ىنتىماقتاستىقتى كەڭەيتەدى

Eurasian Resources Group S.a.r.l. (ERG) جانە «سبەربانك روسسي» ااق XIX  سانكت-پەتەربۋرگ حالىقارالىق ەكونوميكالىق فورۋمىنىڭ شەڭبەرىندە جاڭا كەلىسىمدەرگە قول جەتكىزدى. ءتيىستى كەلىسىمدەرگە ERG S.a.r.l. مەنەدجەرلەر كەڭەسىنىڭ توراعاسى الەكساندر ماشكەۆيچ پەن «سبەربانك روسسي» ااق باسقارما توراعاسىنىڭ ءبىرىنشى ورىنباسارى ماكسيم پولەتاەۆ قول قويدى. بۇل قۇجات جوعارى سەنىمدىلىكتى جانە تاراپتاردىڭ سوڭعى جى­ل­دار­دا بىرگە جۇرگىزگەن جۇمىس­تارى­نا قاناعاتتانۋدى, سونىمەن قاتار ۇزاق مەرزىمدى سترا­تەگيا­لىق ىن­تى­ماق­تاستىعىن دامىتۋ نيە­تىن كورسە­تەدى. قۇجاتتىڭ نەگىزگى تار­ماق­تارى­نىڭ ءبىرى – ERG قولدانىستاعى مىندەت­تەمەلەردى 6 جىلعا دەيىن ۇزارتۋ نۇسقالارىن قاراۋ بولىپ وتىر. ERG – تابيعي رەسۋرستاردى ءوندى­رۋ جانە وڭدەۋ سالاسىنداعى الەم­دەگى ەڭ ءىرى كومپانيالاردىڭ ءبىرى. ينۆەس­تيتسيالىق ءارى قارجىلىق قىزمەت سالاسىندا قارجىلىق جانە كونسۋل­تاتسيالىق قىزمەتتەردىڭ كەڭ اۋقىم­داعى جاڭا تەحنولوگيالارىمەن ءوزىن-ءوزى قامتاماسىز ەتۋگە قابى­لەتتى. «سبەربانك روسسي» ااق كومپا­نياسىنىڭ ەرەكشەلىكتەرىن ەسكەرە وتىرىپ, سونداي-اق بيزنەستى دامىتۋ بويىنشا جاڭا جوبالاردى جۇزەگە اسىرۋ جاعدايىندا جەكە شەشىمدەردى جانە باسەكەلەستىككە قابىلەتتى شارتتاردا قىزمەت شارتتارىن ازىرلەۋگە دايىن. الەكساندر ماشكەۆيچ قول قويۋ ءراسىمى تۋرالى تۇسىنىكتەمەسىندە بىلاي دەدى: – ۇزاق ۋاقىت بويى «سبەربانك روس­سي» Eurasian Resources Group-تىڭ ەڭ ماڭىزدى ارىپتەستەرىنىڭ ءبىرى بولىپ تابىلادى جانە وسى جىلدار ىشىندە كەشەندى بانكتىك قىزمەتتەردىڭ ەڭ جوعارى ستاندارت­تارىن كورسەتەدى. وسى ىنتىماق­تاس­تىقتىڭ جالعاسى مەن كەڭەيۋى ءوزارا جوعارى سەنىمگە نەگىزدەلگەن. بۇل قادام – ءبىزدىڭ بيزنەسىمىزدىڭ ءپوزيتيۆتى دامۋىنىڭ سالماقتى بەلگىسى. ول ERG باسقارۋ ادىستەرىن مەن قۇرالدارىن ۇنەمى جەتىلدىرەتىن توپ رەتىندە ودان ءارى قارجىلىق تۇراقتىلىعىن جانە تيىمدىلىگىن ارتتىرۋعا ىقپال ەتەدى. «ەگەمەن-اقپارات».