعني ادامنىڭ تىنىستاۋىنا مۇلدەم جارامسىز. وندا تۇرۋ ءۇشىن ارنايى كيىمدەر, گەرمەتيكالىق ۇيلەر قاجەت. سونىمەن قاتار بۇل پلانەتادا اۋىرلىق كۇشى جەردەگىدەن ءۇش ەسە تومەن. بۇل دەگەنىمىز - 60 كگ سالماقتاعى ادام مارستا ءوزءىن 20 كگ سەكىلدى سەزىنەدى. بۇل قىزىق بولعانىمەن, دەنساۋلىققا زيانى دا بار. ماسەلەن, بۇلشىق ەتتەر مەن سۇيەكتەر السىرەيدى, سوندىقتان جاتتىعۋ مەن مەديتسينالىق باقىلاۋ قاجەت.
مارس پلانەتاسى تۋرالى قىزىقتى دەرەكتەر
عىلىمدا مارستىڭ تاعى ءبىر اتاۋى - قىزىل پلانەتا.
پلانەتانىڭ بەتى تەمىر توتىعىنا (توت) تولى بولعاندىقتان توپىراق قاباتى قىزىل تۇسكە اينالعان. مارستا ۇلكەن جانارتاۋ بار. جانارتاۋ Olympus Mons دەپ اتالادى. ول - كۇن جۇيەسىندەگى ەڭ ۇلكەن جانارتاۋ.
بيىكتىگى - 22 شاقىرىم (جەردەگى ەۆەرەستتەن 2,5 ەسە بيىك).
مارسقا قونىستانۋدىڭ نەگىزگى كەدەرگىلەرى قانداي بولماق؟
-
ارينە ۋاقىت بويىنشا بەيىمدەلۋ قيىنعا سوعادى. سەبەبى, مارستاعى ءبىر تاۋلىك -شامامەن 24 ساعات 39 مينۋت 35 سەكۋندتى قۇرايدى.جەردەگى ءبىر تاۋلىك -24 ساعات. ايىرماشىلىعى مارستاعى ءبىر كۇن (ونى سول دەپ اتايدى) جەردەگى كۇننەن شامامەن 39,5 مينۋتقا ۇزاعىراق. ال مارستاعى ءبىر جىل - شامامەن 687 جەر كۇنىنە تەڭ.
-
كليماتتىق جاعدايدىڭ قولايسىزدىعى پلانەتادا ءومىر ءسۇرۋ مۇمكىندىگىن ازايتادى.مارستاعى ورتاشا تەمپەراتۋرا - 63°C, ال تۇندە - 125°C دەيىن تومەندەيدى.ء جيى بولاتىن شاڭدى داۋىلدار كۇن ەنەرگياسىن بوگەپ, قۇرىلعىلاردىڭ جۇمىسىن قيىنداتادى.
-
مارسقا شامامەن 6–9 ايدا جەتۋگە بولادى.
مارسقا قونىستانۋ عىلىمي تۇرعىدا مۇمكىن بولعانمەن تاياۋ بولاشاقتا (10–20 جىلدا) تولىققاندى كولونيا قۇرۋ – وتە قيىن. العاشقى قادام رەتىندە شاعىن زەرتتەۋ بازالارى ورناتىلىپ, وندا ازداعان ادام ۋاقىتشا ءومىر ءسۇرۋى مۇمكىن. ياعني, مارسقا ادام جىبەرىلەتىندىگى -شىندىق, بىراق تۇراقتى قونىستانۋ مۇمكىندىگى - ازىرگە بەلگىسىز.
الينا قايراتقىزى
ەۇۋ 2-كۋرس ستۋدەنتى
