فوتو: gov.kz
ەۋروپالىق كۋرورتتار جازدا قوناقتاردىڭ كوپ بولاتىنىن العا تارتادى. مىسالى, يتالياداعى پاگانەللا كۋرورتىنا 2018-2019 جىلدار ارالىعىندا جازدا كەلۋشىلەر قىسقى اعىننان اسىپ تۇسكەن.
ال تاۋ ۆەلوسيپەدتەرى مەن ترەيل ساياباقتارىن تۋريستەر شاڭعى تراسسالارىنا قاراعاندا ءجيى پايدالاناتىندىقتان كىرىس ارتقان.
Alpine Hospitality Forum ساراپشىلارى 2019 جىلدان باستاپ ءالپى تاۋلارىنا شىعۋعا جاز مەزگىلىندە سۇرانىس «تۇراقتى ءوسۋ ءۇردىسىن» كورسەتىپ وتىرعانىن اتاپ ءوتتى. بۇل ينستيتۋتسيونالدىق ينۆەستورلاردى تەڭىز جاعالاۋىنداعى ىستىققا قاراعاندا ىڭعايلى بالاما بولا الاتىن تاۋلى ايماقتارداعى قوناقۇيلەر پورتفەلىن ەكى ەسەگە تولتىرۋعا يتەرمەلەگەن. وسىنىڭ ارقاسىندا كلاستەر قارعا تاۋەلدى ەمەستىگى, اقشا بىركەلكى بولىنەدى جانە بيزنەسكە ء«ولى ماۋسىم» دەگەن ۇعىم كەدەرگى كەلتىرە المايتىنى انىقتالىپ وتىر.
الماتى تاۋ كلاستەرى وسى مودەل نەگىزىندە داميدى. اتك-عا الماتى قالاسىنان 30 مينۋتتا جەتۋگە بولاتىندىقتان قوناقتار مەن قالا تۇرعىندارى ءجيى قاتىنايدى. وسىنىڭ ەسەبىنەن قىزمەت كورسەتۋ ورىندارى دا ارتىپ كەلەدى.
بۇگىندە الماتى تاۋ كلاستەرىنىڭ اۋماعىندا ەلىمىزدىڭ ەكى جەتەكشى تۋريستىك ورتالىعى – «شىمبۇلاق» جانە «وي-قاراعاي» كۋرورتتارى ورنالاسقان. ەكەۋى دە جىل بويى تارتىمدى ءارى تۇراقتى نىسان رەتىندە ءوز تيىمدىلىگىن دالەلدەدى. ولاردىڭ اراسىنداعى قاتىناستىڭ دامۋى (اسپالى جول, ۆەلوجولدار, جاياۋ جۇرگىنشىلەر جولدارى, ەلەكتروبۋس جەلىسى) ءبىر ءتۋريستىڭ ورتاشا بولۋ ۇزاقتىعى مەن تۇتىنۋىن ارتتىرا وتىرىپ, بىرىڭعاي ينتەگراتسيالانعان تۋريستىك كەڭىستىك قۇرۋعا مۇمكىندىك بەرەدى.
