بۇل تۋرالى وڭىرلىك كوممۋنيكاتسيالار قىزمەتىندە جۋرناليستەرمەن جۇزدەسكەن الماتىنىڭ مكد تاۋارلاردى كەدەندىك راسىمدەۋدى باقىلاۋ ءبولىمىنىڭ باسشىسى سەرىكجان احمەتجانوۆ حابارلادى.
«كەدەن» جۇيەسىنىڭ اقپاراتتىق پورتالى سىرتقى ەكونوميكالىق قاتىناستاردى تسيفرلاندىراتىن ماڭىزدى قۇرالعا اينالىپ وتىر. ۋسق يەلەرىنىڭ رەەسترىنە تىركەلەتىن ءوتىنىشتى ەلەكتروندى تۇردە بەرۋدى مىندەتتەگەلى بۇل جۇمىس ەداۋىر ىقشامدالعان.
ۋاقىتشا ساقتاۋ قويماسى – تاۋار اينالىمعا ەنگەنگە دەيىن نەمەسە باسقا دا كەدەندىك راسىمدەۋگە دەيىن كەدەندىك باقىلاۋدا ۇستالاتىن (ساقتالاتىن) ورىن. ۋسق يەسىنىڭ مارتەبەسىن الۋ ءۇشىن كاسىپورىن مەملەكەتتىك كىرىستەر كوميتەتىنە قارايتىن ءتيىستى رەەسترگە تىركەلۋى قاجەت.
«بۇدان بىلاي «Keden» جۇيەسىن قولدانۋشىلار وڭاي ءوتىنىش بەرە الادى. ول ءۇشىن جەكە كابينەتكە كىرىپ, ەلەكتروندى ادىسپەن تسيفرلى قول قويىپ, قاجەتتى قىزمەتتى تاڭداپ الىپ, ءوتىنىش تولتىرىپ, سوسىن كەرەك قۇجاتتاردى تىركەسە بولدى. مىندەتتى قۇجاتتارعا مىنالار كىرەدى: مەنشىك يەسى ەكەنىن كۋالاندىراتىن نەمەسە جالعا العانىن دالەلدەيتىن قۇجاتى, قويمانىڭ سحەماسى مەن جوسپارىن, قاراۋىلى بارىن, ۆيدەو باقىلاۋى بار ەكەنىن كورسەتەتىن قۇجاتتى جانە باسقا دا تەحنيكالىق قۇجاتتارىن تىركەۋى ءتيىس. ءوتىنىشتى بەرگەن ۋاقىت مەن ستاتۋسىن ونلايندا كورە الاسىز. «Keden» جۇيەسىن ەنگىزۋدىڭ ەڭ باستى ارتىقشىلىعى – جۇمىس بارىسى اشىق بولىپ, قۇجاتتى قارايتىن ۋاقىتتى قىسقارتىپ, ادام ىقپالىن ازايتادى. سەبەبى ءبارى اۆتوماتتى تۇردە ىسكە اسادى. لاۋازىم يەسىمەن بەتپە-بەت جولىقپايتىن بولعاندىقتان, بۇل جەمقورلىقتىڭ دا جولىن كەسپەك» دەيدى س. احمەتجانوۆ.
ۋسق يەگەرىنىڭ مارتەبەسىن العان ادام تاۋارىن كەدەندىك باقىلاۋ جۇيەسىندە ساقتاپ, لوگيستيكاعا دا ارالاسا الادى. بۇل, اسىرەسە, قويما ۇستايتىن كومپانيالارعا, كولىك-لوگيستيكا وپەراتورلارى مەن ءىرى يمپورتەرلەرگە وتە ءتيىمدى. مامان, مۇنداي جاڭالىق كاسىپكەرلەرگە قولايلى بولىپ, ولاردىڭ مەملەكەتتىك ورگاندارمەن اشىق ءارى ىڭعايلى جۇمىس ىستەۋىنە مۇمكىندىك بەرەتىنىن ايتتى.
