— جيىنعا قاتىسۋشىلار قازىرگى احۋال تۋرالى بايانداپ, ايماقتاردا ەتنوسارالىق قاتىناس سالاسىندا تۇراقتىلىقتى قامتاماسىز ەتۋگە, ازاماتتىق قوعاممەن بىرلەسىپ جۇمىس ىستەۋگە, مەملەكەتتىك اقپارات ساياساتىن جۇزەگە اسىرۋعا قاتىستى قولعا الىنىپ جاتقان شارالار تۋرالى مالىمەت بەردى. قازاقستان حالقى اسسامبلەياسىن دامىتۋ تۇجىرىمداماسىن ازىرلەۋ جانە بۇل قۇرىلىمنىڭ فورماتىن جەتىلدىرۋ ماسەلەسىنە ايرىقشا نازار اۋدارىلدى, — دەلىنگەن حابارلامادا.
سونىمەن قاتار جيىندا بيىل وتەتىن ماڭىزدى قوعامدىق-ساياسي ءىس-شارالار قارساڭىندا جالپىۇلتتىق بىرلىكتى ودان ءارى نىعايتۋ شارالارى تالقىلاندى.
جيىن سوڭىندا مەملەكەتتىك كەڭەسشى جاۋاپتى مەملەكەتتىك ورگاندارعا ەتنوسارالىق كەلىسىمدى قامتاماسىز ەتۋگە جانە بارلىق دەڭگەيدەگى ۇيلەستىرۋ جۇمىسىن كۇشەيتۋگە باعىتتالعان ىشكى ساياسي جۇمىستىڭ باسىم باعىتتارى بويىنشا ناقتى تاپسىرمالار بەردى.
